Drieankerbaai
vanuit Wikipedia, die vrye ensiklopedie.
Drieankerbaai is 'n klein voorstad van Kaapstad tussen Seepunt en Groenpunt. Die naam is ontleen aan die drie ankers in die baai, waartussen vroeër kettings gespan is om dit teen vyandige invalle te beskerm.
Die strand by Drieankerbaai het in die middel jare sestig bekendheid verwerf toe Afrikaanse skrywer en digter Ingrid Jonker 19 Julie 1965 selfmoord gepleeg het deur daar in die see te loop[1].
