Johan Botha (gebore 2 Mei 1982) is 'n Suid-Afrikaans-Australiese oud-krieketspeler, krieketafrigter en langafstand-hardloper, wat tussen 2005 en 2012 vir die Suid-Afrikaanse nasionale krieketspan (Proteas) gespeel het. Hy het in 2012 na Australië verhuis om in daardie land se plaaslike ligas te speel, en het in 2016 'n Australiese burger geword. In Januarie 2019 het hy uit alle vorme van die spel getree.[1] In Desember 2020 het hy egter 'n terugkeer gemaak as 'n plaasvervanger vir die Hobart Hurricanes in die 2020–21 Big Bash League.[2] Hy het onder meer tydens die Kampioenetrofee 2009, die Krieketwêreldbeker 2011, asook die T20I-wêreldbekertoernooie in 2009, 2010 en 2012 vir Suid-Afrika gespeel.
Botha het sy toetsbuiging teen Australië op die Sydney-krieketveld in Januarie 2006 tydens die 2005–06-toer gemaak en het die kolwer Mike Hussey as sy eerste toetspaaltjie ingeoes. Hy is egter verkla dat hy die bal tydens die wedstryd gegooi het.[3] Hy is toegelaat om verskeie wedstryde tydens die 2005–06 VB-reeks te speel, maar sy boulwerk is in Februarie verbied na 'n ontleding deur die boulkenner Bruce Elliott.[4] Hy het gehoop om terug te keer na boulwerk ná 'n ondersoek deur die Internasionale Krieketraad in Augustus 2006, maar daar is gevind dat hy steeds sy arm meer as die aanvaarbare 15 grade reguit maak.[5]
Kapteinskap van die Protea T20I en Eendagspan[wysig | wysig bron]
Op 20 Augustus 2010 het Graeme Smith aangekondig dat hy die kapteinskap in T20I gaan prysgee, maar aanhou speel in die formaat. Krieket Suid-Afrika het daarna die kapteinskap aan sy adjunk Botha oorgedra. Botha het ook die Eendag Internasionale kapteinskap oorgeneem ná die Krieketwêreldbeker 2011 toe Smith sy eendagkapteinskap prysgegee het. Die deurslaggewende faktor was dat Botha Suid-Afrika vroeër in 2010 tot 'n reeksoorwinning teen Australië gelei het toe Smith met 'n besering afwesig was.[6]
Botha was die veldwerkafrigter vir die Islamabad United en Karachi Kings in onderskeidelik die 2017- en 2020- seisoene van die Pakistanse Superliga. Hy was die assistent-afrigter en die hoofafrigter van Multan Sultans in onderskeidelik 2018 en 2019 seisoene. In 2020 is hy aangestel as die hoofafrigter van Islamabad United vir die 2021-reeks van die PSL.[7][8] Hy is sedert 2018 die hoofafrigter vir die Guyana Amazon Warriors in die Karibiese Premierliga.[9]
Wikimedia Commons het meer media in die kategorie Johan Botha (krieketspeler).
