Uruguaanse Rugbyunie
| Uruguaanse Rugbyunie | |
|---|---|
 Kenteken van die Uruguaanse Rugbyunie
| |
| Spaanse naam | Unión de Rugby del Uruguay |
| Afkorting | URU |
| Land |  Uruguay
|
| Sportsoorte | Rugby, Sewesrugby |
| Stigting | 1951 |
| Lid van | Wêreldrugby |
| Aangesluit in | 1989 |
| Vastelandse beheerliggaam | Suid-Amerika Rugby |
| President | Sebastian Piñeyrua |
| Setel | Montevideo, Uruguay |
| Amptelike taal | Spaans |
| Amptelike webwerf | uru.org.uy |
Die Uruguaanse Rugbyunie (Spaans: Unión de Rugby del Uruguay, afgekort “URU”) is die bestuursliggaam wat rugby en sewesrugby in Uruguay beheer. Die beheerliggaam is in 1951 gestig en in Montevideo gesetel. Sedert 1989 verteenwoordig dit Uruguay by Wêreldrugby en sedert 1988 ook by Suid-Amerika Rugby (“SAR”).
Geskiedenis[wysig | wysig bron]
Die Uruguaanse Rugbyunie is in 1951 gestig en het in 1989 ’n volle lid van die Internasionale Rugbyvoetbalraad (IRVR; nou Wêreldrugby) geword.[1] Daarbenewens was die Uruguaanse beheerliggaam in 1988 ’n stigtingslid van CONSUR (nou Suid-Amerika Rugby).[2]
Taak[wysig | wysig bron]
Die Uruguaanse Rugbyunie organiseer verskeie nasionale spanne, insluitend Uruguay se nasionale seniorrugbyspan vir mans (die Teros), vroue en jeug. Die URU hou ook toesig oor sewesrugby in Uruguay en aangesien dit ’n Olimpiese sportsoort is, werk hulle met die Uruguaanse Nasionale Olimpiese Komitee saam. Naas die amptelike nasionale span roep die Uruguaanse Rugbyunie ook ander keurspanne byeen. Uruguay A is die tweede nasionale span van Uruguay en hulle neem aan Wêreldrugby se Stille Oseaan-uitdaagtoernooi deel. Daarbenewens bestuur die beheerliggaam kinder- en jeugrugby in Uruguay. Kinders en jongmense word reeds op skool aan rugby bekend gestel en na gelang van hul belangstelling en talent begin hul met hul afrigting. Net soos ander rugbylande beskik Uruguay oor ’n o/20-nasionale span wat aan die Wêreldrugby o/20-kampioenskap deelneem.[3] Die Uruguay Sevens is die Uruguaanse sewesrugbyspan en hulle neem aan internasionale toernooie soos Wêreldrugby se Sewesreeks, Sewesrugbywêreldbeker en Olimpiese Somerspele deel.
Die beheerliggaam reël ook die plaaslike kompetisies. Die hoogste rugbyliga in die land is die Campeonato Uruguayo de Rugby wat in 1950 gestig is en tans deur elf klubspanne beslis word, waarvan die meeste uit die hoofstad Montevideo. In die verlede het die meeste spelers van die Uruguaanse nasionale span in dié amateurliga gespeel. Sedert 2020 draf die meeste Uruguaanse spelers egter uit vir die keurspan Peñarol wat aan die professionele Superrugby Amerikas deelneem. Hieraan neem ook spanne uit Argentinië, Brasilië, Chili, Paraguay en die Verenigde State deel.[4] Van die ander spelers is veral op professionele vlak in Frankryk of die Noord-Amerikaanse Major League Rugby aktief.
Kenteken[wysig | wysig bron]
Die Uruguaanse Rugbyunie se kenteken toon ’n hemelblou bronskiewiet op ’n swart agtergrond. Die nasionale span se bynaam Los Teros (“die Teros”) is ontleen aan die Spaanse naam van dié voël uit die familie Charadriidae wat wydverspreid in Suid-Amerika voorkom.
Verwysings[wysig | wysig bron]
- ↑ (en) "Uruguay". Wêreldrugby. Besoek op 26 Maart 2024.
- ↑ (es) "Historia". Suid-Amerika Rugby. 2021. Besoek op 26 Maart 2024.
- ↑ (en) "World Rugby U20 Championship". Wêreldrugby. Besoek op 26 Maart 2024.
- ↑ (en) "Super Rugby Americas kicks off in Argentina". Wêreldrugby. 17 Februarie 2023. Besoek op 26 Maart 2024.
Eksterne skakels[wysig | wysig bron]
Nasionale Rugbyunies van Wêreldrugby | ||
|---|---|---|
| Afrika | Algerië • Benin • Botswana • Burkina Faso • Burundi • Demokratiese Republiek die Kongo • Egipte • Eswatini • Gaboen • Ghana • Guinee • Ivoorkus • Kameroen • Kenia • Lesotho • Madagaskar • Malawi • Mali • Marokko • Mauritius • Namibië • Niger • Nigerië • Republiek die Kongo • Rwanda • Senegal • Sentraal-Afrikaanse Republiek • Seychelle • Suid-Afrika • Tanzanië • Togo • Tsjad • Tunisië • Uganda • Zambië • Zimbabwe |  |
| Asië | Afghanistan • Bahrein • Bangladesj • Broenei • Filippyne • Guam • Hongkong • Indië • Indonesië • Irak • Iran • Japan • Jordanië • Kambodja • Kasakstan • Katar • Kirgisië • Korea • Laos • Libanon • Macau • Maleisië • Mongolië • Nepal • Oesbekistan • Oman • Pakistan • Palestina • Republiek China • Saoedi-Arabië • Singapoer • Sirië • Sri Lanka • Thailand • Verenigde Arabiese Emirate • Volksrepubliek China | |
| Europa | Andorra • Belarus • België • Bosnië en Herzegowina • Bulgarye • Denemarke • Duitsland • Engeland • Estland • Finland • Frankryk • Georgië • Hongarye • Ierland • Israel • Italië • Kosovo • Kroasië • Letland • Liechtenstein • Litaue • Luxemburg • Malta • Moldowa • Monaco • Montenegro • Nederland • Noorweë • Oekraïne • Oostenryk • Pole • Portugal • Roemenië • Rusland • San Marino • Serwië • Siprus • Skotland • Slowakye • Slowenië • Spanje • Swede • Switserland • Tsjeggië • Turkye • Wallis • Ysland | |
| Noord-Amerika | Bahamas • Barbados • Belize • Bermuda • Britse Maagde-eilande • Curaçao • Dominikaanse Republiek • Frans-Guyana • Guadeloupe • Guyana • Jamaika • Kaaimanseilande • Kanada • Kuba • Martinique • Meksiko • St. Lucia • St. Vincent en die Grenadine • Trinidad en Tobago • Turks- en Caicoseilande • Verenigde State | |
| Oseanië | Amerikaans-Samoa • Australië • Cookeilande • Fidji • Kiribati • Nauru • Nieu-Kaledonië • Nieu-Seeland • Niue • Papoea-Nieu-Guinee • Salomonseilande • Samoa • Tahiti • Tonga • Tuvalu • Vanuatu • Wallis en Futuna | |
| Suid-Amerika | Argentinië • Bolivië • Brasilië • Chili • Colombia • Costa Rica • Ecuador • El Salvador • Guatemala • Honduras • Nicaragua • Panama • Paraguay • Peru • Uruguay • Venezuela | |
Vetdruk dui op vlak-een-lede en skuinsdruk op vlak-twee- en vlak-drie-lede met rugbywêreldbekerervaring | ||