Demokritos

in Wikipedia, die vrye ensiklopedie
Spring na: navigasie, soek
Demokritos
Democritus2.jpg
'n Portret van Demokritos

Gebore ca. 460 v.C.
Abdera, Thrakië
Oorlede ca. 370 v.C.
Nasionaliteit Antieke Griekeland
Vakgebied metafisika, wiskunde, sterrekunde
Beïnvloed deur Leukippos, Melissos van Samos
Invloed op Epikuur, Pyrrho, Lucretius, Aristoteles, Montaigne, Severino, Baruch Spinoza, George Santayana, Friedrich Nietzsche, Michel Onfray

Demokritos (Grieks: Δημόκριτος, Dēmókritos; c. 460 – c. 370 v.C.) was 'n invloedryke antieke Griekse geleerde, voor-Sokratiese filosoof, astronoom en reisiger. Hy word hoofsaaklik onthou vir sy formulering van 'n atomiese teorie van die heelal,[1] en staan algemeen bekend as die "laggende filosoof".

Demokritos is om en by 460 v.C. in Abdera, Thrakië gebore.[2] Sy presiese bydraes is kwalik onderskeibaar van dié van sy mentor Leukippos, aangesien hulle in tekste dikwels oor dieselde kam geskeer word. Hulle spekulasie oor atome, wat aan Leukippos ontleen is, openbaar in sommige se oordeel 'n vlietende ooreenkoms met die negentiende-eeuse begrip van atomiese struktuur, sodat Demokritos beskou word as meer van 'n wetenskaplike as ander Griekse filosowe; hulle idees het egter op wyd-uiteenlopende grondslae berus.[3] Demokritos is grootliks verontagsaam in antieke Athene, maar was nietemin goed bekend by die ander noordgebore filosoof, Aristoteles. Daar is vertel dat Plato so 'n groot afkeur in hom gehad het dat hy gewens het om al sy boeke te verbrand.[4] Deur baie word Demokritos geag as die "vader van moderne wetenskap".[5]

Verwysings[wysig | wysig bron]

  1. Barnes (1987).
  2. Russell, pp. 64–65.
  3. Stephen Toulmin en June Goodfield, The Architecture of Matter (Chicago: University of Chicago Press, 1962), 56.
  4. Diogenes Laërtius, Lewens en Opinies van Vooraanstaande Filosowe, Boek IX, Hoofstuk 7 (40): "Aristoxenos bevestig in sy Historiese Notas dat Plato gehoop het om al die geskrifte van Demokritos te verbrand waarop hy sy hande kon lê".
  5. Pamela Gossin, Encyclopedia of Literature and Science, 2002