Namibiese Rugbyunie
| Namibiese Rugbyunie | |
|---|---|
 Kenteken van die Namibiese Rugbyunie
| |
| Engelse naam | Namibia Rugby Union |
| Afkorting | NRU |
| Land |  Namibië
|
| Sportsoorte | Rugby, Sewesrugby |
| Stigting | 1990 |
| Lid van | Wêreldrugby |
| Aangesluit in | 1990 |
| Vastelandse beheerliggaam | Rugby Afrika |
| President | Corrie Mensah |
| Setel | Windhoek, Namibië |
| Amptelike taal | Engels |
| Amptelike webwerf | nru.com.na |
Die Namibiese Rugbyunie (Engels: Namibia Rugby Union, afgekort “NRU”) is die bestuursliggaam wat rugby en sewesrugby in Namibië beheer. Die beheerliggaam is in 1990 gestig en in Windhoek gesetel. Sedertdien verteenwoordig dit Namibië by Wêreldrugby en ook by Rugby Afrika (“RA”).
Geskiedenis[wysig | wysig bron]
Nog tydens die Suidwes-Afrika-veldtog is in 1916 in Windhoek die eerste plaaslike beheerliggaam “Damaraland Rugbyvoetbalunie” gestig en was ondergeskik aan die Suid-Afrikaanse Rugbyraad, die huidige Suid-Afrikaanse Rugbyunie se voorloper.[1] In 1952 is die plaaslike beheerliggaam in Suidwes-Afrikaanse Rugbyvoetbalunie (SWARVU) hernoem. Die Namibiese Rugbyunie is in 1990 as opvolger van die SWARVU gestig en het in dieselfde jaar ’n volle lid van die Internasionale Rugbyvoetbalraad (IRVR; nou Wêreldrugby) geword.[2] Daarbenewens het die Namibiese Rugbyunie in 1990 by die vier jaar vroeër gestigte kontinentale beheerliggaam Rugby Afrika aangesluit.[3] In Augustus 2018 is rugby as een van Namibië se nasionale sportsoorte erken.[4]
Taak[wysig | wysig bron]
Die Namibiese Rugbyunie organiseer verskeie nasionale spanne, insluitend Namibië se nasionale seniorrugbyspan vir mans (die Welwitschias), vroue en jeug. Die NRU hou ook toesig oor sewesrugby in Namibië en aangesien dit ’n Olimpiese sportsoort is, werk hulle met die Namibiese Nasionale Olimpiese Komitee saam. Naas die amptelike nasionale span roep die Namibiese Rugbyunie ook ander keurspanne byeen. Daarbenewens bestuur die beheerliggaam kinder- en jeugrugby in Namibië. Kinders en jongmense word reeds op skool aan rugby bekend gestel en na gelang van hul belangstelling en talent begin hul met hul afrigting.[5] Net soos ander rugbylande beskik Namibië oor ’n o/20-nasionale span wat aan die Wêreldrugby o/20-kampioenskap deelneem.[6]
Die beheerliggaam reël ook die plaaslike kompetisies. Die hoogste rugbyliga in Namibië is die Rugbypremierliga (RPL) met agt spanne.[7] Sedertdien is die meeste spelers van die Namibiese nasionale span uit dié liga afkomstig, van die ander spelers is veral in Suid-Afrika en Frankryk aktief.
Kenteken[wysig | wysig bron]
Die beheerliggaam Namibiese Rugbyunie se kenteken toon ’n visarend, Namibië se wapendier. Die nasionale span se bynaam is Welwitschias, ontleen aan die gelyknamige nasionale plant van Namibië.
Sien ook[wysig | wysig bron]
Verwysings[wysig | wysig bron]
- ↑ (en) Richard Bath (1997). The Complete Book of Rugby. Seven Oaks Ltd. p. 71. ISBN 1-86200-013-1.
- ↑ (en) "Namibia". Wêreldrugby. Besoek op 20 Maart 2024.
- ↑ (en) "Rugby Africa Unions". Rugby Afrika. 2020. Besoek op 20 Maart 2024.
- ↑ (en) Cabinet approves categorisation of sports codes. Namibia Press Agency, 2 Augustus 2018.
- ↑ (en) "Honours and Timeline". Namibiese Rugbyunie. Besoek op 20 Maart 2024.
- ↑ (en) "World Rugby U20 Championship". Wêreldrugby. Besoek op 20 Maart 2024.
- ↑ (en) "FNB Rugby". Rugbypremierliga. Besoek op 20 Maart 2024.
Eksterne skakels[wysig | wysig bron]
Nasionale Rugbyunies van Wêreldrugby | ||
|---|---|---|
| Afrika | Algerië • Benin • Botswana • Burkina Faso • Burundi • Demokratiese Republiek die Kongo • Egipte • Eswatini • Gaboen • Ghana • Guinee • Ivoorkus • Kameroen • Kenia • Lesotho • Madagaskar • Malawi • Mali • Marokko • Mauritius • Namibië • Niger • Nigerië • Republiek die Kongo • Rwanda • Senegal • Sentraal-Afrikaanse Republiek • Seychelle • Suid-Afrika • Tanzanië • Togo • Tsjad • Tunisië • Uganda • Zambië • Zimbabwe |  |
| Asië | Afghanistan • Bahrein • Bangladesj • Broenei • Filippyne • Guam • Hongkong • Indië • Indonesië • Irak • Iran • Japan • Jordanië • Kambodja • Kasakstan • Katar • Kirgisië • Korea • Laos • Libanon • Macau • Maleisië • Mongolië • Nepal • Oesbekistan • Oman • Pakistan • Palestina • Republiek China • Saoedi-Arabië • Singapoer • Sirië • Sri Lanka • Thailand • Verenigde Arabiese Emirate • Volksrepubliek China | |
| Europa | Andorra • Belarus • België • Bosnië en Herzegowina • Bulgarye • Denemarke • Duitsland • Engeland • Estland • Finland • Frankryk • Georgië • Hongarye • Ierland • Israel • Italië • Kosovo • Kroasië • Letland • Liechtenstein • Litaue • Luxemburg • Malta • Moldowa • Monaco • Montenegro • Nederland • Noorweë • Oekraïne • Oostenryk • Pole • Portugal • Roemenië • Rusland • San Marino • Serwië • Siprus • Skotland • Slowakye • Slowenië • Spanje • Swede • Switserland • Tsjeggië • Turkye • Wallis • Ysland | |
| Noord-Amerika | Bahamas • Barbados • Belize • Bermuda • Britse Maagde-eilande • Curaçao • Dominikaanse Republiek • Frans-Guyana • Guadeloupe • Guyana • Jamaika • Kaaimanseilande • Kanada • Kuba • Martinique • Meksiko • St. Lucia • St. Vincent en die Grenadine • Trinidad en Tobago • Turks- en Caicoseilande • Verenigde State | |
| Oseanië | Amerikaans-Samoa • Australië • Cookeilande • Fidji • Kiribati • Nauru • Nieu-Kaledonië • Nieu-Seeland • Niue • Papoea-Nieu-Guinee • Salomonseilande • Samoa • Tahiti • Tonga • Tuvalu • Vanuatu • Wallis en Futuna | |
| Suid-Amerika | Argentinië • Bolivië • Brasilië • Chili • Colombia • Costa Rica • Ecuador • El Salvador • Guatemala • Honduras • Nicaragua • Panama • Paraguay • Peru • Uruguay • Venezuela | |
Vetdruk dui op vlak-een-lede en skuinsdruk op vlak-twee- en vlak-drie-lede met rugbywêreldbekerervaring | ||
