Lys van nasionale tale van Indië

in Wikipedia, die vrye ensiklopedie
Spring na: navigasie, soek
Indiese deelstate met Hindi, Engels of plaaslike tale as amptelike tale

Indië het 'n groot verskeidenheid gesproke tale onder verskillende groepe mense. Ten minste 30 verskillende tale, en om en by 2000 dialekte is geïdentifiseer. Die Grondwet van Indië het gestipuleer dat Hindi en Engels die twee tale is vir amptelike kommunikasie vir die nasionale regering. Verder bevat dit 'n lys van 22 geskeduleerde tale. Hierdie tale is geregtig op vereenwoordiging in die Amptelike Taalkommissie, en 'n kandidaat betrokke in 'n eksamen vir die nasionale regeringsdiens het die keuse om die eksamen te skryf in een van hierdie tale.

Soos bepaal, het Engels ophou bestaan as 'n amptelike taal ("on par with Hindi) in 1965, waarna dit bedoel is om voort te gaan as 'n "samewerkende addisionele amptelike taal" totdat die tyd aanbreek dat 'n deeglik aangestelde komitee kan besluit oor die gehele oorgang na Hindi, gebaseer op periodiese hersiening. Alhoewel, as gevolg van proteste van sommige state soos Tamil Nadu waar daar 'n lae aantal Hindi-sprekendes is, word die tweetalige stelsel nog geïmplimenteer. As gevolg van snelle industrialisasie, en 'n bloeiende multinasionale invloed in die ekonomie, bly Engels 'n gewilde en invloedryke kommunikasiemiddel in die regering en in dag-tot-dat besigheid, en stappe om dit te vervang is effektief in die wiele gery.

Amptelike tale (Sentraal administratief)[wysig | wysig bron]

  1. Hindi
  2. Engels (samewerkende amptelike taal)

Erkende nasionale tale van Indië (Geskeduleerde lys vir amptelike gebruik)[wysig | wysig bron]

  1. Assamees (amptelike taal van Assam)
  2. Bengaals (amptelike taal van Tripura en Wes-Bengale)
  3. Bodo (amptelike taal van Assam)
  4. Engels (amptelike taal van Nagaland)
  5. Dogri (amptelike taal van Jammu en Kasjmir)
  6. Gujarati (amptelike taal van Dadra en Nagar Haveli, Daman en Diu en Gujarat)
  7. Hindi (amptelike taal van Arunachal Pradesh, Andaman- en Nicobar-eilande, Bihar, Chandigarh, Chhattisgarh, Delhi, Haryana, Himachal Pradesh, Jharkhand, Madhya Pradesh, Rajasthan, Oetarpradesj en Uttaranchal)
  8. Kannada (amptelike taal van Karnataka)
  9. Kasjmiri (amptelike taal van Jammu en Kasjmir)
  10. Konkani (amptelike taal van Goa)
  11. Maithili (amptelike taal van Bihar)
  12. Malayalam (amptelike taal van Kerala en Lakshadweep)
  13. Manipuri (Meithei) (amptelike taal van Manipur)
  14. Marathi (amptelike taal van Maharashtra)
  15. Nepali (amptelike taal van Sikkim)
  16. Oerdoe (amptelike taal van Jammu en Kasjmir, en ook sommige distrikte in Andhra Pradesh, Delhi en Oetarpradesj)
  17. Oriya (amptelike taal van Orissa)
  18. Pandjabi (amptelike taal van Punjab, tweede amptelike taal van Delhi)
  19. Sanskrit
  20. Santali
  21. Sindhi
  22. Tamil (amptelike taal van Tamil Nadu en Pondicherry)
  23. Telugu (amptelike taal van Andhra Pradesh)

Ander gewilde tale van Indië[wysig | wysig bron]

(met meer as 5 miljoen sprekers maar sonder amptelike status)

  1. Awadhi (soms beskou as 'n sub-variasie van Hindi)
  2. Bhili (Bhilstam)
  3. Bhojpuri (taal van Bihar, soms beskou as 'n sub-variasie van Hindi)
  4. Bundeli (soms beskou as 'n sub-variasie van Hindi)
  5. Chhattisgarhi (taal van Chhattisgarh, soms beskou as 'n sub-variasie van Hindi)
  6. Gondi (Gondstam)
  7. Hariyanavi (Haryanvi) (taal van Haryana, soms beskou as 'n sub-variasie van Hindi)
  8. Hindoestani ('n kombinasie van Hindi en Oerdoe. Grotendeels gepraat in die Noordelike deel van Indië.)
  9. Kanauji (taal van Oetarpradesj, soms beskou as 'n sub-variasie van Hindi)
  10. Kodava, gepraat in die Kodagu distrik van Karnataka
  11. Kutchi (taal van Kutch, 'n streek in Gujarat)
  12. Magadhi (taal van suidelike Bihar, soms beskou as 'n sub-variasie van Hindi)
  13. Marwari (taal van Rajasthan, soms beskou as 'n sub-variasie van Hindi)
  14. Tulu (gepraat deur die Tulu mense van Karnataka en Kerala)

Die Grondwet van Indië lys 18 streekstale.

Sien ook[wysig | wysig bron]

Eksterne skakels[wysig | wysig bron]