7 Januarie

7 Januarie is die sewende dag van die jaar in die Gregoriaanse kalender. Daar volg nog 358 dae in die res van die jaar (359 in skrikkeljare).

Gebeure

• 1545 - Ugo Boncompagni (later Pous Gregorius XIII) word referendaris van die tribunaal van die Apostoliese hof vir geregtigheid en genade.
• 1566 - Pous Pius V volg Pous Pius IV op as pous van die Rooms-Katolieke Kerk.
• 1608 - Brande verwoes Jamestown, Virginia.
• 1610 - Galileo Galilei se waarnemings onthul vir die eerste keer die vier grootste mane van Jupiter: Callisto, Europa, Ganymedes en Io. Hy gee aan elk 'n naam en die vier staan dus bekend as die Galileaanse mane.
• 1765 - Pous Clemens XIII publiseer "Apostolicum Pacendi" – Verdediging van die Jesuïte.
• 1782 - Bank of North America, die eerste kommersiële Amerikaanse bank, word geopen.
• 1785 - Jean-Pierre Blanchard van Frankryk en Amerikaner John Jeffries reis vanaf Dover, Engeland, na Calais, Frankryk, in 'n gas ballon.
• 1797 - Die moderne Italiaanse vlag word vir die eerste keer gebruik.
• 1875 - Die Tünel, die tweede oudste ondergrondse stedelike spoorlyn word ingewy in Istanboel.
• 1927 - Die eerste transatlantiese telefoonoproep word gemaak - New York (Stad) na Londen.
• 1953 - Amerikaanse president Harry Truman kondig aan dat die Verenigde State 'n waterstof bom ontwikkel het.
• 1980 - Amerikaanse president Jimmy Carter bekragtig wetgewing wat $1.5 miljard in lenings toelaat om Chrysler Corporation uit hul finansiële verknorsing te help.

Geboortes

• 1502 - Pous Gregorius XIII (Ugo Boncompagni).

Sterftes

• 1655 - Pous Innocentius X (Geb. 1574).
• 1814 - Ira Allen, een van die stigtervaders van die Amerikaanse deelstaat Vermont (Geb. 1751)
• 1990 - Virginia Lee, Suid-Afrikaanse sangeres van ligte musiek (Geb. 27 Junie 1927).

---