Conakry

in Wikipedia, die vrye ensiklopedie

Conakry

Kaart Vlag
Wapen
 Land Vlag van Guinee Guinee
 Provinsie Conakry
 Koördinate 09°31′N 13°42′W / 9.517°N 13.700°W / 9.517; -13.700
 Gestig op 1887
 Oppervlakte:  
 - Totaal vk km
 Hoogte bo seevlak 1 m
 Bevolking:  
 - Totaal (2008) 1 931 184
 - Bevolkingsdigtheid /vk km
 - Metropolitaanse gebied
 Tydsone UTC +1
 Burgemeester

Conakry (ook Konakry, Malinké Kɔnakiri), bevolking 1 931 184 (2008), is 'n hawestad aan die Atlantiese kus, en die hoofstad van Guinee.

Geskiedenis[wysig | wysig bron]

Dit het ontwikkel op Tumbo-eiland op die punt van die Kaloumskiereiland, waaraan dit nou verbind is deur 'n landengte nadat die stad reeds lankal daarna uitgebrei het. Die stad is gestig nadat Brittanje die eiland in 1887 aan Frankryk afgestaan het. Dit word om en by 1904 die hoofstad van Guinée Française en maak opgang as 'n uitvoerhawe, veral nadat 'n (nou geslote) spoorlyn na Kankan open.

Conakry vandag[wysig | wysig bron]

Vandag het die stad langs die skiereiland gegroei om vyf hoofdistrikte te vorm. Van die punt in die suidweste is die distrikte: Kaloum (die middestad), Dixinn (insluitend die Universiteit van Conakry en baie ambassades), Ratoma (bekend vir sy naglewe), Matam en laastens Matoto, tuiste van die Gbessia Lughawe.

Besienswaardighede en toeristeaantreklikhede in die stad sluit in die Guinee Nasionale Museum, verskeie markte, die Guinea Palais du Peuple, Conakry Grand Mosque, die stad se naglewe en die naby geleë Iles de Los.

Die stad is bekend vir sy botaniese tuine. Die Polytechnical Institute of Conakry is ook in Conakry geleë.

Die straatnummeringskema van Conakry merk alle strate met KA, gevolg deur 'n driesyfergetal: onewe vir noord-suid strate en ewe vir oos-wes, b.v. KA002.

Ekonomie[wysig | wysig bron]

Houerskeep in hawe by Conakry

Conakry is Guinea se grootste stad en die administratiewe, kommunikasie- en ekonomiese middelpunt. Die stad se ekonomie wentel om die hawe, wat moderne geriewe vir die hantering en stoor van goedere het, waardeur alumina en piesangs verskeep word. Vervaardiging sluit voedselprodukte en motors in.

Verwysings[wysig | wysig bron]