2003 Formule Een-seisoen

in Wikipedia, die vrye ensiklopedie
Spring na: navigasie, soek

Kalender[wysig | wysig bron]

Die seisoen het vir die agste agtereenvolgende jaar by Albert Park afgeskop op 9 Maart, gevolg deur die Maleisiese ren op 23 Maart by die Sepang Internasionale Renbaan, gevolg deur die Brasiliaanse ren by Interlagos op 6 April. Die Europese gedeelte het begin by Imola in Italië vir die San Marino Grand Prix op 20 April, gevolg deur die Spaanse Grand Prix by Catalunya op 4 Mei en die Oostenrykse Grand Prix op 18 Mei by die Red Bull Ring. Die laaste deel van die Europese renne is by Monaco op 1 Junie afgehandel.

Die seisoen het op 15 Junie in Kanada by die Gilles Villeneuve-renbaan voortgegaan. Die tweede deel in Europa het weer begin op 29 Junie by die Nürburgring in Duitsland (vir die Europese GP) en is gevolg deur die Franse ren by Magny Cours. Die Britse GP is gehou op 20 Julie by Silverstone en is gevolg deur die Duitse ren by Hockenheim op 3 Augustus. Daarna het 'n 3 week breek gevolg tot hulle weer teruggekeer het na die Hungaroring vir die Hongaarse ren op 24 Augustus en die laaste Europese ren, die Italiaanse ren by Monza op 14 September. Die Verenigde State Grand Prix is as die voorlaaste ren by Indianapolis Motor Speedway gehou. Die laaste ren was, soos die vorige 5 jaar, die Japannese Grand Prix by die Suzuka Internasionale Renbaan.

Seisoensoorsig[wysig | wysig bron]

David Coulthard het die Australiese Grand Prix in veranderlike weersomstandighede gewen en die Maleisiese Grand Prix is gewen deur Kimi Räikkönen. Die Brasiliaanse Grand Prix is voor die einde gestaak oor 'n ongeluk en Räikkönen is as wenner aangewys. Maar 5 dae later, na baie ondersoeke, is Giancarlo Fisichella as wenner aangewys.

Michael Schumacher het teruggeveg in die eerste Europese renne en het die volgende drie renne in San Marino, Spanje en Oostenryk gewen. Juan Pablo Montoya het gewen in Monaco en Schumacher het weer in Kanada gewen.

Die tweede Europese gedeelte het begin by die Nürburgring en is na hoë drama deur Ralf Schumacher gewen. Hy het dit opgevolg met nog 'n oorwinning in Frankryk 'n week later. Rubens Barrichello het gewen in Brittanje en Montoya het gewen in Duitsland.

Fernando Alonso het sy eerste oorwinning behaal in Hongarye by die Hungaroring en Michael Schumacher het die volgende twee renne gewen in Italië en die VSA en in die laaste ren moes Räikkönen wen, sonder dat Schumacher in die voorste agt plekke kon klaarmaak. Die ren is gewen deur Rubens Barrichello en Räikkönen was tweede met Michael Schumacher agste. Dus het Schumacher sy vierde agtereenvolgende kampioenskap gewen, slegs 2 punte voor Räikkönen.