Graafwater

Graafwater
Dorpie
Graafwater  Graafwater se ligging in Wes-Kaap
Koördinate: 32°9′S 18°36′O
Land	Suid-Afrika
Provinsie	Wes-Kaap
Distrik	Weskus
Munisipaliteit	Cederberg
Stigting	1920
Oppervlak
• Totaal	1,88 km2 (0,73 vk. myl)
Bevolking  (2011)
• Totaal	2 261
• Digtheid	1 203/km2 (3 120/vk. myl)
Rasverdeling (2011)
• Wit mense	14.2%
• Indiërs/Asiërs	0.2%
• Bruin mense	83.1%
• Swart mense	2.3%
• Ander	0.1%
Taal (2011)
• Afrikaans	97.4%
• Engels	1.2%
• Ander	1.5%
Poskode (strate)	8120
Poskode (posbusse)	8120
Skakelkode	027

Graafwater is 'n dorp in die Wes-Kaap in Suid-Afrika, 30 km wes van Clanwilliam. Die dorp is in die Sandveld geleë en die R364-streekroete gaan deur die dorp.

Geskiedenis

Die spoorlyn van Kaapstad noord na Bitterfontein het hierdie gebied in 1910 bereik. Die dorp is in 1920 gestig en het in 1957 'n onafhanklike gemeente van die NG Kerk geword. Die naam is moontlik afgelei van die gewoonte om in die droë rivierbedding vir water te grawe.

Distrik

Die dorpie is vandag 'n belangrike handelsentrum vir die gebied tussen Clanwilliam en Lambertsbaai. Die Heerenlogement is 25 km noord van Graafwater.

Wapen

Graafwater se dorpsraad het in 1998 'n wapen by die Buro vir Heraldiek geregistreer: In rooi, 'n goue deurlopende ingeboe punt belaai met 'n rooi toring, tussen regs, 'n vlies en links 'n koringgerf, albei goud Die helmteken was 'n graaf en 'n heraldiese fontein, en die wapenspreuk "Semper crescendo".

Sien ook

• Lys van dorpe in Suid-Afrika

Bronne

• Op Pad in Suid-Afrika. B.P.J. Erasmus. 1995. ISBN 1-86842-026-4
• Ensiklopedie van Suidelike Afrika, Eric Rosenthal, 1967.