Michail van Wladimir

in Wikipedia, die vrye ensiklopedie
Spring na: navigasie, soek
Michail
Grootprins van Wladimir-Soezdal
Periode 1175-1176
Voorganger Andrei Bogoljoebski
Opvolger Wsewolod die Groot Nes
Huis Rjoerik
Vader Joeri Dolgoroeki
Oorlede 20 Junie 1176

Michalko (Michail) Joerjewitsj (Russies: Михалко (Михаил) Юрьевич; oorlede 20 Junie 1176) was van 1175 tot 1176 grootprins van Wladimir-Soezdal.

Hy was Joeri Dolgoroeki se oudste seun by sy tweede vrou en is deur sy halfbroer Andrei Bogoljoebski van Soezdal af weggestuur. Van 1162 tot 1169 het hy op ’n klein dorpie naby Tsjernigof gewoon, maar later na Tortsjesk getrek. Hy is in 1171 deur Andrei aangestel om oor Kiëf te regeer ná die dood van Gleb Joerjewitsj, maar Michail het geweier en sy jonger broer Wsewolod in sy plek na Kiëf gestuur.

Ná Andrei se dood het Michail hom in Wladimir opgevolg, maar die vyandelikheid van die bojare van Soezdal en Rostof, wat verwaarloos gevoel het omdat Wladimir al hoe belangriker geword het, het hom gedwing om na Tsjernigof terug te keer. Hy is kort daarna deur Wladimir gevra om hulle te help veg teen Jaropolk Rostislawowitsj, ’n neef van Andrei Bogoljoebski. Hy het Jaropolk verslaan en in 1175 die troon van Waldimir teruggekry. Hy is die volgende jaar dood en is deur sy broer Wsewolod opgevolg.

Crystal txt.png

Hierdie artikel is vertaal vanuit die Engelse Wikipedia

Grootprinse en tsare van die Rjoerik-dinastie
Grootprinse Rjoerik · Oleg · Igor I · Olga · Swjatoslaf I · Jaropolk I · Wladimir I die Grote · Swjatopolk I · Jaroslaf I die Wyse · Isjaslaf I · Swjatoslaf II · Wsewolod I · Swjatopolk II · Wladimir Monomach · Mstislaf I · Jaropolk II · Wsewolod II · Igor II · Isjaslaf II · Joeri I Dolgoroeki · Andrei Bogoljoebski · Michail van Wladimir · Wsewolod die Groot Nes · Konstantyn · Joeri II · Jaroslaf II · Swjatoslaf III · Andrei II · Aleksander Nefski · Jaroslaf III van Twer · Wasili · Dmitri I · Andrei III · Michail · Joeri III · Dmitri II · Aleksander · Iwan I · Semjon die Trotse · Iwan II · Dmitri Donskoi · Wasili I · Wasili II · Iwan III die Grote · Wasili III
Tsare Iwan IV die Verskriklike · Fjodor I