Swjatopolk I van Kiëf

in Wikipedia, die vrye ensiklopedie
Spring na: navigasie, soek
Swjatopolk
Grootprins van Kiëf
Die dood van Swjatopolk I van Kiëf
Die dood van Swjatopolk I van Kiëf
Periode 1015-1019
Voorganger Wladimir die Heilige
Opvolger Jaroslaf die Wyse
Huis Rjoerik
Vrou Poolse prinses
Vader Dalk Wladimir die Heilige
Gebore Omstreeks 980
Oorlede 1019
Bynaam Swjatopolk die Vervloekte

Swjatopolk I of Swjatopolk die Vervloekte (Russies: Святополк Окаянный; omstreeks 980 - 1019) het van 1015 tot 1019 as grootprins oor Kiëf-Roes regeer. Sy ma was ’n Griekse non wat deur Swjatoslaf I uit Bulgarye ontvoer is en getroud was met Jaropolk I. Sy pa was waarskynlik Wladimir I, wat Jaropolk se weduwee verkrag het nadat hy Jaropolk laat vermoor het. Wladimir het gereël dat Swjatopolk met ’n Poolse prinses trou om hom uit die stryd om die troonopvolging te hou. Dit het misluk toe Swjatopolk se skoonpa Kiëf aanval. Wladimir het Swjatopolk toe gevange laat neem.

Aan die einde van sy lewe het Wladimir sy ryk onder sy twaalf seuns verdeel. Hy is op 15 Julie 1015 in Berestowo dood terwyl hy op pad was na Nowgorod.

Bewind[wysig]

Ná Wladimir se dood het Swjatopolk, sy "oudste seun", vir hom die troon van Kiëf toegeëien. Toe die Kiëfse bevolking hom nie steun nie, het hy geskenke onder hulle uitgedeel. Toe dit nie slaag nie, het hy sy grootste mededingers, sy twee "broers" Boris en Gleb, laat vermoor – hulle is later nes Wladimir en Olga tot heiliges verklaar.

Toe Swjatopolk se jongste broer, Jaroslaf, die prins van Nowgorod, die nuus van die moord kry, het hy teen Swjatopolk opgeruk. Die verslane Swjatopolk het na Pole gevlug. Hy het egter teruggekeer, Jaroslaf met die hulp van sy skoonpa verslaan en Kiëf in 1017 beleër. Jaroslaf het hom egter weer aangeval en verslaan. Swjatopolk moes vlug, maar het Jaroslaf weer eens aangeval. Hy is egter weer verslaan en is onderweg na Pole dood.

Verwysings[wysig]

Hierdie artikel is merendeels vertaal vanaf die Nederlandse Wikipedia-artikel [1]
Grootprinse en tsare van die Rjoerik-dinastie
Grootprinse Rjoerik · Oleg · Igor I · Olga · Swjatoslaf I · Jaropolk I · Wladimir I die Grote · Swjatopolk I · Jaroslaf I die Wyse · Isjaslaf I · Swjatoslaf II · Wsewolod I · Swjatopolk II · Wladimir Monomach · Mstislaf I · Jaropolk II · Wsewolod II · Igor II · Isjaslaf II · Joeri I Dolgoroeki · Andrei Bogoljoebski · Michail van Wladimir · Wsewolod die Groot Nes · Konstantyn · Joeri II · Jaroslaf II · Swjatoslaf III · Andrei II · Aleksander Nefski · Jaroslaf III van Twer · Wasili · Dmitri I · Andrei III · Michail · Joeri III · Dmitri II · Aleksander · Iwan I · Semjon die Trotse · Iwan II · Dmitri Donskoi · Wasili I · Wasili II · Iwan III die Grote · Wasili III
Tsare Iwan IV die Verskriklike · Fjodor I