26 Oktober

26 Oktober is die 299ste dag van die jaar in die Gregoriaanse kalender (300ste in skrikkeljare). Daar volg nog 66 dae in die res van die jaar.

Gebeure

• 1474 – ’n Verdrag tussen Koning Lodewyk XI van Frankryk en die Switserse Bondgenootskap word gesluit, wat verseker dat die state mekaar sal ondersteun sou ’n oorlog met Boergondië uitbreek.
• 1562 – Koninklike Franse troepe neem Rouen in en verwoes die Normandiese hoofstad.
• 1907 – Die NG gemeente Cathcart word gestig.
• 1919 – Die Switserse parlement word vir die eerste keer volgens die proporsionele-verteenwoordigingstelsel verkies; die absolute-meerderheidstelsel word afgeskaf.
• 1919 – Die Switserse volk voer vir die eerste keer die 48 uur-werkweekstelsel uit.
• 1926 – Emily Hobhouse se oorblyfsels word aan die voet van die Vrouemonument ter ruste gelê.
• 1946 – Die NG gemeente Maltahöhe word in die destydse Suidwes-Afrika gestig.
• 1955 – Suid-Viëtnam se eerste minister, Ngo Dinh Diem, verklaar homself tot president en vervang daardeur Nguyen Keiser Bao Dai as staatshoof.
• 1976 – Transkei word die eerste tuisland om onafhanklikheid van Suid-Afrika te ontvang.
• 1979 – President Park Chung-hee van Suid-Korea sterf in ’n sluipmoordaanval wat deur die direkteur van die Koreaanse Sentrale Intelligensie Agentskap en jarelange vriend Kim Jaekyu uitgevoer is.

VSA-President George Bush

• 2001 – Die VSA se President George W. Bush onderteken die USA PATRIOT Act, oftewel die Uniting and Strengthening America by Providing Appropriate Tools Required to Intercept and Obstruct Terrorism-wet.

Geboortes

• 1885 – Duggie Morkel, Suid-Afrika se tiende Springbokkaptein († 1950).
• 1897 – J.L.B. Smith, Suid-Afrikaanse igtioloog wat die selakant identifiseer († 1968).
• 1911 – Hester Heese, Afrikaanse skrywer († 1992).
• 1918 – Anton Hartman, Suid-Afrikaanse dirigent († 1982).
• 1919 – Mohammad Reza Pahlavi, laaste sjah van Iran († 1980).
• 1936 – Wilhelm Knobel, Afrikaanse digter († 1974).
• 1938 – Richard Goldstone, Suid-Afrikaanse regter.
• 1939 – Karel Schoeman, Afrikaanse skrywer († 2017).
• 1940 – John D. Caputo, Amerikaanse filosoof.

Sterftes

• 899 – Koning Alfred die Grote van Engeland (* 849).
• 1969 – Jeremy Schulman, Suid-Afrikaanse violis en dirigent (* 1896).
• 1979 – Park Chung-hee, Suid-Koreaanse politikus en soldaat, en voormalige president van Suid-Korea (* 1917).
• 2014 – Senzo Meyiwa, Suid-Afrikaanse sokkerspeler, kaptein en doelwagter van Bafana Bafana en Orlando Pirates (* 1987).

Vakansie-, vierings- en waarnemingsdae

• Feesdag van Pous Evaristus in die Rooms-Katolieke Kerk.