Iwan I van Moskou

in Wikipedia, die vrye ensiklopedie
Spring na: navigasie, soek
Iwan I
Prins van Moskou
Grootprins van Wladimir
Ivan Kalita.jpg
Periode 1325–1340
Voorganger Aleksander van Twer
Opvolger Semjon I van Moskou
Huis Rjoerik
Vader Daniil van Moskou
Gebore c. 1288
Oorlede 31 Maart 1340
Kinders O.a. Semjon die Trotse
Iwan II van Moskou

Iwan I van Moskou of Iwan Kalita (Russies: Ива́н I Дани́лович Калита́ ; 128831 Maart 1340) was van 1325 die prins van Moskou en van 1328 die grootprins van Wladimir. Hy was die seun van Daniil van Moskou.

Bewind[wysig]

Ná die dood van sy ouer broer Joeri III het Iwan prins van Moskou geword. Hy was een van die prinse wat meegeding het om die amp van grootprins van Wladimir, wat deur die khan van die Goue Horde toegeken is. Die prinse van Moskou se belangrikste teenstanders om die titel was die prinse van Twer - Michail, Dmitri die Verskriklike Oë en Aleksander, wat almal die amp gekry en toe verloor het. Hulle is almal deur die Goue Horde tereggestel.

In 1328 het Iwan Kalita toestemming van die khan gekry om die grootprins van Wladimir te word. Een van die redes waarom Moskou al hoe belangriker geword het, was omdat dit deur ander Russiese gebiede omring was en dus minder aangeval is. Al hoe meer mense wat moeg was vir plundertogte het daarheen getrek. Iwan het mense van ander gebiede genooi om daar te kom woon en Russe gekoop wat tydens strooptogte deur die Goue Horde gevange geneem is. Hy het van al die rowers in sy gebied ontslae geraak en dit dus veilig vir handelaars gemaak om te reis. Dit het gelei tot ’n vreedsame tydperk in Moskou.

Iwan het Moskou ook ryk gemaak deur lojaal aan die Horde te bly, vandaar sy bynaam, Kalita of "Geldsak". Hy het grond om Moskou opgekoop en ander stede het self by Moskou aangesluit - Oeglitsj in 1323, Belozero in 1328-1338, Galitsj in 1340. Hy het ook geld aan ander prinsdomme geleen en hulle het al hoe dieper in die skuld geraak. Hulle is later deur Iwan se opvolgers geannekseer. Iwan se grootste sukses was egter om die khan te oorreed dat sy seun Semjon die Trotse hom moet opvolg as grootprins van Wladimir. Van toe af het die prinse van Moskou feitlik altyd oor die ander stede regeer.

Die stad het bly groei onder Iwan en bouwerk aan die Moskouse Kremlin is in dié tyd begin.

Bronne[wysig]

  • V.O. Kluchevsky. The course of Russian history. Lecture #21
  • Janet Martin, Medieval Russia 980-1584

Eksterne skakels[wysig]

Commons-logo.svg
Wikimedia Commons het meer media verwant aan:
Iwan I van Moskou (kategorie)


Crystal txt.png

Hierdie artikel is vertaal vanuit die Engelse Wikipedia

Grootprinse en tsare van die Rjoerik-dinastie
Grootprinse Rjoerik · Oleg · Igor I · Olga · Swjatoslaf I · Jaropolk I · Wladimir I die Grote · Swjatopolk I · Jaroslaf I die Wyse · Isjaslaf I · Swjatoslaf II · Wsewolod I · Swjatopolk II · Wladimir Monomach · Mstislaf I · Jaropolk II · Wsewolod II · Igor II · Isjaslaf II · Joeri I Dolgoroeki · Andrei Bogoljoebski · Michail van Wladimir · Wsewolod die Groot Nes · Konstantyn · Joeri II · Jaroslaf II · Swjatoslaf III · Andrei II · Aleksander Nefski · Jaroslaf III van Twer · Wasili · Dmitri I · Andrei III · Michail · Joeri III · Dmitri II · Aleksander · Iwan I · Semjon die Trotse · Iwan II · Dmitri Donskoi · Wasili I · Wasili II · Iwan III die Grote · Wasili III
Tsare Iwan IV die Verskriklike · Fjodor I