Hashim Amla

in Wikipedia, die vrye ensiklopedie
Jump to navigation Jump to search
Hashim Amla
Hashim Amla.jpg
Volle naam Hashim Mohammad Amla
Gebore 31 Maart 1983 (1983-03-31) (36 jaar oud)
Durban, Natal, Suid-Afrika
Lengte 1.78 m
Kolfstyl Regshandig
Rol Aanvangskolwer
Familie Ahmed Amla (broer)
Internasionale inligting
Nasionale span Suid-Afrika
Toetsdebuut (no 295) 28 November 2004 v Indië
Laaste Toets 21 Februarie 2019 v Sri Lanka
Toetshempno. 60
EDI debuut (no 90) 9 Maart 2008 v Bangladesj
Laaste EDI 28 Junie 2019 v Sri Lanka
EDI hempno. 1
T20I debuut (no 38) 14 Augustus 2018 v Sri Lanka
Laaste T20I 5 Oktober 2015 v Indië
T20I hempno. 1
Eersterang spaninligting
Jaar(e) Span
1999–2013 KwaZulu-Natal Dolfyne
2009 Essex
2010 Nottinghamshire
2013– Kaapse Kobras
2013 Surrey
Loopbaanstatistiek
Kompetisie Toets     EDI      T20I 1e rang     A-lys   
Wedstryde 124 181 44 237 233
Lopies aangeteken 9,282 8,113 1,277 17,765 9,687
Kolfgemiddeld 46.64 49.46 33.60 49.06 45.47
100s/50s 28/41 27/39 0/8 52/88 30/49
Hoogste telling 311* 159 97* 311* 153*
Aflewerings geboul 54 - - 393 16
Paaltjies 0 - - 1 0
Boulgemiddeld - - - 277.00 10.5
5 paaltjies in 'n kolfbeurt - - - - -
10 paaltjies in 'n wedstryd - - - - -
Beste boulontleding - - - 1/10 -
Vangskote/Stonkings 108/- 87/- 19/- 185/- 104/-
Bron: cricinfo, 30 Junie 2019

Hashim Amla OIS (gebore 31 Maart 1983 in Durban) is 'n Suid-Afrikaanse krieketspeler en voormalige kaptein van die Suid-Afrikaanse nasionale krieketspan, die Proteas. Hy speel in al drie vorms van die spel, maar konsentreer veral op toetse en Internasionale eendagwedstryde. Hy is die eerste speler van Indiese afkoms om vir Suid-Afrika toetskrieket te speel.[1]

Amla is 'n regterhandse top-orde kolwer en glipveldwerker en is veral bekend vir die gemak waarmee hy houe naby sy lyf met sy gewrigte uitvoer.[2] Hy open met die kolf vir Suid-Afrika in toetse en het in heelwat beperkte boulbeurte die kolfbeurt geopen. Hy is tans die Internasionale Krieketraad se topkolwer in toetskrieket en kitskrieket (eendagwedstryde) in die wêreld.[3] In sy 57ste beurt van sy eendaagse loopbaan, het Amla die vinnigste kolwer geword om 3 000 EDI-lopies te bereik, hy het 12 beurte minder benodig as Sir Viv Richards, en op 8 Desember 2013 is hy die vinnigste kolwer om 4 000 EDI lopies met 8 beurte minder as Sir Viv s'n. In sy 57ste wedstryd word Amla die vinnigste krieketspeler om 10 honderdtalle te bereik in eendagwedstryde. Hashim Amla word in 2013 die eerste kolwer sedert Ricky Ponting om bo-aan die toets- én eendaagse ranglys op dieselfde tyd te wees in die jongste IKR-tabel. Hy is aangewys as een van die Wisden krieketspelers van die jaar in 2013.[4]

Toetsloopbaan[wysig | wysig bron]

Amla maak sy debuut vir die Proteas op 28 November 2004 teen Indië. Amla is die enigste Suid-Afrikaner wat ooit 'n driehondertal in 'n toetswedstryd kon behaal, met 311 nie uit nie teen Engeland in 2012.

Hy was van Junie 2014 tot 6 Januarie 2016 die toetskaptein van die Proteas, maar het later bedank om eerder op sy persoonlike spel te konsentreer.

Eksterne skakels[wysig | wysig bron]

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8
  2. "Hashim Amla: Statistics, Milestones, Articles, News, Pictures". Cricketfundas.com. Besoek op 30 Januarie 2012.
  3. Amla takes over from Clarke as No.1 Test batsman, 5 Februarie 2013
  4. "Kallis, Amla, Steyn among Wisden's five Cricketers of the Year". Wisden India. 10 April 2013.