Koninklike Nederlandse Krieketbond
| Koninklike Nederlandse Krieketbond | |
|---|---|
 Kenteken van die Koninklike Nederlandse Krieketbond
| |
| Nederlandsee naam | Koninklijke Nederlandse Cricket Bond |
| Afkorting | KNCB |
| Land |  Nederland
|
| Sportsoort | Krieket |
| Stigting | 1883 |
| Lid van | Internasionale Krieketraad |
| Aangesluit in | 1966 |
| Vastelandse beheerliggaam | Europese Krieketraad |
| Voorsitter | Guido Landheer |
| Hoof- uitvoerende beampte | Monica Visser |
| Setel | Nieuwegein, Nederland |
| Amptelike taal | Nederlands |
| Amptelike webwerf | kncb.nl |
Die Koninklike Nederlandse Krieketbond (Nederlands: Koninklijke Nederlandse Cricket Bond, afgekort “KNCB”) is die bestuursliggaam wat krieket in Nederland beheer. Die beheerliggaam is in 1883 gestig en in Nieuwegein gesetel. Sedert 1966 verteenwoordig dit Nederland by die Internasionale Krieketraad (IKR) as ’n assosiaatlid en ook by die Europese Krieketraad (European Cricket Council, “ECC”).
Geskiedenis[wysig | wysig bron]
Op 30 September 1883 is die Nederlandse Krieketbond gestig op inisiatief van die Haagsche Krieketklub en 18 ander stigtingslede, waarvan vier vandag nog bestaan (HCC, Hercules Utrecht, Hilversum en UD Deventer).[1] In 1958 het die Nederlandse beheerliggaam ’n koninklike handves van Koningin Juliana ontvang en sedertdien mag dit na homself as “Koninklike Nederlandse Krieketbond” (Koninklijke Nederlandse Cricket Bond, KNCB) verwys.[1][2] In 1966 het dit ’n assosiaatlid van die Internasionale Krieketraad (IKR) geword.[3]
Taak[wysig | wysig bron]
Die Koninklike Nederlandse Krieketbond organiseer verskeie nasionale spanne, insluitend Nederland se nasionale seniorkrieketspan vir mans (die vlieënde Nederlanders), vroue en jeug. Hulle is ook verantwoordelik vir die bestuur en organisasie van EDI- en T20I-reekse teen ander spanne, en vir die reëling van internasionale wedstryde tuis. Daarbenewens is die Koninklike Nederlandse Krieketbond verantwoordelik vir inkomsteverkryging deur die verkoop van kaartjies, borgskappe en uitsaairegte, veral in verband met die Nederlandse span. Sint Maarten, ’n outonome land binne die Koninkryk van die Nederlande, is ’n lid van Krieket Wes-Indië, waarvolgens van sy spelers vir die Wes-Indiese nasionale krieketspan gekeur mag word.[4]
Daarbenewens bestuur die beheerliggaam kinder- en jeugkrieket in Nederland.[5] Net soos ander krieketlande beskik Nederland oor ’n o/19-nasionale span wat aan die o/19-krieketwêreldbeker deelneem.[6]
Die beheerliggaam reël ook die plaaslike kompetisies. Die belangrikste krieketligas in Nederland is die Topklasse en die Nederlandse T20-beker. In 2019 het die Koninklike Nederlandse Krieketbond saam met Krieket Ierland en Krieket Skotland die Euro T20 Slam aangekondig. Aan dié nuwe toernooi sal twee spanne elk uit Ierland, Nederland en Skotland deelneem.[7]
Die Koninklike Nederlandse Krieketbond organiseer ook gereeld internasionale toernooie. Hulle het al opgetree as gasheer van die Krieketwêreldbeker 1999 (saam met Engeland, Ierland en Skotland).
Kenteken[wysig | wysig bron]
Die Koninklike Nederlandse Krieketbond se kenteken toon ’n gekroonde leeu wat trap, voor hom ’n paaltjie wat lê. Die leeu op die kenteken is die nasionale en koningsdier van Nederland.
Sien ook[wysig | wysig bron]
Verdere leesstof[wysig | wysig bron]
- (nl) J.W.G. Coops (1933). Gedenkboek uitgegeven ter gelegenheid van het vijftigjarig bestaan van den Nederlandschen Cricket Bond : 1883–30 September 1933. Amsterdam: Koninklike Nederlandse Krieketbond.
Verwysings[wysig | wysig bron]
- ↑ 1,0 1,1 (en) "Netherlands timeline". Cricket Europe. Geargiveer vanaf die oorspronklike op 22 Februarie 2014. Besoek op 22 Februarie 2014.
- ↑ (en) Roy Morgan (6 Oktober 2006). "Netherlands cricket". ESPNcricinfo. Besoek op 14 Februarie 2024.
- ↑ (en) "KNCB (Royal Dutch Cricket Association)". Internasionale Krieketraad. Besoek op 14 Februarie 2024.
- ↑ (en) "West Indies as separate cricketing countries?". Emerging Cricket. 8 Julie 2020. Besoek op 14 Februarie 2024.
- ↑ (nl) "Cricket4KIDS is cool!". Koninklike Nederlandse Krieketbond. Besoek op 14 Februarie 2024.
- ↑ (en) Martin Williamson (11 Januarie 2006). "The Under-19 World Cup". ESPNcricinfo. Besoek op 14 Februarie 2024.
- ↑ (en) "'Euro T20 Slam' – Name of the new European T20 league confirmed". Internasionale Krieketraad. 20 Maart 2019. Besoek op 14 Februarie 2024.
Eksterne skakels[wysig | wysig bron]
Nasionale Krieketrade van die Internasionale Krieketraad | ||
|---|---|---|
| Afrika | Botswana • Eswatini • Gambië • Ghana • Kameroen • Kenia • Lesotho • Malawi • Mali • Marokko • Mosambiek • Namibië • Nigerië • Rwanda • Seychelle • Sierra Leone • Sint Helena • Suid-Afrika • Tanzanië • Uganda • Zambië • Zimbabwe |  |
| Amerikas | Argentinië • Bahamas • Belize • Bermuda • Brasilië • Chili • Costa Rica • Falkland-eilande • Kaaimanseilande • Kanada • Meksiko • Panama • Peru • Suriname • Turks- en Caicoseilande • Wes-Indië • Verenigde State | |
| Asië | Afghanistan • Bahrein • Bangladesj • Bhoetan • Hongkong • Indië • Iran • Kambodja • Katar • Koeweit • Maleisië • Maledive • Mianmar • Mongolië • Nepal • Oesbekistan • Oman • Pakistan • Saoedi-Arabië • Singapoer • Sri Lanka • Tadjikistan • Thailand • Verenigde Arabiese Emirate • Volksrepubliek China | |
| Europa | België • Bulgarye • Denemarke • Duitsland • Eiland Man • Engeland • Estland • Finland • Frankryk • Gibraltar • Griekeland • Guernsey • Hongarye • Ierland • Israel • Italië • Jersey • Kroasië • Luxemburg • Malta • Nederland • Noorweë • Oostenryk • Portugal • Roemenië • Serwië • Siprus • Skotland • Slowenië • Spanje • Swede • Switserland • Tsjeggië • Turkye | |
| Oos-Asië-Pasifiek | Australië • Cookeilande • Fidji • Filippyne • Indonesië • Japan • Nieu-Seeland • Papoea-Nieu-Guinee • Samoa • Suid-Korea • Vanuatu | |
Vetdruk dui op volle lede en skuinsdruk op assosiaatlede met huidige of voormalige EDI-status asook kriekettoernooi-ervaring | ||