Roemeense Rugbyfederasie
| Roemeense Rugbyfederasie | |
|---|---|
 Kenteken van die Roemeense Rugbyfederasie
| |
| Roemeense naam | Federația Română de Rugby |
| Afkorting | FRR |
| Land |  Roemenië
|
| Sportsoorte | Rugby, Sewesrugby |
| Stigting | 1931 |
| Lid van | Wêreldrugby |
| Aangesluit in | 1987 |
| Vastelandse beheerliggaam | Rugby Europa |
| President | Alin Petrache |
| Setel | Boekarest, Roemenië |
| Amptelike taal | Roemeens |
| Amptelike webwerf | rugbyromania.ro |
Die Roemeense Rugbyfederasie (Roemeens: Federația Română de Rugby, afgekort “FRR”) is die bestuursliggaam wat rugby en sewesrugby in Roemenië beheer. Die beheerliggaam is in 1931 gestig en in Boekarest gesetel. Sedert 1987 verteenwoordig dit Roemenië by Wêreldrugby en sedert 1934 ook by Rugby Europa (“RE”).
Geskiedenis
[wysig | wysig bron]Die Roemeense Rugbyfederasie is in 1931 gestig[1] en het in 1987, net voor die eerste rugbywêreldbekertoernooi, ’n volle lid van die Internasionale Rugbyvoetbalraad (IRVR; nou Wêreldrugby) geword.[2] Daarbenewens was die Roemeense Rugbyfederasie in 1934 ’n stigtingslid van die Fédération internationale de rugby amateur (FIRA, nou Rugby Europa).[3]
Taak
[wysig | wysig bron]Die Roemeense Rugbyfederasie organiseer verskeie nasionale spanne, insluitend Roemenië se nasionale seniorrugbyspan vir mans (die Eike), vroue en jeug. Die FRR hou ook toesig oor sewesrugby in Roemenië en aangesien dit ’n Olimpiese sportsoort is, werk hulle met die Roemeense Nasionale Olimpiese Komitee saam. Naas die amptelike nasionale span roep die FRR ook ander keurspanne byeen. Daarbenewens bestuur die beheerliggaam kinder- en jeugrugby in Roemenië. Kinders en jongmense word reeds op skool aan rugby bekend gestel en na gelang van hul belangstelling en talent begin hul met hul afrigting. Net soos ander rugbylande beskik Roemenië oor ’n o/20-nasionale span wat aan die Europese en Wêreldrugby o/20-kampioenskap deelneem.[4]
Die beheerliggaam reël ook die plaaslike kompetisies. Die hoogste rugbyliga in Roemenië is die professionele SuperLiga, waaraan ses spanne deelneem. As gevolg van die land se swak ekonomiese toestand verkies baie spelers egter ’n loopbaan by een van die Wes-Europese klubs (veral in Frankryk). Die meeste nasionale spelers wat nie by ’n Wes-Europese klub betrokke is nie, speel vir die professionele span Romanian Wolves wat sedert 2022 aan die Rugby Europa Superbeker deelneem.
Kenteken
[wysig | wysig bron]Die Roemeense Rugbyfederasie se kenteken toon ’n as eikeblaar gestiliseerde rugbybal in blou met die belettering Rugby România langsaan. Die nasionale span se bynaam is Stejarii (“die eike“).
Verwysings
[wysig | wysig bron]- ↑ (ro) "Istoric Rugby în Romania". Roemeense Rugbyfederasie. Besoek op 29 Maart 2024.
- ↑ (en) "Romania". Wêreldrugby. Besoek op 29 Maart 2024.
- ↑ (en) "Historical Rugby Milestones 1930s". Rugby Football History. Besoek op 29 Maart 2024.
- ↑ (en) "World Rugby U20 Championship". Wêreldrugby. Besoek op 29 Maart 2024.
Eksterne skakels
[wysig | wysig bron]- (ro) Amptelike webwerf
Nasionale Rugbyunies van Wêreldrugby | ||
|---|---|---|
| Afrika | Algerië • Benin • Botswana • Burkina Faso • Burundi • Demokratiese Republiek die Kongo • Egipte • Eswatini • Gaboen • Ghana • Guinee • Ivoorkus • Kameroen • Kenia • Lesotho • Madagaskar • Malawi • Mali • Marokko • Mauritius • Namibië • Niger • Nigerië • Republiek die Kongo • Rwanda • Senegal • Sentraal-Afrikaanse Republiek • Seychelle • Suid-Afrika • Tanzanië • Togo • Tsjad • Tunisië • Uganda • Zambië • Zimbabwe |  |
| Asië | Afghanistan • Bahrein • Bangladesj • Broenei • Filippyne • Guam • Hongkong • Indië • Indonesië • Irak • Iran • Japan • Jordanië • Kambodja • Kasakstan • Katar • Kirgisië • Korea • Laos • Libanon • Macau • Maleisië • Mongolië • Nepal • Oesbekistan • Oman • Pakistan • Palestina • Republiek China • Saoedi-Arabië • Singapoer • Sirië • Sri Lanka • Thailand • Verenigde Arabiese Emirate • Volksrepubliek China | |
| Europa | Andorra • Belarus • België • Bosnië en Herzegowina • Bulgarye • Denemarke • Duitsland • Engeland • Estland • Finland • Frankryk • Georgië • Hongarye • Ierland • Israel • Italië • Kosovo • Kroasië • Letland • Liechtenstein • Litaue • Luxemburg • Malta • Moldowa • Monaco • Montenegro • Nederland • Noorweë • Oekraïne • Oostenryk • Pole • Portugal • Roemenië • Rusland • San Marino • Serwië • Siprus • Skotland • Slowakye • Slowenië • Spanje • Swede • Switserland • Tsjeggië • Turkye • Wallis • Ysland | |
| Noord-Amerika | Bahamas • Barbados • Belize • Bermuda • Britse Maagde-eilande • Curaçao • Dominikaanse Republiek • Frans-Guyana • Guadeloupe • Guyana • Jamaika • Kaaimanseilande • Kanada • Kuba • Martinique • Meksiko • St. Lucia • St. Vincent en die Grenadine • Trinidad en Tobago • Turks- en Caicoseilande • Verenigde State | |
| Oseanië | Amerikaans-Samoa • Australië • Cookeilande • Fidji • Kiribati • Nauru • Nieu-Kaledonië • Nieu-Seeland • Niue • Papoea-Nieu-Guinee • Salomonseilande • Samoa • Tahiti • Tonga • Tuvalu • Vanuatu • Wallis en Futuna | |
| Suid-Amerika | Argentinië • Bolivië • Brasilië • Chili • Colombia • Costa Rica • Ecuador • El Salvador • Guatemala • Honduras • Nicaragua • Panama • Paraguay • Peru • Uruguay • Venezuela | |
Vetdruk dui op vlak-een-lede en skuinsdruk op vlak-twee- en vlak-drie-lede met rugbywêreldbekerervaring | ||