Puntland

in Wikipedia, die vrye ensiklopedie
Puntlandstaat van Somalië
  • Dowlad Goboleedka Buntlaand ee Soomaaliya  (Somalies)
  • ولاية أرض البنط الصومالية  (Arabies)
Vlag van Puntland Wapen van Puntland
Vlag Wapen
Nasionale leuse: Ster van die Noorde
Volkslied: geen
Ligging van Puntland
Hoofstad Garoowe

8°24′N 48°29′O / 8.400°N 48.483°O / 8.400; 48.483

Grootste stad Boosaaso
Amptelike tale Somalies en Arabies
Regering Outonome presidensiële
demokrasie
Said Abdullahi Dani
Ahmed Elmi Osman
Onafhanklikheid
Outonomie
• Stigting

binne Somalië
1998
Oppervlakte
 - Totaal
 
 - Water (%)
 
212 510 km2  
82 050 myl2
feitlik niks
Bevolking
 - 2009-skatting
 - Digtheid
 
3 900 000[1] (-)
18 / km2
46,6 / myl2
Geldeenheid Somaliese shilling (SOS)
Tydsone
 - Somertyd
OAT (UTC+3)
nie toegepas nie (UTC+3)
Internet-TLD .so (Somalië)
Skakelkode +252 (Somalië)

Puntland (Somalies: Buntlaand, Arabies: أرض البنط‎ ), amptelik die Puntlandstaat van Somalië (Somalies: Dowlad Goboleedka Buntlaand ee Soomaaliya, Arabies: ولاية أرض البنط الصومالية Wilāyat Arḍ al-Bunṭ aṣ-Ṣūmāliyyah), is 'n selfregerende gebied in die noordooste van Somalië en is geleë aan die Horing van Afrika. Anders as die suidelike dele van Somalië, het Puntland 'n werkende regering, en 'n groot mate van wet en orde. Puntland is in 1998 outonoom verklaar en 'n owerheid is volgens die model van Somaliland gestig. Puntland maak aanspraak op die gebiede Sanaag, Sool en Togdheer.

Garoowe is die hoofstad en Boosaaso is die grootste stad. Puntland het 'n oppervlakte van 212 510 km² en in 2009 'n bevolking van 3 900 000 gehad.

Geskiedenis[wysig | wysig bron]

Die naam van die gebied is afgelei van die land Poent wat in reisberigte uit antieke Egipte genoem word en wat êrens in die Horing van Afrika sou gewees het.

Na die uitbreek van die Somaliese burgeroorlog in 1991, is 'n plaaslike grondwetlike konferensie in 1998 in Garoowe gehou oor 'n tydperk van drie maande. Bygewoon deur die politieke elite, tradisionele godsdiensleiers (Issims), lede van die sakegemeenskap, intellektuele en ander verteenwoordigers van die burgerlike samelewing is die konferensie gehou met die doel om dienste aan die bevolking te lewer, sekuriteit te bied, handel te vergemaklik en interaksie met binnelandse en internasionale vennote te verseker. Die uitkoms was die stigting van die outonome Puntlandstaat van Somalië.[2] Abdullahi Yusuf Ahmed het as die stigtingspresident van die nuwe staat gedien.[3]

Dus sedert 23 Julie 1998 beskou Puntland homself as 'n outonome staat in Somalië. Anders as Somaliland, streef Puntland nie na internasionale erkenning nie, maar streef die gebied na 'n federale Somalië. De facto funksioneer Puntland egter as 'n onafhanklike land, deels omdat daar nog nie 'n effektiewe sentrale gesag in die totale de jure-gebied van Somalië is nie.

Demografie en godsdiens[wysig | wysig bron]

In 2015 word die bevolking van Puntland geskat op 4,2 miljoen inwoners, waarvan 65% nomades is.[1] Die streek word hoofsaaklik bewoon deur mense uit die Somaliese etniese groep, met die Darod wat veral goed verteenwoordig is.[4] Daar is ook 'n aantal inwoners van Mehri.[5]

Die bevolkingsgroeikoers van Puntland is taamlik hoog as gevolg van 'n toestroming van mense uit die suide van Somalië en uit die naburige Noordoos-Afrikaanse lande. Tans woon 30% van die inwoners van die streek in die vinnig groeiende dorpe Boosaaso, Gardo, Galdogob, Garowe en Galkayo. Ongeveer 70% van die bevolking is ook onder die ouderdom van 30.[1]

Die bevolkingsdigtheid in Puntland word geskat op ongeveer 18 persone per km2.[1]

Soos met die res van Somalië, is Islam die belangrikste godsdiens van die Puntland-streek, en byna alle inwoners is Moslems.[1]

Verwysings[wysig | wysig bron]

  1. 1,0 1,1 1,2 1,3 1,4 (en) Ministry of Planning and International Corporation Geargiveer 19 Desember 2018 op Wayback Machine
  2. His Excellency Abdirahman Mohamed Mohamud (Farole). President of Puntland State of Somalia Somalia: Puntland's Experience in Peace-building and State-building Geargiveer 17 Oktober 2013 op Wayback Machine. garoweonline.com (3 April 2012)
  3. Somalia Business Law Handbook: Strategic Information and Laws. International Business Publications. 2013. p. 102. ISBN 1438771045. Besoek op 15 Junie 2017.[dooie skakel]
  4. Africa Confidential, Volume 48. Miramoor Publications Limited. 2007. p. 131. Geargiveer vanaf die oorspronklike op 31 Desember 2013. Besoek op 23 Oktober 2016.
  5. Farah, Mohamed I. (April 1994). "Politics and Society in Somalia's North-Eastern Region". Life & Peace Review. 8 (4). Geargiveer vanaf die oorspronklike op 3 Maart 2012. Besoek op 22 Junie 2013.

Eksterne skakels[wysig | wysig bron]