McGregor
vanuit Wikipedia, die vrye ensiklopedie.
| McGregor | |
 |
|
| Land |  Suid-Afrika |
|---|---|
| Provinsie | Wes-Kaap |
| Distriksmunisipaliteit | Kaapse Wynlande |
| Plaaslike Munisipaliteit | Langeberg |
| Tydsone | SAST (UTC+2) |
McGregor is 'n klein dorpie in die Wes-Kaap, sowat 150 km oos van Kaapstad in die Breederivier/Wynland-munisipaliteit geleë.
Die dorpie is in 1861 gestig en het tot 1905 as Lady Grey bekend gestaan. Die naam is toe verander om verwarring met die gelyknamige Oos-Kaapse dorp te voorkom en ter ere van dominee Andrew McGregor, wat meer as veertig jaar as die distrik Robertson se predikant gedien het. Deesdae lok McGregor heelwat inwoners en besoekers danksy die rustigheid, vars lug en omdat sogenaamde alternatiewe denke daar floreer. Die plaaslike Waldorf-skool het sowat 170 leerders.
McGregor is deel van die Wes-Kaapse wynroetenetwerk en ook aan die een punt van die Boesmanskloof-wandelroete, wat die dorpie met Greyton in die suide verbind.
