Suid-Afrikaanse algemene verkiesing van 1929

in Wikipedia, die vrye ensiklopedie

Suid-Afrikaanse politiek
Parlement van Suid-Afrika
Nasionale Vergadering
Nasionale Raad van Provinsies
President
Adjunkpresident
Ministers
Speaker van die Nasionale Vergadering
Opposisieleier
Politici
Politieke partye
Konstitusionele Hof
Hoogste Hof van Appèl
Hooggeregshof
Verkiesings

Die Suid-Afrikaanse parlementsverkiesing van 1929 het op 12 Junie 1929 plaasgevind.[1] Tydens die verkiesing is 148 verteenwoordigers vir die Volksraad van Suid-Afrika verkies. Die Nasionale Party onder leiding van generaal Barry Hertzog wen die verkiesing met 'n volstrekte meerderheid. Samewerking tussen die Nasionale Party en die Arbeidersparty in die Pakt-regering word egter voortgesit en twee ministers word uit die Arbeidersparty aangestel.

Weens 'n skeuring in die Arbeidersparty is slegs agt van hulle politici vir die parlement verkies, waarvan slegs 4 in die regering gedien het.[2]

Afbakening van kiesafdelings[wysig | wysig bron]

Die Suid-Afrika-wet van 1909 maak voorsiening vir 'n Afbakeningskommissie om die grense van die kiesafdelings te definieer. Die verteenwoordiging per provinsie, onder die vyfde verslag van 1928, word in die tabel hieronder uiteengesit. Die syfers in hakies is die aantal kiesafdelings in die vorige (1923) afbakening. As daar geen syfer tussen hakies is nie, het die aantal onveranderd gebly.[3]

Provinsies Kaap Natal Oranje-Vrystaat Transvaal Totaal
Kiesafdelings 58 (51) 17 18 (17) 55 (50) 148 (135)

Uitslag[wysig | wysig bron]

Setels in die Volksraad van Suid-Afrika na die 1929-verkiesing

   Nasionale Party: 78 setels

   Suid-Afrikaanse Party: 61 setels

   Arbeidersparty: 8 setels

   Onafhanklikes: 1 setel

Daar was 461 820 geregistreerde kiesers, waarvan 347 924 gestem het. Daar is nie 'n amptelike syfer vir die aantal bedorwe stemme bekend nie.[4]

Party Setels[5] Setels % Stemme[6] Stem % Leier
Nasionale Party 78 52,70 141 579 41,16 J. B. M. Hertzog
Suid-Afrikaanse Party 61 41,22 159 896 46,51 Jan Smuts
Arbeidersparty 8 5,41 33 919 9,86 Betwis[7]
Onafhanklikes 1 0,68 8 503 2,47
Totaal 148

Verwysings[wysig | wysig bron]

  1. "Elections in South Africa". African Elections Database (in Engels). Geargiveer vanaf die oorspronklike op 2 Mei 2020. Besoek op 21 Februarie 2016.
  2. The South African Constitution, bladsy 135
  3. South Africa 1982, bladsy 129
  4. South Africa 1982, bladsy 176
  5. South Africa 1982, bladsy 174 (setels per party)
  6. South Africa 1982, bladsy 176 (stemme per party)
  7. Weens 'n skeuring in die party was daar 'n leierskapstwis tussen F.H.P. Creswell en Walter Madeley