Jaropolk I van Kiëf

in Wikipedia, die vrye ensiklopedie
Spring na: navigasie, soek
Jaropolk I
Grootprins van Kiëf
Vorstehuis Rjoerik
Gebore c. 958960
Regeer 972980
Voorganger Swjatoslaf I
Opvolger Wladimir I
Vader Swjatoslaf I
{{{Voetnotas}}}
Die moord op Jaropolk

Jaropolk I Swjatoslawitsj (Russies: Ярополк I Святославич) was tussen 972 en 980 die jong en taamlik raaiselagtige prins van Kiëf.

Sy pa, Swjatoslaf I, het Kiëf in Jaropolk se hande gelaat toe hy op ’n veldtog teen die Donause Bulgare vertrek het. Kort ná Swjatoslaf se dood het ’n burgeroorlog egter uitgebreek tussen Jaropolk en sy broers. Volgens een weergawe het Oleg (sy een broer) vir Ljoet, die seun van Jaropolk se raadgewer en opperbevelhebber, Sweneld, vermoor. Laasgenoemde het daarop aangedring dat Jaropolk wraak neem, en dus het die prins teen sy broer opgetrek en hom vermoor. Daarna het Jaropolk sy manne na Nowgorod gestuur van waar sy ander broer Wladimir gevlug het ná die nuus van Oleg se dood. So het Jaropolk die enigste heerser van Kiëf-Roes geword.

In 980 het Wladimir teruggekeer met huursoldate en Jaropolk aangeval. Op pad na Kiëf het Wladimir die stad Polotsk beleër omdat Rogneda, dogter van Rogwolod, die prins van Polotsk, sy broer Jaropolk bo hom gekies het. Wladimir het Rogneda in die teenwoordigheid van haar pa verkrag [1]. Hy het Rogwolod laat vermoor en Rogneda gedwing om met hom te trou. Daarna het hy Kiëf beleër met die hulp van die bojaar Bloed, wat ná Sweneld se dood Jaropolk se raadgewer geword het. Bloed het Jaropolk egter verraai deur hom aan te raai om uit Kiëf te vlug en hom terug te trek in die stad Rodja. Maar Wladimir het Rodja ook beleër en Jaropolk gevra dat hulle oor vrede onderhandel. Jaropolk het geglo dat Bloed en sy broer werklik vrede wou hê en het na Wladimir se hoofkwartier gegaan waar hy vermoor is.

Verwysings[wysig]

Hierdie artikel is merendeels vertaal vanaf die Nederlandse Wikipedia-artikel [1]
  1. Raptschinsky, Boris. Russische heldensagen en legenden. Zutphen, W.J. Thieme & Cie, 1924, p. 64-65.
Grootprinse en tsare van die Rjoerik-dinastie
Grootprinse Rjoerik · Oleg · Igor I · Olga · Swjatoslaf I · Jaropolk I · Wladimir I die Grote · Swjatopolk I · Jaroslaf I die Wyse · Isjaslaf I · Swjatoslaf II · Wsewolod I · Swjatopolk II · Wladimir Monomach · Mstislaf I · Jaropolk II · Wsewolod II · Igor II · Isjaslaf II · Joeri I Dolgoroeki · Andrei Bogoljoebski · Michail van Wladimir · Wsewolod die Groot Nes · Konstantyn · Joeri II · Jaroslaf II · Swjatoslaf III · Andrei II · Aleksander Nefski · Jaroslaf III van Twer · Wasili · Dmitri I · Andrei III · Michail · Joeri III · Dmitri II · Aleksander · Iwan I · Semjon die Trotse · Iwan II · Dmitri Donskoi · Wasili I · Wasili II · Iwan III die Grote · Wasili III
Tsare Iwan IV die Verskriklike · Fjodor I