Abidjan
vanuit Wikipedia, die vrye ensiklopedie.
Abidjan is die grootste stad en voormalige hoofstad van die Ivoorkus. Dit funksioneer steeds as die de facto hoofstad, alhoewel Yamoussoukro tans die amptelike hoofstad is. Abidjan is tans die belangrikste hawestad van die land en is geleë aan die Golf van Guinea. Die bevolking van die stad is 'n beraamde 2,8 miljoen en 4-5 miljoen insluitende die gehele metropoolse gebied (2006 beraming).
Die belangrikste nywerhede is hout, tekstiel en koffie. Die stad het ook 'n groot olieraffinadery.
Die stad het in 1934 die hoofstad van die destydse Franse kolonie, die Ivoorkus, geword en groei steeds aansienlik, as mens die huidige bevolking vergelyk met die 65 000 inwoners wat die stad in 1950 gehad het. In 1983 verklaar eertydse president, Félix Houphouët-Boigny, dat Yamoussoukro die nuwe hoofstad van die land is, maar die meeste owerheidsgeboue en ambassades is steeds in Abidjan te vinde.
