Canberrastadion
| Canberrastadion | ||
 | ||
Die Canberrastadion tydens 'n rugbywedstryd in 2005 | ||
| Volle naam | GIO-stadion Canberra | |
|---|---|---|
| Ligging | Canberra, Australië | |
| Koördinate | 35°15′0″S 149°6′10″O / 35.25000°S 149.10278°O | |
| Eienaar | Australiese Sportkommissie | |
| Kapasiteit | 25 011[1] | |
| Oppervlak | Gras | |
| Konstruksie | ||
| Geopen | 1977 | |
| Renovasie | 1990 | |
| Uitgebrei | 1985, 1997 | |
| Boukoste | A$268 miljoen | |
| Argitek | Phillip Cox en Vennote | |
| Huurders | ||
| Canberra Raiders (NRL) (1990–huidig) Canberra City SC (NSL) (1977–1986) Canberra Cosmos (NRL) (1995–2001) Canberra Bushrangers (ABL) (1993–1995) Brumbies (Rugby) (1996–huidig) | ||
Die Canberrastadion (ook GIO-stadion Canberra weens borgskapredes) is 'n stadion in Canberra, Australië, wat vir rugby, rugby league en sokker aangewend word en is geleë reg langs die Australiese Instituut van Sport (AIS). Die stadion is in die voorstad van Bruce wat genoem is na Stanley Bruce, voormalige Australiese eerste minister (1923–1929).
Geskiedenis
[wysig | wysig bron]
Die stadion is aanvanklik gebou met die oog op die Suidsee Spele in 1977. Daarna was dit ook die gasheer vir die 4de IAAF Atletiekwêreldbeker. Tydens die laasgenoemde byeenkoms is die wêreldrekord in die 400 m vir vroue deur die Oos-Duitser Marita Koch opgestel asook die 4x100 m aflos vir vroue. Hierdie rekords staan steeds.
In die laat 1980's is die atletiekbaan verwyder en geskuif na die opwarmstadion by die AIS. Met die nuwe reghoekige speelveld het die Canberra Raiders Rugby Leaguespan in 1990 hulle tuiswedstryde in Bruce begin speel nadat hulle meer sukses in die liga behaal het. Die verwydering van die atletiekbaan het ook meegebring dat Australiese Voetbal, meer spesifiek die Australiese Voetballiga (AFL), nou in die stadion gespeel kon word en in 1995 is die eerste AFL-wedstryd vir ligapunte tussen die Weskus Arende en Fitzroy gespeel. Daar is ook 'n aantal voorseisoenwedstryde van die AFL gespeel.
Ongeveer in hierdie tyd is ook geëksperimenteer met 'n krieketkolfblad in die middel van die speeloppervlak. Daar is 'n dag/aandwedstryd gespeel tussen twee plaaslike spanne voor 'n klein skare. Gereelde rugbywedstryde het egter nog nie plaasgevind nie.
Verdere verbeteringe is aangebring in 1997 met die oog op die Olimpiese Somerspele 2000. Die stadion het van die sokkerwedstryde aangebied wat tydens die Spele gespeel is. Hiermee is die speelveld in so 'n mate verklein dat AFL-wedstryde nie meer daar gespeel kon word nie. Die Olimpiese sokker het dus veroorsaak dat die speelveld van 'n ovaal oppervlak na 'n reghoekige oppervlak verander is. Die skare kon dus nou nader aan die aksie op die veld wees.[2]
Eienaarskap
[wysig | wysig bron]Die stadion word tans besit deur die Australiese regering deur die Australiese Sportkommissie. Dit word uitgehuur aan die regering van die Australiese Hoofstadgebied wat pogings aanwend om eienaarskap van die stadion oor te neem.
