Messier 10

in Wikipedia, die vrye ensiklopedie
Messier 10
Die kern van Messier 10 soos afgeneem deur die Hubble-ruimteteleskoop. (Bron: Nasa/STScI/WikiSky)
Die kern van Messier 10 soos afgeneem deur die Hubble-ruimteteleskoop.
(Bron: Nasa/STScI/WikiSky)
Soort Bolswerm
Sterrebeeld Slangdraer
Regte klimming 16h 57m 8,92s
Deklinasie -04º 05' 58,07"
Afstand 14 300 ligjare (4 400 parsek)
Skynbare magnitude 6,4 mag
Skynbare grootte (v) 20′.0
Radius 41,6 ligjare
Ander name GCl-49, NGC 6254[1]
Messier 10 soos gesien deur ’n amateur-teleskoop.

Messier 10 of M10 (ook bekend as NGC 6254) is ’n bolvormige sterreswerm in die sterrebeeld Slangdraer. Dit is op 29 Mei 1764 deur Charles Messier ontdek, wat dit as die tiende voorwerp in sy Messier-katalogus gelys het en dit beskryf het as ’n newel sonder sterre. William Herschel het individuele sterre onderskei en dit beskryf as ’n "pragtige swerm van uiters saamgeperste sterre". Die eerste sterrekundige wat die afstand van die sterreswerm geraam het, was Harlow Shapley, hoewel sy berekening van 33 000 ligjare verskil van die moderne skatting[2] (14 300 ligjare).

Die getyradius van M10 is 19,3 boogminute, wat sowat twee derdes van die maan se oënskynlike deursnee is. Deur ’n mediumgroot teleskoop is dit omtrent die helfte so groot omdat sy helder kern net sowat 35 ligjare breed is.

Wat elemente anders as waterstof en helium betref, is M10 redelik arm aan wat sterrekundiges metale noem. Die ystergehalte is net sowat 3,5% persent van dié van die son.

Omdat dubbelsterre in die algemeen ’n groter massa as normale sterre het, neig die dubbelsterre om na die middel van die swerm te beweeg. Sowat 14% van hulle lê in die streek van die kern teenoor sowat 1,5% in die buitenste streke.[3] Vier veranderlike sterrre is in die swerm geïdentifiseer.

Verwysings[wysig | wysig bron]

  1. "M 10 -- Globular Cluster", Simbad Astronomical Object Database (Centre de Données astronomiques de Strasbourg), http://simbad.u-strasbg.fr/simbad/sim-basic?Ident=M+10, besoek op 2010-03-19. 
  2. Burnham, Robert (1978), Burnham's celestial handbook: an observer's guide to the universe beyond the Solar System, Dover Books on Astronomy, 2 (2de ed.), Courier Dover Publications, p. 1261, ISBN 0-486-23568-8, http://books.google.com/books?id=wB9uZ9lH5bgC&pg=PA1261. 
  3. Dalessandro, E. et al. (Desember 2011), "The Binary Fraction in the Globular Cluster M10 (NGC 6254): Comparing Core and Outer Regions", The Astrophysical Journal 743: 11, doi:10.1088/0004-637X/743/1/11, Bibcode2011ApJ...743...11D. 

Eksterne skakels[wysig | wysig bron]

Koördinate: Sky map 16h 57m 08.99s, −04° 05′ 57.6″