Ramallah

in Wikipedia, die vrye ensiklopedie
Ramallah

رام الله‎
רמאללה
Ramallah is in die Palestynse grondgebiede
Ramallah
Ramallah
Koördinate: 31°54′N 35°12′O / 31.900°N 35.200°O / 31.900; 35.200Koördinate: 31°54′N 35°12′O / 31.900°N 35.200°O / 31.900; 35.200
LandVlag van Staat Palestina Palestynse Owerheid
GebiedWesoewer
RegeringRamallah en al-Bireh
Gestig in16de eeu
Regering
 • BurgemeesterJanet Mikhail
Oppervlak
 • Totaal16,3 km2 (6,3 vk. myl)
Hoogte
900 m (3 000 ft)
Bevolking
 • Totaal27 460
Tydsone+2
Webwerfwww.ramallah.ps

Ramallah (Arabies: رام الله‎ / Rāmallāh; Hoogte van God) is die de facto hoofstad en die grootste stad in die Wesoewer van die Staat van Palestina. Die stad lê noord van die Israeliese stad Jerusalem en is in die 16de eeu gestig. Ramallah het 'n bevolking van 27 460 in 2007 gehad en het 'n oppervlakte van 16,3 km².

Dit is ongeveer 15 kilometer noordwes van Jerusalem in die Ramallah en al-Bireh-regingstreek geleë.

Volgens die Oslo-ooreenkomste tussen Israel en die Palestynse Bevrydingsorganisasie (PBO) in 1993 bekom die stad 'n A-gebied status wat deur die Palestynse Owerheid beheer word. Aan die einde van 1995 is Israel se administrasie van die stad aan die Palestynse Owerheid oorgedra. Dit het sy hoofkwartier in Ramallah, met die presidensiële terrein (die Mukataa) en die Palestynse Wetgewende Raad, die Palestynse parlement. Op die Mukata is die graf van Jasser Arafat. Benewens 'n administratiewe sentrum in Ramallah, het die Palestynse owerheid ook 'n regeringsentrum in Gasa.

Die ekonomie en die bevolking van Ramallah het tradisioneel sterk bande met Jerusalem gehad. Sedert die militêre besetting deur Israel in 1967 en die oprigting van die Israeliese Wesoewer-versperring in 2002, was hierdie verbindings moeilik. Die voortgesette oprigting van hierdie muur en Israeliese nedersettings met uitbreidings daar rondom Jerusalem het ook verbinding met die suidelike regeringsareas van Betlehem en Hebron bemoeilik, indien nie byna onmoontlik nie. Die meerderheid inwoners is Moslems, maar daar is ook 'n groot groep Christene in Ramallah. Die burgemeester van Ramallah, Janet Mikhail, is Grieks-Ortodoks.

Skending van die Oslo-ooreenkomste[wysig | wysig bron]

Israeliese veiligheidsmagte gaan Sone A (Oslo-akkoorde) van die Wesoewer gereeld binne vir arrestasies. Op 10 Desember 2018 het Israeliese soldate die Wafa-nuusagentskap van die Palestynse Owerheid in Ramallah binnegedring. Hulle het die ID-kaarte van die personeel ondersoek, op video's en kameras beslag gelê, traangasgranate na hulle gegooi en verhoed dat hulle na buite gegaan het. Buite het onluste uitgebreek en geweervuur het gevolg. Volgens die Israeliese leër het dit te make met 'n aanval op die Israeliese Ofra-nedersetting. Mahmoud Abbas het die Arabiese en internasionale amptenare gevra om verantwoordelikheid te neem vir die gevaarlike Israeliese eskalasie deur voortdurende indringing in Palestynse stede.[1]

Susterstede[wysig | wysig bron]

Ramallah is susterstede met:

Verwysings[wysig | wysig bron]

  1. (en) Abbas urges international action against Israel over daytime raid in Ramallah, The Times of Israel, 11 Desember 2018
  2. "Bordeaux – Rayonnement européen et mondial". Mairie de Bordeaux (in Frans). Geargiveer vanaf die oorspronklike op 21 Mei 2020. Besoek op 29 Julie 2013.
  3. "Bordeaux-Atlas français de la coopération décentralisée et des autres actions extérieures". Délégation pour l'Action Extérieure des Collectivités Territoriales (Ministère des Affaires étrangères) (in Frans). Geargiveer vanaf die oorspronklike op 13 September 2013. Besoek op 29 Julie 2013.
  4. LegisWeb. "Lei Nº 5919 DE 17/07/2015 – Municipal – Rio de Janeiro – LegisWeb". www.legisweb.com.br (in Portugees). Geargiveer vanaf die oorspronklike op 8 Oktober 2016. Besoek op 29 Mei 2016.
  5. "Firman Memorándum de Entendimiento Toluca-Ramallah y Al-Bireh". Radiofórmula (in Spanish). Geargiveer vanaf die oorspronklike op 28 Mei 2014. Besoek op 27 Mei 2014.{{cite web}}: AS1-onderhoud: onerkende taal (link)
  6. "Trondheims offisielle nettsted – Vennskapsbyer" (in Noors). Trondheim.com. Geargiveer vanaf die oorspronklike op 21 Februarie 2012. Besoek op 13 November 2011.
  7. "International Connections & Sister Cities | Visit Muscatine - Official Website". www.visitmuscatine.com (in Engels). City of Muscatine. Besoek op 4 Oktober 2018.
  8. "Firma Acuerdo Hermandad entre las ciudades de Ramala (Palestina) y Bogotá – Palabras Gustavo Petro" (in Engels). 1 Oktober 2015. Geargiveer vanaf die oorspronklike op 29 Augustus 2016. Besoek op 19 November 2015.