Hectorspruit

Hectorspruit
Hectorspruit
Koördinate: 25°26′S 31°41′O
Land	Suid-Afrika
Provinsie	Mpumalanga
Distriksmunisipaliteit	Ehlanzeni
Plaaslike Munisipaliteit	Nkomazi
Tydsone	SAST (UTC+2)

Hectorspruit is 'n dorp in die ooste van Mpumalanga, Suid-Afrika. Die dorp is tussen die dorpe Kaapmuiden en Komatipoort geleë.

Geskiedenis

Die dorp lê op die oewer van Hectorspruit, 'n sytak van die Krokodilrivier. Die spruit het weer sy naam van die hond van Servaas de Kock gekry. De Kock was die man wat die Pretoria-Delgoabaai spoorlyn opgemeet het. Die spoorlyn het die dorp in 1891 bereik. Nadat Paul Kruger die land verlaat het op 11 September 1900 het die Boere die Tweede Vryheidsoorlog in guerilla-vorm voortgesit vanaf hierdie dorpie.

Distrik

Daar word suikerriet, groente en subtropiese vrugte verbou in die distrik.

Sien ook

• Lys van dorpe in Suid-Afrika

Bron

• Op Pad in Suid-Afrika. B.P.J. Erasmus. 1995. ISBN 1-86842-026-4