Indo-Irannese tale

in Wikipedia, die vrye ensiklopedie
Jump to navigation Jump to search
Indo-Irannese tale
Geografiese
verspreiding:
Suid-, Sentraal- en Wes-Asië
Genetiese
klassifikasie
:
Indo-Europese tale
 Indo-Irannese tale
Onderafdelings:
Lenguas indoiranias.PNG

Verspreiding van Indo-Irannese tale

Die Indo-Irannese tale vorm die grootste en mees oostelike bestaande tak van die Indo-Europese taalfamilie. Hulle word deur meer as een miljard mense gepraat en streek vanaf die Kaukasus (Osseties) en Europa (Romani) ooswaarts tot Xinjiang (Sarikoli) en Assam (Assamees) asook suid tot die Maledive (Dhivehi) en Sri Lanka (Singalees). Die mees afgeleë Indo-Irannese taal is egter Fidjiaanse Hindi, een van die drie amptelike tale van die eilandnasie Fidji in Oseanië.

Huidige verspreiding van die Indo-Europese taalfamilie in Eurasië:

   Grieks

   Romaans

   Indo-Irannees

   Kelties

   Germaans

   Armeens

   Balties

   Slawies

   Albanees

   Nie-Indo-Europees

Die Indo-Irannese taalfamilie bestaan uit die drie hooftakke:

Die grootste tale (volgens moedertaalsprekers) behoort tot die Indo-Ariese groep: Hindoestani (Hindi-Oerdoe, 325 miljoen), Bengaals (190 miljoen), Pandjabi (129 miljoen), Marathi (72 miljoen), Gujarati (47 miljoen), Awadhi (40 miljoen), Bhojpuri (40 miljoen), Maithili (34 miljoen), Oriya (32 miljoen), Sindhi (24,5 miljoen), Marwari (20 miljoen), Nepalees (16 miljoen), Singalees (16 miljoen), Rangpuri (15 miljoen), Assamees (13 miljoen), Chhattisgarhi (13 miljoen), Rajasthani (13 miljoen), Konkani (6 miljoen), Kasjmiri (5,5 miljoen) en Dogri (4 miljoen). Die belangrikste tale binne die Irannese groep is: Persies (57 miljoen), Pasjtoe (ca. 50 miljoen), Koerdies (30 miljoen) en Beloetsji (5 miljoen).

Bronne[wysig | wysig bron]

  • (en) (2002) In Nicholas Sims-Williams: Indo-Iranian Languages and Peoples. Oxford University Press. 

Eksterne skakels[wysig | wysig bron]