Mtunzini

in Wikipedia, die vrye ensiklopedie
Spring na: navigasie, soek
Mtunzini
Ligging van Mtunzini op 'n kaart (KwaZulu-Natal)
Mtunzini
Mtunzini
Ligging van Mtunzini op 'n kaart (Suid-Afrika)
Mtunzini
Mtunzini
Koördinate: 28°57′0″S 31°45′0″O Koördinate: 28°57′0″S 31°45′0″O
Land Vlag van Suid-Afrika Suid-Afrika
Provinsie KwaZulu-Natal
Distriksmunisipaliteit uThungulu
Plaaslike Munisipaliteit uMlalazi
Hoogte 95 m (312 vt)
Bevolking (2001)
 - Dorp 13 376
Tydsone SAST (UTC+2)
Poskode 3867
Mtunzini se strand
Umlalazi-lagune teen skemer

Mtunzini is 'n kusdorpie aan die N2-nasionale pad ongeveer 140 km noord van Durban in KwaZulu-Natal. Dit lê een uur per motor van Hluhluwe-Imfolozipark en iSimangaliso-vleilandpark. Dis gewild by binnelanders oor die skoolvakansies, veral as gevolg van matige temperature tydens die wintermaande. Die naam is afgelei van ’n Zoeloe-woord wat “in die skadu” beteken.

Vaste inwoners: ongeveer 1 500 (ongeveer 40% Afrikaanssprekend).

Ekonomie[wysig]

Die dorp het geen groot nywerhede nie, maar wel enkele kleiner ondernemings. Die meeste inwoners werk in omliggende dorpe. In die verlede het akademici en afgetrede suikerboere hulle hier gevestig. Die toerisme en vakansie-bedryf lewer ’n aansienlike inkomste. Gereelde kragonderbrekings en sporadiese waterskaarste kom voor. Daar is ook 'n aanbod van werk uit die naasliggende stamgebiede.

Ligging[wysig]

Die naaste dorpe is: Ezikhawini (22 km by Universiteit van Zoeloeland); Empangeni (37 km); Richardsbaai (47 km) en Eshowe (44 km). Die reis van Johannesburg na Mtunzini duur ongeveer 6 uur per motor via Standerton, Volksrust en Vryheid. Soos die kraai vlieg, is Mtunzini die naaste kusdorp aan Johannesburg. Dit is een van die redes waarom Telkom se SAFE optiese veselkabel van die Ooste (Singapoer) en SEACOM se optiese veselkabel vanaf Oos-Afrika hier aanland.

Mtunzini beslaan Wyk 9 van die groter Umlalazi-munisipaliteit, met hoofkantoor in Eshowe.

Besienswaardighede en vermaak[wysig]

Die Raphiapalm opelug-monument is die tuiste van die bedreigde Witaasvoël (hypohierax angolensis). Oor die 860 voëlsoorte is al in die inheemse kusbos opgemerk. Daar is ook die Umlalazi-natuurreservaat met 'n besienswaardige wortelboommoeras en -ekostelsel. Gewilde aktiwiteite is perdry, visvang, waterski, diepseehengel, die gebruik van die wandelpaaie in die kusbos en die benutting van die swemstrand (20 km skoon strande). Die dorp het ook 'n buiteklub met muurbal- en gholfbane.

Distrik[wysig]

Die distrik is 1 100 km2 groot. Die belangrikste ekonomiese aktiwiteit is suikerriet en denneplantasies. Exxaro, 'n Suid-Afrikaanse mynmaatskappy, het gedurende 2012 bekend gemaak dat hy 'n lisensie bekom het om die Fairbreeze-myn, suid van Mtunzini, tot stand te bring. Die plaaslike gemeenskap staan dit teen.

Leesstof[wysig]

Sien boek The history of Mtunzini, volume 1 en 2, deur F. A. van Jaarsveld.

Sien ook[wysig]

Eksterne Skakels[wysig]