Sabie
| Sabie | |
 |
|
  Sabie
|
|
| Koördinate: Koördinate: | |
| Land |  Suid-Afrika |
|---|---|
| Provinsie | Mpumalanga |
| Distriksmunisipaliteit | Ehlanzeni |
| Plaaslike Munisipaliteit | Thaba Chweu |
| Oppervlak | |
| - Stad | 78,81 km² (30,4 vk m) |
| Hoogte | 1 000 m (3 281 vt) |
| Bevolking (2001) | |
| - Stad | 5 674 |
| - Digtheid | 72/km² (186,5/myl2) |
| Tydsone | SAST (UTC+2) |
| Poskode | 1260 |
Sabie is 'n bosboudorp geleë aan die oewers van die Sabierivier in Mpumalanga, Suid-Afrika. Die Sabierivier was eens op 'n tyd vol krokodille en daarom het die Sjangaan-stam die rivier uluSaba (rivier van vrees) gedoop. Die dorp is gestig nadat HT Glynn en JC Ingle goud hier ontdek het en die Glynns-Lydenburg Gold Mining Company gestig het.
Dit is 360 km oos van Johannesburg en sowat 64 km wes van die gewilde Krugerwildtuin geleë en is 'n baie gewilde toeristebestemming.
Die belangrikste nywerheid is bosbou. Die plantasies rondom Sabie vorm een van die wêreld se grootste mensgemaakte woude.
Die dorp is sowat 1000 meter bo seevlak en val in die somerreënvalgebied. Die bekende Long Tompas begin net buite Sabie en verbind dié dorp met Lydenburg.
Inhoud |
Bergfiets [wysig]
Sabie het uiters gewild geword onder die bergfietsryers. Daar is etlike jaarlikse wedrenne en meerdaagse wedrenne wat in die omgewing plaasvind. Die Sabie Experience is 'n vierdaagse bergfietstoer wat beperk word tot 250 spanne, dit vind elke jaar gedurende Desembermaand plaas. Die Sabie Classic is ook 'n bekende wedren wat jaarliks plaasvind. Die Suid-Afriaanse veldwedren, Olimpiese formaat, kampioenskappe word ook gereeld in die Sabie-omgewing gehou.
Watervalle [wysig]
Daar is etlike watervalle in die Sabie omgewing. Die bekendes is: Berlinwaterval, Bruidsluierwaterval, Forestwaterval, Lisbonwaterval, Mac-Macwaterval, Lone Creekwaterval, Perdeskoenwaterval, Sabiewaterval en Maria Shireswaterval.
