Japannese Rugbyvoetbalunie

in Wikipedia, die vrye ensiklopedie
Jump to navigation Jump to search
Japannese Rugbyvoetbalunie
Kenteken van die Japannese Rugbyvoetbalunie
Kenteken van die Japannese Rugbyvoetbalunie
Engelse naam Japan Rugby Football Union
Afkorting JRFU
Japannese naam 日本ラグビーフットボール協会, Nihon Ragubi- Futtobo-ru Kyo-kai
Land Vlag van Japan Japan
Sportsoorte Rugby, Sewesrugby
Gestig op 30 November 1926
Gestig in Tokio, Japan
Lid van Wêreldrugby
Aangesluit in 1987
Vastelandse beheerliggaam Asië Rugby
President Tadashi Okamura
Amptelike taal Japannees
Amptelike webwerf rugby-japan.jp

Die Japannese Rugbyvoetbalunie (Engels: Japan Rugby Football Union, afgekort “JRFU”; Japannees: 日本ラグビーフットボール協会, Nihon Ragubi- Futtobo-ru Kyo-kai) is die bestuursliggaam wat rugby in Japan beheer. Die JRFU is by Wêreldrugby geaffilieer en organiseer Japannese nasionale spanne, insluitend Japan se nasionale seniormansrugbyspan (Kersiebloeisels, Sakura of Dapper Bloeisels), vroue en jeug. Die JRFU hou ook toesig oor Sewesrugby in Japan en aangesien dit ’n Olimpiese sportsoort is, werk hulle met die Japannese Nasionale Olimpiese Komitee saam. Die Japannese Rugbyvoetbalunie het reeds belangrike toernooie soos die Rugbywêreldbeker 2019 aangebied.

Afbeelding van ’n rugbywedstryd in Japan in Harpers Magazine in 1874

Die JRFU is op 30 November 1926 gestig en het in 1987 by die Internasionale Rugbyraad (IRR, nou Wêreldrugby) aangesluit.[1] Die hoogste rugbyliga in Japan is die Top League, waaraan 16 spanne deelneem.

Naas die amptelike nasionale span roep die JRFU ook ander keurspanne byeen. Japan se o/20-nasionale span neem aan die Wêreldrugby o/20-kampioenskap deel.[2] Kinders en jongmense word reeds op skool aan rugby bekend gestel en na gelang van hul belangstelling en talent begin hul met hul afrigting. Junior Japan is die tweede nasionale span van Japan en dien as ’n voorbereiding op die Japannese nasionale rugbyspan.

Vanaf 2016 tot in 2020 het die Japannese Sunwolves deelgeneem aan die internasionale jaarlikse Superrugbytoernooi, saam met spanne uit Argentinië, Australië, Nieu-Seeland en Suid-Afrika.

Verwysings[wysig | wysig bron]

  1. (en) "Member Unions". Wêreldrugby. Besoek op 7 April 2021.
  2. (en) "World Rugby U20 Championship". Wêreldrugby. Besoek op 7 April 2021.

Eksterne skakels[wysig | wysig bron]


Nasionale Rugbyunies van Wêreldrugby Rugby union pictogram.svg

ArgentiniëAustraliëDuitslandEngelandFrankrykIerlandItaliëJapanKeniaNieu-SeelandSkotlandSuid-AfrikaWallis