Gaan na inhoud

Rugby Nederland

in Wikipedia, die vrye ensiklopedie
Rugby Nederland
Kenteken van Rugby Nederland
Kenteken van Rugby Nederland
Nederlandse naam Rugby Nederland
Afkorting RN
Land Vlag van Nederland Nederland
Sportsoorte Rugby, Sewesrugby
Stigting 1932
Lid van Wêreldrugby
Aangesluit in 1988
Vastelandse beheerliggaam Rugby Europa
President Jan-Hein Pieterse
Setel Nasionale Rugbysentrum, Amsterdam, Nederland
Amptelike taal Nederlands
Amptelike webwerf rugby.nl

Rugby Nederland (Nederlands; afgekort “RN”) is die bestuursliggaam wat rugby en sewesrugby in Nederland beheer. Die beheerliggaam is in 1932 gestig en by die Nasionale Rugbysentrum in Amsterdam gesetel. Sedert 1988 verteenwoordig dit Nederland by Wêreldrugby en sedert 1934 ook by Rugby Europa (“RE”).

Geskiedenis[wysig | wysig bron]

Rugby Nederland is in 1932 gestig en het in 1988 by die Internasionale Rugbyvoetbalraad (IRVR, nou Wêreldrugby) aangesluit.[1] Daarbenewens was RN in 1934 ’n stigtingslid van die kontinentale beheerliggaam Fédération Internationale de Rugby Amateur (FIRA; nou Rugby Europa).[2]

Taak[wysig | wysig bron]

Rugby Nederland organiseer verskeie nasionale spanne, insluitend Nederland se nasionale seniorrugbyspan vir mans (Oranje), vroue en jeug. RN hou ook toesig oor sewesrugby in Nederland en aangesien dit ’n Olimpiese sportsoort is, werk hulle met die Nederlandse Nasionale Olimpiese Komitee saam. Naas die amptelike nasionale span roep RN ook ander keurspanne byeen. Daarbenewens bestuur die beheerliggaam kinder- en jeugrugby in Nederland. Kinders en jongmense word reeds op skool aan rugby bekend gestel en na gelang van hul belangstelling en talent begin hul met hul afrigting. Net soos ander rugbylande beskik Nederland oor ’n o/20-nasionale span wat aan die Europese en Wêreldrugby o/20-kampioenskap deelneem.[3]

Die beheerliggaam reël ook die plaaslike kompetisies. Die hoogste rugbyliga in die land is die Ereklasse, waaraan agt spanne deelneem. Die meeste spelers van die Nederlandse nasionale span is uit dié liga afkomstig. Van die ander spelers is veral in Frankryk aktief. In Nederland self speel aktiewe spelers van die nasionale span meestal vir die professionele klubspan The Delta wat sedert 2021 aan die Rugby Europa Superbeker deelneem.

Kenteken[wysig | wysig bron]

Rugby Nederland se kenteken toon ’n rugbybal daargestel as ’n tulp in Oranje met die belettering Rugby Nederland regs aan.

Sien ook[wysig | wysig bron]

Verwysings[wysig | wysig bron]

  1. (en) "Netherlands". Wêreldrugby. Besoek op 28 Maart 2024.
  2. (en) "About us". Rugby Europa. 2020. Besoek op 28 Maart 2024.
  3. (en) "World Rugby U20 Championship". Wêreldrugby. Besoek op 28 Maart 2024.

Eksterne skakels[wysig | wysig bron]