Regering van Suid-Afrika
Die Republiek van Suid-Afrika is 'n parlementêre republiek met 'n drievlakkige regeringstelsel en 'n onafhanklike regbank wat in 'n parlementêre stelsel funksioneer. Wetgewende gesag word deur die Parlement van Suid-Afrika gedien. Uitvoerende gesag berus by die President van Suid-Afrika wat staatshoof en regeringshoof is, en sy Kabinet. Die President word deur die Parlement verkies om 'n vaste termyn te dien.[1][2][3]
Suid-Afrika se regering verskil van dié van ander Statebond-nasies. Die nasionale, provinsiale en plaaslike regeringsvlakke het almal wetgewende en uitvoerende gesag in hul eie sfere, en word in die Suid-Afrikaanse Grondwet gedefinieer as "kenmerkend, interafhanklik en onderling verwant".
Op beide nasionale en provinsiale vlak ("sfere") is adviesliggame werksaam wat uit Suid-Afrika se tradisionele leiers getrek is. Dit is 'n verklaarde voorneme in die Grondwet dat die land op 'n stelsel van samewerkende regering bestuur word.
Die nasionale regering bestaan uit drie onderling-verbonde takke:
- Wetgewend: Parlement, bestaande uit die Nasionale Vergadering en die Nasionale Raad van Provinsies
- Uitvoerend: Die President, wat beide Staatshoof en Regeringshoof is
- Geregtelik: Die Konstitusionele Hof, die Hoogste Hof van Appèl en die Hooggeregshof.
Alle liggame van die Suid-Afrikaanse regering is onderworpe aan die Grondwet, wat die hoogste reg in Suid-Afrika is.
Verwysings[wysig | wysig bron]
- ↑ Constitution of the Republic of South Africa, 1996, s. 42 Geargiveer 13 April 2014 op Wayback Machine
- ↑ Odeyemi, Temitayo Isaac; Abioro, Tunde (2018-08-04), "Digital Technologies, Online Engagement and Parliament-Citizen Relations in Nigeria and South Africa" (in en), Advances in African Economic, Social and Political Development (Springer International Publishing): pp. 217–232, doi:10.1007/978-3-319-93509-6_12, ISBN 9783319935089
- ↑ Odeyemi, Temitayo Isaac; Olorunshola, Damilola Temitope; Ajibola, Boluwatife Solomon (9 April 2023). "Turning public engagement into standard practice : institutionalisation in the work of the South African Parliament". The Journal of Legislative Studies (in Engels): 1–19. doi:10.1080/13572334.2023.2195147. ISSN 1357-2334.
