Wupperthal

in Wikipedia, die vrye ensiklopedie
Spring na: navigasie, soek

Hierdie artikel handel oor die dorpie in Suid-Afrika. Vir die Duitse stad, sien gerus Wuppertal.

Wupperthal
Wuppertal
Die Morawiese kerk op Wupperthal.
Die Morawiese kerk op Wupperthal.
Ligging van Wupperthal op 'n kaart (Wes-Kaap)
Wupperthal
Wupperthal
Koördinate: 32°16′27″S 19°12′33″O / 32.27417°S 19.20917°O / -32.27417; 19.20917Koördinate: 32°16′27″S 19°12′33″O / 32.27417°S 19.20917°O / -32.27417; 19.20917
Land Vlag van Suid-Afrika Suid-Afrika
Provinsie Wes-Kaap
Distriksmunisipaliteit Weskus
Plaaslike Munisipaliteit Cederberg
Stigting 1829
Gestig deur Johann Gottfried Leipoldt
Bevolking
 - Dorp 4 000
Tydsone SAST (UTC+2)
Webwerf: www.wupperthal.co.za

Wupperthal (ook Wuppertal) is 'n historiese dorpie met sowat 4 000 inwoners in die Cederberg munisipaliteit, distrik Weskus. Dit is geleë in 'n dal van die Sederberg in die Wes-Kaap, omtrent 250 kilometer noordoos van Kaapstad en 72 km suidoos van Clanwilliam.

Geskiedenis[wysig | wysig bron]

Wupperthal omstreeks 1852 geskets deur die Rynse sendeling Hans Christian Knudsen, van Noorweë.

Die dorp is in 1829 deur die Rheinischen Missionsgesellschaft deur Johann Gottfried Leipoldt gestig en genoem na die vallei of dal ("Thal") van die Wupper in Barmen, Duitsland. Hy skryf in sy dagboek oor die naamgewing: „Wir haben den Namen Riedmond in Wupperthal verwandelt zum Andenken an unser liebes deutsches Wuppertal.“ (Sowat eenhonderd jaar later verenig die Duitse dorpe Barmen en Elberfeld, sedert 1929 dra hulle die naam Wuppertal.) Die twee sendelinge het die nedersetting met sewe khoikhoi gesinne gevestig en op hulle geestelik opheffing gefokus en boerdery aangemoedig. Die bevolking het gestyg kort nadat slawerny in 1838 afgeskaf is en baie bevryde slawe van nabygeleë plase daar aangekom het.

Die voormalige sendingstasie is tot vandag toe die streeksentrum met 'n poskantoor, skool, kliniek, kerk en kerkkantoor (Pfarrei), winkels en 'n skoen- en handskoenfabriek, waar tradisionele velskoene vervaardig word. Tabak word gedroog en gerol om roltabak te maak. Landbouprodukte uit die omgewing sluit in rooibostee, gedroogde vrugte, en gedroogte boontjies.

Omgewing[wysig | wysig bron]

Wupperthal is in 'n pragtige landskap geleë wat ten beste beleef kan word deur 'n staproete wat in 2000 aangelê is. Die twee dae lange tog sluit in 'n besoek aan Boesmantekeningterrein, 'n groot waterval en indrukwekkende rotsformasies.

Wupperthal word met 'n pad oor die Pakhuispas met Clanwilliam en die N7 nasionale pad verbind.

Sien ook[wysig | wysig bron]

Eksterne skakels[wysig | wysig bron]