Wedstryde
[wysig | wysig bron]Rugbyunie
[wysig | wysig bron]| Datum | Span 1 | Telling | Span 2 | Rondte | Toeskouers | Skeidsregter |
|---|---|---|---|---|---|---|
| 22 September 1998 | Australië  | 74–0 |  Tonga | Rugbywêreldbeker 1999-kwalifisering | 14 176 | Steve Walsh |
| 22 September 1998 | Fidji  | 26–18 |  Samoa | Rugbywêreldbeker 1999-kwalifisering | 14 176 | Steve Lander |
| 24 Junie 2000 | Australië | 32–25 |  Argentinië | Argentynse rugbytoer deur Australië en Engeland | 15 072 | David McHugh |
| 15 Oktober 2003 | Italië  | 36–12 | Tonga | Rugbywêreldbeker 2003 | 18 967 | Steve Walsh |
| 19 Oktober 2003 | Wallis  | 27–20 | Tonga | Rugbywêreldbeker 2003 | 19 806 | Paul Honiss |
| 21 Oktober 2003 | Italië | 19–14 |  Kanada | Rugbywêreldbeker 2003 | 20 515 | Paddy O'Brien |
| 25 Oktober 2003 | Italië | 15–27 | Wallis | Rugbywêreldbeker 2003 | 22 641 | Andrew Cole |
| 13 Junie 2009 | Australië | 31–8 | Italië | 2009 midjaarrugbytoetsreeks | 22 468 | Romain Poite |
| 5 Junie 2010 | Australië | 49–3 | Fidji | 2010 midjaarrugbytoetsreeks | 15 438 | Peter Fitzgibbon |
Rugbyliga
[wysig | wysig bron]| Toets# | Datum | Uitslag | Toeskouers | Notas |
|---|---|---|---|---|
| 1 | 26 Oktober 2008 |  Frankryk verslaan  Skotland met 36–18 | 9 287 | Rugbyligawêreldbeker 2008 |
| 2 | 19 April 2013 |  Australië verslaan  Nieu-Seeland met 32–12 | 25 628 | 2013 ANZAC toets |
AFC Asië-beker 2015
[wysig | wysig bron]| Datum | Tyd | Span 1 | Telling | Span 2 | Rondte | Toeskouers |
|---|---|---|---|---|---|---|
| 10 Januarie 2015 | 16:00 |  Suid-Korea | 1–0 |  Oman | Groep A | 12 552 |
| 11 Januarie 2015 | 18:00 |  Verenigde Arabiese Emirate | 4–1 |  Katar | Groep C | 5 513 |
| 13 Januarie 2015 | 18:00 |  Koeweit | 0–1 | Suid-Korea | Groep A | 8 795 |
| 15 Januarie 2015 | 18:00 |  Bahrein | 1–2 | Verenigde Arabiese Emirate | Groep C | 7 925 |
| 18 Januarie 2015 | 20:00 |  Volksrepubliek China | 2–1 |  Noord-Korea | Groep B | 18 457 |
| 20 Januarie 2015 | 18:00 |  Irak | 2–0 |  Palestynse Owerheid | Groep D | 10 235 |
| 23 Januarie 2015 | 17:30 |  Iran | 3–3 (6–7 straf.) | Irak | Kwarteindronde | 18 921 |
FIFA Sokker-Wêreldbekertoernooi in 2018-kwalifisering
[wysig | wysig bron]| Datum | Tyd | Span 1 | Telling | Span 2 | Toeskouers | Skeidsregter |
|---|---|---|---|---|---|---|
| 12 November 2018 | 20:00 | Australië | 3–0 |  Kirgisië | 18 921 | Kim Sang-woo (Suid-Korea) |
Verwysings
[wysig | wysig bron]- ↑ (en) http://www.austadiums.com/stadiums/stadiums.php?id=28
- ↑ (en) 2000 Summer Olympics official report. Geargiveer 9 November 2000 op Wayback Machine Volume 1. bl. 392.
Eksterne skakels
[wysig | wysig bron] |
Wikimedia Commons bevat media in verband met Canberra Stadium. |
- (en) Amptelike webwerf
- (en) Canberrastadion by Austadiums
| Hierdie artikel is in sy geheel of gedeeltelik vanuit die Engelse Wikipedia vertaal. |
