Fernando Alonso

in Wikipedia, die vrye ensiklopedie
Spring na: navigasie, soek
Fernando Alonso
Alonso in 2011 by Ferrari
Alonso in 2011 by Ferrari
Geboortedatum 29 Julie 1981 (1981-07-29) (35 jaar oud)
Geboorteplek Oviedo, Asturias, Spanje
Volle naam Fernando Alonso Díaz
Nasionaliteit Vlag van Spanje Spanjaard
Aktiewe jare 2001-tans
Ou span(ne) Minardi, Renault, Ferrari
Span in 2016 McLaren-Honda
Motornommer 14
Inskrywings 264 (263 wegspringkere)
Kampioenskappe 2 (2005, 2006)
Wenne 32
Podiums 97
Loopbaanpunte 1802
Voor-wegspronge 22
Vinnigste rondtes 21
Eerste wedren 2001 Australiese GP
Eerste wen 2003 Hongaarse GP
Laaste wen 2013 Spaanse Grand Prix
Laaste inskrywing 2016 Hongaarse Grand Prix
Laaste seisoen 2015
Verlede jaar plek 17de (11 punte)

Fernando Alonso Díaz (gebore op 29 Julie 1981 in Oviedo) is 'n Spaanse Formule Eenrenjaer en 'n tweemalige wêreldrenkampioen. As 24-jarige wen hy sy eerste F1-titel in 2005 en word so die jongste persoon om 'n Grand Prix-seisoen te wen. Die rekord is in 2008 deur Lewis Hamilton en weer in 2010 deur Sebastian Vettel verbeter.

Alonso het reeds op driejarige ouderdom met knortjorre rondgerits. Hy het daarna in 1994–1997 knortjorwedrenne gewen in Spanje, en is in 1996 as die wêreldknortjorkampioen gekroon.

Hy het die wêreld van Formule Een in 2001 betree by die Minardispan, en verskuif na Renault as toetsbestuurder die volgende jaar. Alonso is in die 2003-seisoen bevorder tot 'n gereelde renjaer in die Franse span.

Tydens die 2007-seisoen het Alonso vir die McLarenspan gejaag, maar is later terug na Renault vir twee seisoene in 2008–2009. Sedert die 2010-seisoen is Alonso opgeneem in die Ferrarispan, om die Italiaanse span verder te versterk. Die salaris wat hy by Ferrari verdien het in die 2010-seisoen word geskat op 30 miljoen euro, en sedert die onttrekking van Kimi Räikkönen aan die einde van 2009, word Alonso die hoogsbesoldigde F1-bestuurder vir die 2010-seisoen.

Fernando Alonso is die enigste jaer wat Michael Schumacher kon troef op sy hoogtepunt as sesmalige wêreldkampioen.

Fernando Alonso se eerste knortjor
Alonso tydens sy F1-debuut in 2001.