R356 (Suid-Afrika)
| ||||
|---|---|---|---|---|
| Belangrike aansluitings | ||||
| Van |  R355 | |||
 R354 R353 | ||||
| Tot |  R381 by Loxton | |||
| Ligging | ||||
| Dorpe | Sutherland Fraserburg | |||
| Snelwegstelsel | ||||
Genommerde roetes in Suid-Afrika
| ||||
→Die R356 is 'n streeksroete in Suid-Afrika wat die R46 naby Ceres met Loxton in die Noord-Kaap verbind via Sutherland en Fraserburg.
Die roete begin waar dit in van die R355 afdraai naby waar die R355 op sy beurt van die R46 afdraai. Dit roete gaan dan noordoos vir 110 kilometer en gaan die Noord-Kaap binne. Dit bereik dan 'n aansluiting met die R354, wat uit die suide kom. Die twee roetes word medebeskryf vir 50 km, deur die Verlatenkloofpas en daarna die Rooikloofpas, wat oor die Komsberg gaan om Sutherland te bereik. Die R354 verlaat Sutherland in 'n noordwestelike rigting en die R356 gaan noordoos tot by Fraserburg. Die roete kruis die R353 hier met 'n verspringende kruising. Dit hou aan in 'n noordoostelike rigting, na 22 km tak die R308 af, en die roete gaan tot naby Loxton waar dit by die R381 aansluit.
Toerismeroete[wysig | wysig bron]
Die R356 staan ook bekend as die Vergete Grootpad, en is 'n toerismeroete tussen die Karoopoort en die Verlatekloofpas in die suidelike deel van die Tankwa-Karoo.
Die grondpad is nagenoeg 80 km lank en begin by die noordelike ingang van die Karoopoort by 33° 12′ 21″ suid en 19° 43′ 46″ oos. Van daar draai dit suidooswaarts verby Inverdoorn (Spes Bona), Fonteinsklip (Paardekop), Klein-Hangklip tot by Bizansgat. Daar draai die pad meer oosnoordoos em gaan verby Jukfontein (Yuksfontein), oor Jukhoogte, met die Thyshoogtepas (ook bekend as Gousblomhoogte en die grens tussen die Wes- en die Noord-Kaap) oor die Koedoesberge, verby Windheuwel tot die punt 32° 28′ 11″ suid en 20° 27′ 16″ oos. Daar sluit dit by die R354-pad na die Verlatekloofpas oor die Roggeveldberge aan.
Geskiedenis[wysig | wysig bron]
Hierdie pad was eens deel van die hoofroete vir ossewaens en perdekoetse van die Kaap na die binneland. Boere in die Warm Bokkeveld het reeds tussen 1750 en 1800 plase tussen die Koedoesberge en die voetheuwels van die Roggeveldberge gehad. Later jare was dit die gebruiklike reisrigting na die landstreek noord van die Oranjerivier en het sendelinge op pad na Kuruman en Griekwaland-Wes dit gebruik. Hulle is deur diamantdelwers op pad na Kimberley gevolg. Eintlik het hierdie pad dus al by Ceres begin en via die Swaarmoedpas, Theronsbergpas en Hottentotskloof by die Karoopoort gekom. Vanaf Verlatekloof en Sutherland was die reisrigting meestal so noordoos oor die Rietrivier en die Sakrivier (noord van Fraserburg) en soms ‘n bietjie meer suid verby Wagenaarskraal op die grense van die Kaapkolonie. Reisigers soos Carl Peter Thunberg, Hinrich Lichtenstein en William John Burchell meld in hul reisverslae dat hulle hierdie roete gevolg het. Met die aanleg van die spoorlyne na die binneland in die laat 19de eeu en die latere bou van die hoofpaaie het hierdie pad in onbruik verval. Teenswoordig word dit hoofsaaklik deur toeriste en plaaslike boere gebruik. Veral vir geoloë is die landstreek van belang.
Sien ook[wysig | wysig bron]
Bronne[wysig | wysig bron]
- Mossop, E.E.: Old Cape Highways. Kaapstad: Maskew Miller, ongedateerd.
- Slingsby, Peter: Tankwa-Karoo & the Roggeveld Escarpment. Slingsby Maps, 2018. www. slingsbymaps.com
- (en) Departement van Vervoer
Genommerde roetes in die Wes-Kaap | ||
|---|---|---|
| Nasionale roetes |  | |
| Provinsiale roetes | ||
| Streeksroetes | ||