Riversdal

in Wikipedia, die vrye ensiklopedie
(Aangestuur vanaf Riversdale)
Riversdal
Riversdal vanuit die N2 hoofweg
Riversdal vanuit die N2 hoofweg
Riversdal is in Wes-Kaap
Riversdal
Riversdal
 Riversdal se ligging in Wes-Kaap
Koördinate: 34°05′49″S 21°15′44″O / 34.09694°S 21.26222°O / -34.09694; 21.26222Koördinate: 34°05′49″S 21°15′44″O / 34.09694°S 21.26222°O / -34.09694; 21.26222
LandVlag van Suid-Afrika Suid-Afrika
ProvinsieWes-Kaap
DistrikTuinroete
MunisipaliteitHessequa
Stigting1838[1]
Oppervlak
 • Totaal100,45 km2 (38,78 vk. myl)
Bevolking
 (2011)[2]
 • Totaal16 176
 • Digtheid161/km2 (420/vk. myl)
Rasverdeling (2011)
 • Wit mense15.3%
 • Indiërs/Asiërs0.3%
 • Bruin mense75.2%
 • Swart mense8.9%
 • Ander0.3%
Taal (2011)
 • Afrikaans 92.3%
 • Xhosa 3.7%
 • Engels 2.2%
 • Ander 1.8%
Poskode (strate)
6670
Poskode (posbusse)
6670
Skakelkode028

Riversdal ((en) Riversdale) is 'n dorp in die suidooste van die Wes-Kaap. Die N2 nasionale pad gaan deur die dorp.

Die argitekte Hermann Kallenbach en A.M. Reynolds het die NG Kerk Riversdal ontwerp. Ds. J.R. Albertyn het die hoeksteen op 4 Maart 1908 gelê. Die dogtergemeente Albertinia is so genoem ter ere van hom.

Geskiedenis[wysig | wysig bron]

Die dorp is in 1838 aan die voet van die Langebergreeks gevestig. Die NG gemeente is die volgende jaar afgestig. Die dorp is vernoem na Harry Rivers, destyds die plaaslike landdros en later koloniale sekretaris. Dit het in 1849 'n munisipaliteit geword.

Tydens die Tweede Vryheidsoorlog het generaal Christiaan de Wet naby aan die dorp verby beweeg.

Wapens[wysig | wysig bron]

Munisipaliteit — Die munisipale raad het in 1908 die Rivers-familiewapen as dorpswapen aangeneem. Die bekende plaaslike skilder Jan Volschenk het 'n skildery daarvan vir die raad gemaak.[3] Die wapen toon 'n staande hert op 'n grasgrond; die helmteken was 'n soortgelyke hert; en die wapenspreuk was "Labitur et labitur".

Afdelingsraad — Riversdal se afdelingsraad (d.w.s. die plaaslike owerheid vir die landelike gebiede buite die dorpsgrense) het in 1964 'n wapen by die Kaapse Provinsiale Administrasie geregistreer en dit in 1966 deur die administrateur aan die raad laat toeken.[4] Dit is in 1970 by die Buro vir Heraldiek geregistreer.[5]

Schalk Pienaar het die wapen ontwerp: In blou, drie naasmekaar geplaaste koringgerwe van goud, vergesel in die skildvoet van twee golwende dwarsbalke van silwer; op 'n uitgetande skildhoof, in goud, 'n proteablom met blare van natuurlike kleur. Die helmteken was 'n Riversdalse heideplant, en die wapenspreuk "Salus populi supreme lex".

Die afdelingsraad se opvolger, die Langeberg-afdelingsraad, het die wapen in 1981 in sy naam herregistreer.[5]

NG gemeente[wysig | wysig bron]

Die NG gemeente Riversdal is die 23e oudste gemeente van die Nederduitse Gereformeerde Kerk in Suid-Afrika. Die gemeente Riversdal-Wes het in 1955 afgestig.

Distrik[wysig | wysig bron]

Die distrik is 3 945 km2 groot en is op boerdery gegrond met koring, wol en aartappels van die belangrikste produkte. Vee- en perdetelery en suiwelprodukte is ook belangrik.

Bekende boorlinge[wysig | wysig bron]

Sien ook[wysig | wysig bron]

Bronne[wysig | wysig bron]

  • Erasmus, B.P.J. (1995). Op Pad in Suid-Afrika. Jonathan Ball Uitgewers. ISBN 1-86842-026-4.

Verwysings[wysig | wysig bron]

  1. "Chronological order of town establishment in South Africa based on Floyd (1960:20-26)" (PDF) (in Engels). pp. xlv–lii. Geargiveer (PDF) vanaf die oorspronklike op 13 Julie 2019. Besoek op 25 April 2016.
  2. 2,0 2,1 2,2 2,3 "Hoofplek Riversdal". Sensus 2011.
  3. Van Wyk, F. (1988). Riversdal 150 Jaar 1838-1988.
  4. Kaap die Goeie Hoop Offisiële Koerant 3270 (18 Desember 1964) en 3357 (29 Julie 1966).
  5. 5,0 5,1 http://www.national.archsrch.gov.za[dooie skakel].