Oos-Sjinese See

in Wikipedia, die vrye ensiklopedie
Spring na: navigasie, soek
Oos-Sjinese See
Mar de China Oriental - BM WMS 2004.jpg
Nasa-Satellietbeeld van die Oos-Sjinese See
East China Sea Map.jpg
Kaart van die Oos-Sjinese See
Koördinate: 30°N 125°O / 30°N 125°O / 30; 125Koördinate: 30°N 125°O / 30°N 125°O / 30; 125
Ligging: Republiek China, Volksrepubliek China, Japan, Suid-Korea
Soort: See van die Stille Oseaan
Oppervlakte: 750 000 km² (290 000 myl²)
Gemiddelde diepte: 350 m (1 145 vt)
Maksimum diepte: 2 716 m (8 912 vt)
Invloei: Geelrivier, Yangtze
Eiland/e: Kioesjoe, Ryukyu-eilande, Senkaku-eilande, Taiwan
Nedersettings: Dalian, Hangzhou, Incheon, Nieu-Taipei, Qingdao, Sjanghai, Taoyuan
Ligging van die Oos-Sjinese See
'n Uitsig oor die Oos-Sjinese See vanaf Yeliou, Taiwan

Die Oos-Sjinese See (Chinees: 東海/東中國海, pinyin: Dōng Hǎi, letterlik: "Oostelike See"; Koreaans: 동중국해/東中國海; Japannees: ひがしシナかい) is 'n see van die Stille Oseaan in Asië tussen die Republiek China op Taiwan in die suidweste, die Volksrepubliek China in die weste, Suid-Korea in die noorde asook die Japanse eilande Kioesjoe en Ryukyu-eilande in die ooste. Die Oos-Sjinese See grens aan die Filippynse See in die suidooste. Die Oos-Sjinese See word in die suidweste deur die Straat van Taiwan met die Suid-Sjinese See en in die noordooste deur die Straat van Korea met die See van Japan verbind. Die see het 'n oppervlakte van sowat 750 000 km² en 'n gemiddelde diepte van 350 m.[1]

In Suid-Korea word die Oos-Sjinese See soms "Suidelike See" genoem. Die noordelike deel van die see, tussen China en Korea, word Geelsee genoem.

Groot stede aan die see is Dalian, Hangzhou, Incheon, Nieu-Taipei, Qingdao, Sjanghai en Taoyuan en die belangrikste riviere wat in die see uitmond is die Geelrivier in die noorde en die Yangtze verder suid.

Die Oos-Sjinese See is onderworpe aan gebiedsgeskille tussen die Volksrepubliek China en Japan, wat in besonder betrekking het op ryk ondersese ruoliebronne, soos by die Senkaku-eilande.

Verwysings[wysig | wysig bron]

  1. (en) "East China Sea". Encyclopædia Britannica. Verkry op 6 Augustus 2017. 

Eksterne skakels[wysig | wysig bron]