Macau
vanuit Wikipedia, die vrye ensiklopedie.
|
|||||||||||||
|
|
|||||||||||||
| Volkslied: Mars van die vrywilligers | |||||||||||||
 |
|||||||||||||
| Politieke status | Spesiale administratiewe streek van die Volksrepubliek van Sjina |
||||||||||||
| Administrasie | Hoof uitvoerende beampte: Edmund Ho Hau-wah |
||||||||||||
| Amptelike tale | Portugees, Sjinees en Mandaryn | ||||||||||||
| Oppervlakte - Totaal - % water |
28,6 vk km 0% |
||||||||||||
| Bevolking - Sensus van 2000 - 2007 Bevolkingsdigtheid |
Gelys 167ste 431 000 520 400 (skatting) 17 310/vk km (Gelys 1ste) |
||||||||||||
|
|||||||||||||
| BBP - Totaal (KKP) - Totaal (nominaal) - Per capita (KKP) - Per capita (nom.) - Werkloosheid |
$17,6 miljard (2006, 99ste) $15,997 miljard (2007, 94ste) - (-) $36 357 (4de) - |
||||||||||||
| MOI (2000) |  0,909 (hoog) (25ste) |
||||||||||||
| Geldeenheid | Pataca (MOP) | ||||||||||||
| Tydsone | MST (UTC +8) | ||||||||||||
| Internet TLD | .mo | ||||||||||||
| Skakelkode | +853 | ||||||||||||
Macau is naas Hong Kong een van twee spesiale administratiewe streke van die Volksrepubliek van Sjina. Macau is wes van die Pêrelrivierdelta geleë en grens in die noorde aan die Sjinese provinsie Guangdong.
Macau was die eerste en die laaste Europese kolonie in Sjina. Portugese handelaars het hulle reeds in die 16de eeu in Macau gevestig en die gebied begin administreer. In 1887 het die Sjinese Mandjoe-regering die Portugese heerskappy oor die gebied amptelik erken.
Macau het op 20 Desember 1999 weer onder Sjinese soewereiniteit gekom, maar sal volgens 'n Portugees-Sjinese ooreenkoms hierna nog vyftig jaar lank tot in 2049 'n selfregerende streek bly. Volgens die beginsel van "een land, twee stelsels" is die regering van die Volksrepubliek van Sjina verantwoordelik vir die verdediging en buitelandse betrekkinge van Macau, terwyl die streek sy eie regstelsel, polisiemag, monetêre stelsel, doeane- en immigrasiebeleid sal handhaaf. Macau word in internasionale organisasies en by internasionale gebeurtenisse deur sy eie afgevaardigdes verteenwoordig.
