Krieket Ierland

in Wikipedia, die vrye ensiklopedie
Krieket Ierland
Kenteken van Krieket Ierland
Kenteken van Krieket Ierland
Engelse naam Cricket Ireland
Afkorting CI
Lande Flag of Ireland Ierland en Vlag van Noord-Ierland Noord-Ierland
Sportsoort Krieket
Stigting 1923
Lid van Internasionale Krieketraad
Aangesluit op 6 Julie 1993
Vastelandse beheerliggaam Europese Krieketraad
President David Griffin
Voorsitter Brian MacNeice
Hoof- uitvoerende beampte Warren Deutrom
Setels Clontarf en Malahide, Dublin, Ierland
Amptelike taal Engels
Amptelike webwerf cricketireland.ie

Krieket Ierland (Engels: Cricket Ireland, afgekort “CI”), voorheen die Ierse Krieketunie (Irish Cricket Union, “ICU”), is die bestuursliggaam wat krieket in Ierland (beide die Republiek Ierland en Noord-Ierland) beheer. Die raad is by die Internasionale Krieketraad (IKR) geaffilieer[1] en organiseer verskeie nasionale spanne, insluitend Ierland se nasionale seniorkrieketspan vir mans (die Men in Green of Green Whites), vroue en jeug. Hulle is ook verantwoordelik vir die bestuur en organisasie van toets-, EDI- en T20I-reekse teen ander spanne, en vir die reëling van internasionale wedstryde tuis. Daarbenewens is Krieket Ierland verantwoordelik vir inkomsteverkryging deur die verkoop van kaartjies, borgskappe en uitsaairegte, veral in verband met die Ierse span. Krieket Ierland het al opgetree as medegasheer van belangrike toernooie soos die Krieketwêreldbeker 1999 (saam met Engeland, Nederland en Skotland). Saam met Engeland en Skotland sal Ierland die T20I-wêreldbeker 2030 ook aanbied.[2]

Vlag van Krieket Ierland

In 1890 is ’n vroeë voorloper van Krieket Ierland gestig, maar hul enigste taak was om die Ierse internasionale span saam te stel.[3] Die Ierse Krieketunie is amptelik in 1923 deur verteenwoordigers uit Munster, Northern, Connacht en North West gestig.[4] Tot in die vroeë 1990’s is Ierland (nes Skotland) verteenwoordig deur die Engelse nasionale krieketspan,[5] wat as ’t ware die span van die hele Verenigde Koninkryk en die Republiek Ierland was. Ierland het in 1993 by die IKR as ’n assosiaatlid aangesluit.[6] Op 22 Junie 2017 het Ierland – saam met Afghanistan – ’n volle lid van die IKR geword en mag dus toetskrieket speel, wat na die belangrikste en vernaamste internasionale krieketwedstryde verwys.[7][8][9][10][11]

Kinders en jongmense word reeds op skool aan krieket bekend gestel en na gelang van hul belangstelling en talent begin hul met hul afrigting. Nes ander krieketnasies beskik Ierland oor ’n o/19-nasionale span wat aan die o/19-krieketwêreldbeker deelneem.[12] Ireland Wolves is die tweede nasionale span van Ierland en van hul wedstryde geniet eersterangse of A-lys-status. Die belangrikste krieketligas in Ierland is die Interprovinsiale Kampioenskap in eersterangse krieket (drie spanne), die Interprovinsiale Beker in EDI-krieket (vier spanne) en die Interprovinsiale Trofee in T20-krieket (vier spanne).

Aangesien die Ierse nasionale krieketspan beide die Republiek Ierland en Noord-Ierland verteenwoordig, gebruik hulle – nes die soortgelyke Ierse nasionale hokkiespan en die Ierse nasionale rugbyspan – nie ’n nasionale vlag nie. Derhalwe gebruik Krieket Ierland nóg een van die lande se volksliedere, nóg een val hul vlae as ’n verteenwoordigende simbool; pleks daarvan gebruik die Ierse nasionale krieketspan sy eie vlag – dié van Krieket Ierland – en himne.

In 2019 het Krieket Ierland saam met die Koninklike Nederlandse Krieketvereniging en Krieket Skotland die Euro T20 Slam aangekondig. Aan dié nuwe toernooi sal twee spanne elk uit Ierland, Nederland en Skotland deelneem.[13]

Sien ook[wysig | wysig bron]

Verwysings[wysig | wysig bron]

  1. ↑ (en) "Cricket Ireland". Internasionale Krieketraad. Besoek op 24 Junie 2021.
  2. ↑ (en) Nagraj Gollapudi (16 November 2021). "USA co-hosts for 2024 T20 WC, Pakistan gets 2025 Champions Trophy, India and Bangladesh 2031 World Cup". ESPNcricinfo. Besoek op 7 November 2022.
  3. ↑ (en) Gerard Siggins (2005). Green Days: Cricket in Ireland 1792–2005. Nonsuch Publishing Ltd. p. 40.
  4. ↑ (en) "A brief history of cricket: Cricket in Ireland". ESPNcricinfo. Besoek op 24 Junie 2021. Retrieved on 3 November 2008.
  5. ↑ (en) Wisden Cricketers' Almanack (128 uitg.). John Wisden & Co Ltd. 1991. pp. 293 en 1321. ISBN 0-947766-16-2.
  6. ↑ (en) "1989 – present – International Cricket Council". ICC-cricket.yahoo.com. Geargiveer vanaf die oorspronklike op 21 Julie 2008. Besoek op 10 November 2008.
  7. ↑ (en) "Ireland and Afghanistan ICC newest full members amid wide-ranging governance reform". Internasionale Krieketraad. 22 Junie 2017. Besoek op 24 Junie 2021.
  8. ↑ (en) "Ireland awarded Test status after 10-year quest". Rte.ie. 22 Junie 2017. Besoek op 24 Junie 2021.
  9. ↑ (en) "Afghanistan, Ireland get Test status". ESPNcricinfo. 22 Junie 2017. Besoek op 24 Junie 2021.
  10. ↑ (en) "Ireland and Afghanistan granted Test status after becoming 11th and 12th full ICC members". The Telegraph. 22 Junie 2017. Besoek op 24 Junie 2021.
  11. ↑ (en) "Ireland & Afghanistan awarded Test status by International Cricket Council". BBC. 22 Junie 2017. Besoek op 24 Junie 2021.
  12. ↑ (en) Martin Williamson. "A brief history: The Under-19 World Cup". ESPNcricinfo. Besoek op 24 Junie 2021.
  13. ↑ (en) "'Euro T20 Slam' – Name of the new European T20 league confirmed". Internasionale Krieketraad. 20 Maart 2019. Besoek op 24 Junie 2021.

Eksterne skakels[wysig | wysig bron]


Nasionale Krieketrade van die Internasionale Krieketraad

Afghanistan • Australië • Bangladesj • Engeland • Ierland • Indië • Nieu-Seeland • Pakistan • Sri Lanka • Suid-Afrika • Wes-Indië • Zimbabwe

Ontsluit van "https://af.wikipedia.org/w/index.php?title=Krieket_Ierland&oldid=2575712"