Mercedes-Benz M-klas

in Wikipedia, die vrye ensiklopedie
Spring na: navigasie, soek
Mercedes-Benz M-klas
Mercedes-Benz ML 250 BlueTEC 4MATIC (W 166) – Frontansicht, 24. März 2012, Velbert.jpg
Oorsig
Vervaardiger Mercedes-Benz
Ook genoem Mercedes-Benz ML-Class[1]
Mercedes-Benz GLE-klas (vanaf 2015)
Produksie 1997-
Bakwerk en onderstel
Klas Luukse oorkruis SNV
Bakstyl 5-deur sportnutsvoertuig
Uitleg Voorenjin, vielwielaandrywing
Plek in geskiedenis
Variante Mercedes-Benz CLS-klas

Die Mercedes-Benz M-klas (of ML-klas) is 'n mediumgrootte luukse sportnutsvoertuig (SNV) wat sedert 1997 deur die Duitse motorvervaardiger Mercedes-Benz vervaardig word in verskeie enjinkonfigurasies. Die M-Klas het stelselmatig 'n verkoopsukses in die Verenigde State en Meksiko behaal. In terme van grootte, word dit ingepas tussen die kleiner GLK-klas (gebaseer op die C-klas) en die groter GL-klas waarmee dit platforms deel.

Vir 'n kort rukkie tussen 1999 en 2002 is die M-klas ook deur Magna Steyr in Graz, Oostenryk vir die Europese mark gebou, voor al die produksie verskuif is na die VSA-aanleg naby Vance, Alabama. Vanaf die einde van 2012 word die M-klas ook by die nuwe aanlegte in Pune (Indië) en Wanaherang (Indonesië) gemonteer.

Hoewel die nutsvoertuig sedert sy bekendstelling onder die M-klas vaandel gegroepeer was, het BMW, wat die M3 model gehad het, beswaar gemaak teen die motor se "M" kenteken met die driesyfer-enjinvlak daarna (bv M320). Dit het Mercedes-Benz gedwing om 'n dubbelletter bemarkingstrategie te volg, vandaar die "ML" kenteken (bv ML320) onder 'n M-klas sambreel.

Eerste geslag (W163: 1997–2005)[wysig | wysig bron]

Mercedes-Benz het voorgestel dat 'n plan gemaak moes word om die G-klas te vervang, wat teen daardie tyd reeds vir 11 jaar in produksie was. 'n Gesamentlike ooreenkoms is vroeg-1991 met Mitsubishi Motors bereik om 'n sportnutsvoertuig te ontwikkel en vervaardig. Dit sou op die Montero/Pajero platform gebaseer wees, met een wat 'n Mercedes-Benz-embleem dra en die ander 'n Mitsubishi-embleem. In Mei 1992 is hierdie plan laat vaar weens "tegniese probleme", en Mercedes-Benz het voortgegaan met sy eie ontwikkeling in Januarie 1993.[2][3]

Eerste geslag: W163
2000 Mercedes-Benz ML 320 (W 163 MY00) wagon (2010-09-23) 01.jpg
Oorsig
Produksie 1997–2005
Modeljare 1998–2005
Montering Oostenryk (1999–2002)
Verenigde State: Tuscaloosa, Alabama
Ontwerper Bruno Sacco & Peter Pfeiffer (1993)
Spesifikasies
Enjin Petrol:
2.3 L Mercedes-Benz M111.970 I4

3.2 L Mercedes-Benz M112 E32 V6
3.7 L Mercedes-Benz M112 E37 V6
4.3 L Mercedes-Benz M113 E43 V8
5.0 L Mercedes-Benz M113 E50 V8
5.4 L Mercedes-Benz M113 E55 V8
Turbodiesel:
2.7 L Mercedes-Benz OM612 I5

4.0 L OM628 V8
Ratkas 5-gang handratkas
5-gang 5G-Tronic outomatiese ratkas
Lengte 1997–02: 4587 mm
2002–05: 4638 mm
AMG: 4636 mm
Breedte 1997–02: 1834 mm
2002–05: 1839 mm
AMG: 1895 mm
Hoogte 1997–02: 1775 mm
2002–05: 1821 mm
AMG: 1760 mm
Massa 2093 kg
Asafstand 2819 mm

