Gugulethu

Gugulethu
Gugulethu
Koördinate: 33°59′00″S 18°34′00″O
Land	Suid-Afrika
Provinsie	Wes-Kaap
Distriksmunisipaliteit
Tydsone	SAST (UTC+2)

Gugulethu of Guguletu is 'n voorstad van Kaapstad, Suid Afrika.

Geskiedenis

Die naam Gugulethu is afgelei van die Xhosa woorde igugu lethu wat beteken ons trots. Guguletu is in die 1960s gestig as gevolg van die oorbevolking van Langa. Gedurende die Apartheids-era is swart Suid Afrikaners nie toegelaat om in die sogenaamde "blanke" areas te woon nie. Menigte persone wat as "anderskleurig" geklasifiseer was is uit areas soos Distrik Ses na Guguletu, Nyanga and Langa verwyder.

Vroeg in die oggend, op 3 Maart 1986, is sewe jong mans in Gugulethu deur die polisie, gelei deur lede van die Vlakplaas-eenheid, doodgeskiet. Die sewe mans was almal lede van die African National Congress se gewapende eenheid Umkonto we Sizwe ("Spies van die nasie") en het in later jare as die Gugulethu-sewe bekendheid verwerf. Die Gugulethu-sewe gedenkstene is op die plek waar die sewe gesterf het, die hoek van NY1 en NY111 straat, in Gugulethu opgerig.

Mzoli's

Toeriste by Mzoli's in Gugulethu

Gugulethu is die tuiste van Mzoli's, wat in wikipedia beroemheid verwerf het omdat die stigter van Wikimedia, Jimmy Wales, 'n wikipedia-artikel daaroor begin het wat deur gebruikers nie as belangrik genoeg beskou is nie en op die skraplys gesit is. Dit het by die Engelse Wikipedia tot 'n debat gelei oor watter artikels ingesluit moet word en watter nie. Daar is wyd uiteenlopende menings hieroor tussen die skrappers en insluiters by Wikipedia.