Messier 79

in Wikipedia, die vrye ensiklopedie
Jump to navigation Jump to search
Messier 79
NGC1904 M79.png
Soort stelsel Bolswerm
Sterrebeeld Haas
Waarnemingsdata (Epog J2000)
Regte klimming 05h 24m 10,59s
Deklinasie -24º 31' 27,3"
Skynmagnitude 8,56
Besonderhede
Afstand (ligjaar) 41 000
Skynbare grootte  8,7 boogminute
Ander name M79, NGC 1904, GCl 10
Portaal  Portaalicoon   Sterrekunde

Messier 79 of M79 (ook bekend as NGC 1904) is ’n bolvormige sterreswerm sowat 41 000 ligjare van die Aarde af in die sterrebeeld Haas. Dit is in 1780 deur Pierre Méchain ontdek en Charles Messier het dit in sy katalogus van komeetagtige voorwerpe opgeneem.

Nes met Messier 54 (die ander bolswerm op Messier se lys buite die Melkweg), word geglo dat dit nie eie aan die Melkweg is nie, maar behoort tot die Canis Major-dwergsterrestelsel wat tans in ’n baie nabye interaksie met die Melkweg betrokke is – een wat dit waarskynlik nie ongeskonde sal oorleef nie. Dit is egter ’n betwisbare onderwerp aangesien sterrekundiges steeds ’n debat voer oor die aard van die Canis Major-stelsel self.[1] Die meeste sterre in die swerm is rooireuse.

Verwysings[wysig | wysig bron]

  1. López-Corredoira, M.; Momany, Y.; Zaggia, S.; Cabrera-Lavers, A. (2007). “Re-affirming the connection between the Galactic stellar warp and the Canis Major over-density”. Astronomy and Astrophysics 472 (3): l47. doi:10.1051/0004-6361:20077813.

Eksterne skakels[wysig | wysig bron]

Koördinate: Sky map 05h 24m 10.59s, −24° 31′ 27.3″