Teen Maart 1993 is daar na 'n plek gesoek om 'n Amerikaanse vervaardigingsaanleg te bou. In September 1993 is 'n perseel in die staat van Alabama gekies en konstruksie van die aanleg het in 1994 begin. Terwyl planne oorsee gemaak is, is ontwikkeling van die SNV in Duitsland voortgesit. 'n Ontwerp by Mercedes se Sindelfingen-ateljee is in Februarie 1994 gefinaliseer. Die ontwerppatente is in Duitsland geregistreer in 1993 en deur die uitvoerende raad goedgekeur op 13 Julie 1994, en in die VSA op 13 Januarie 1995. Die toets van prototipes het met toetsmuile begin en botsingstoetse met behulp van poppe het teen Mei 1994 gevolg. Die eerste funksionele prototipe se botsingstoetse het in Februarie 1995 plaasgevind, met volle toetslopies vanaf Maart 1995 tot Desember 1996 in verskeie streke en klimaatsones oor die wêreld. Lootsproduksie het in Mei 1996 begin. In Julie 1996 is die konstruksie van die Mercedes-Benz Amerikaanse internasionale aanleg voltooi, en die eerste produksie M-Klas het op 9 Februarie 1997 van die monteerlyn gerol.[4]

Mercedes-Benz het die eerste geslag W163 reeks M-Klas op 19 Februarie 1997 vrygestel in die VSA vir die 1998 modeljaar, met verkope wat in September begin het. Dit was 'n mediumgrootte bak-op-raam SNV met sitplek vir vyf of sewe met 'n opsionele derde ry sitplekke. Die M-klas was die eerste luukse SNV met elektroniese stabiliteitsbeheer, 'n stelsel wat ontwerp is om die verlies van beheer op te spoor en onmiddellik in te gryp deur selektiewe rem om die voertuig weer op koers te bring. Verder het die M-Klas gespog met voor- en sy-impak lugsakke met gevorderde passasieropsporing vir die voorste passasiersitplek, wat gehelp het om die W163 die hoogste punte in die versekeringsbedryf se botsingstoetse te gee.

Die Mercedes-Benz M-Klas (W163) was beskikbaar met permanente 4Matic vierwielaandrywing, wat wringkrag na al vier wiele aanstuur deur alle oop voor-, middel- en agterewenaars.[5] Die stelsel gebruik 'n tweespoed dubbele reeks BorgWarner 4409 oordrakas met afratkeuses en Mercedes se nuwe vierwiel-elektroniese vastrapbeheerstelsel (4-ETS). Die 4-ETS simuleer drie ewenaarslotte op al drie oop ewenaars, via aggressiewe rem van een of meer tollende wiele.[5]

Volgens verslae presteer die vierwiel-elektroniese vastrapbeheerstelsel uitstekend op sneeu en in strawwe veldgebruik.

Verwysings[wysig | wysig bron]

  1. "Mercedes-Benz ML-Class (Australia) Specifications as of 7 August 2014" (PDF). Mercedes-Benz Australia/Pacific. 13 August 2014. Geargiveer vanaf die oorspronklike (PDF) op 2014-11-21. 
  2. . "Mercedes, Mitsubishi discuss sharing sport-utility". The news. Besoek op 2012-10-13.
  3. . "Mitsubishi drops plan with Mercedes". The press courier. Besoek op 2012-10-13.
  4. "Mercedes-Benz M-Class". google.com. Verkry op 31 Maart 2015. 
  5. 5,0 5,1 "1998 Mercedes-Benz ML". www.4wheeloffroad.com. Verkry op 2012-09-16. 


Mercedes-Benz free logo.svg        Mercedes-Benz-modelle

Passasiersmotors: A-klas | B-klas | C-klas | CL-klas | CLK-klas | CLS-klas | E-klas | G-klas | GL-klas | GLA-klas | GLK-klas | M-klas | R-klas | S-klas | SL-klas | SLK-klas |

Waens en Vervoerders: Citan | L 319 | MB 100 | Sprinter | T 1 | T 2 | Vaneo | Vario | Vito | V-Klasse (insl. Viano)
Enjins: M111 enjin | M266 enjin | M271 enjin | M272 enjin | OM611 enjin | OM642 enjin | OM651 enjin
Mercedes-Benz-webwerf

Wysig hierdie sjabloon
Hierdie artikel is in sy geheel of gedeeltelik vanuit die Engelse Wikipedia vertaal.