Niger

in Wikipedia, die vrye ensiklopedie
Spring na: navigasie, soek
République du Niger
Vlag Wapen
(In Detail) (In Detail)
Nasionale leuse: Fraternité, Travail, Progrès
(Frans: Broederskap, Arbeid, Vooruitgang)
LocationNiger.svg
Amptelike taal Frans (amptelik), Hausa, Djerma, Tamajaq
Hoofstad en die grootste stad Niamey
13°32′N 2°05′E
President Tandja Mamadou
Eerste Minister Ali Badjo Gamatié
Area
 - Totaal
 - % water
21ste
1,267,000 km²
.02%
Bevolkingsgrootte
 - Totaal (2005 skatting)
 - Bevolkingsdigtheid
69ste
11,665,937
9,2/km²
BBP
 - Totaal (Jaar)
 - BBP/Persoon
136ste
$8.713 biljoen
$800
MOI (2003) 0.281 (177ste) – laag
Geldeenheid CFA frank
Tydsone UTC +1
Onafhanklikheid 3 Augustus 1960, van Frankryk
Volkslied La Nigerienne
Internet TLD .ne
Skakelkode 227

Niger is 'n Wes-Afrikaanse sub-Sahara land wat heeltemal afgesluit is van die see. Niger verleen sy naam aan die Nigerrivier, wat deur die gebied vloei, en is ook geleë in die Sahel. Dit grens aan Nigerië en Benin in die suide, Burkina Faso en Mali in die weste, Algerië en Libië in die noorde en Tsjaad in die ooste. Die hoofstad van die land is Niamey.

Geskiedenis van Niger[wysig]

Hoofartikel: Geskiedenis van Niger

Redelike inligting dui aan dat menslike inwoners die gebied wat vandag die amper onbewoonbare Sahara van noordelike Niger geword het, ongeveer 600 000 jaar gelede bewoon het. Niger was 'n belangrike ekoniemse kruispad, en die ryke van Songhai, Mali, Gao, Kanem, and Bornu, asook 'n aantal Hausa state, het beheer oor gedeeltes van die area uitgeoefen.

Gedurende onlangse eeue, het die nomadiese Tuareg groot konfederasies gevorm, suidwaarts gestoot, en, aan die kant van verskeie Hausa state, in konflik gekom met die Fulani Ryk van Sokoto, wat beheer van groot dele van Hausa gebied verkry het in die laat 18de eeu.

In die 19de eeu, het kontak met die Weste begin met die verkenning van die gebied deur Europese verkenners —noemenswaardig is veral Mungo Park (Engels) en Heinrich Barth (Duits)— wat op soek was na die oorsprong van die Nigerrivier. Alhoewel Franse pogings tot pasifisasie voor 1900 begin het, kon etniese splintergroepe, veral die Tuareg woestynbewoners, nie onder beheer gebring word tot 1922 nie, toe Niger 'n Franse kolonie geword het.

Niger se koloniale geskiedenis en ontwikkeling parallel die van ander Franse Wes-Afrikaanse gebiede. Frans het sy Wes-Afrikaanse kolonies bestuur deur 'n goewerneur-generaal in Dakar, Senegal, en goewerneurs in die individuele gebiede, insluitend Niger. Saam met die Franse burgerskap wat aan die inwoners van die Franse gebiede gegee was, het die Franse grondwet ook in 1946 voorsiening gemaak vir die desentralisasie van mag en beperkte betrokkenheid in die politieke lewe van plaaslike raadgewende samekomste.

'n Verdere hersiening in die organisasie van oorseese gebiede het geskied met die deurvoering van die "Overseas Reform Act"(Loi Cadre) van 23 Julie 1956, gevolg deur her-organisatoriese stappe ingestel deur die Franse Parlement vroeg in 1957. Hierdie wette het ongelykhede in die stemproses verwyder, en ook voorsiening gemaak vir die skepping van regeringsorgane, wat individuele gebiede 'n groter mate van self-regering verseker het. Na die totstandkoming van die Vyfde Franse Republiek op 4 Desember 1958, het Niger 'n outonome staat binne die Franse Gemeenskap geword. Gevolg deur volle onafhanklikheid op 3 Augustus 1960.

Politiek[wysig]

Hoofartikel: Politiek van Niger

Niger se nuwe grondwet is goedgekeur in Julie 1999. Dit het die semi-presidensiële sisteem van regering van die Desember 1992 grondwet (Derde Republiek) herstel, waarin die president van die republiek, verkies deur die burgers vir termyn van vyf jaar, en 'n eerste minister, wat aangewys word deur die president, oor die uitvoerende mag beskik. As 'n refleksie op Niger se toenemende bevolking, is die een-kamer Nasionale Vergadering uitgebrei in 2004 tot 113 lede wat vir 'n vyfjaar termyn verkies word onder 'n meerderheidsisteem van verteenwoordiging. Politieke partye moet ten minste 5% van die stemme verwerf om 'n setel in die wetgewer te bekom.

Niger se onafhanklike regstelsel bestaan uit vier hoër howe—die Appelhof, die Hooggeregshof, die Hoë Hof vir Justisie, en die Grondwetlike Hof.

Die grondwet maak voorsiening vir die gewilde verkiesing van munisipale en plaaslike beamptes, en die eerste suksesvolle munisipale verkiesing het plaasgevind op 24 Julie 2004. Die Nasionale Vergadering het in Junie 2002 'n reeks desentralisasie wette deurgevoer. As 'n eerste stap, sal administratiewe mag verdeel word in 265 kommunes (plaaslike rade); en in latere stadiums sal streke en departemente gestig word as desentraliseerde entiteite. 'n Nuwe verkiesingsbeleid is aangeneem om die desentralisasiekonteks te reflekteer. Die land is tans verdeel in 8 streke, wat onderverdeel is in 36 distrikte (departemente). Die Hoof administrateur (Goewerneur) in elke departement word aangewys deur die regering en funksioneer as die plaaslike agent van die sentrale owerheid.

Die huidige regering wat verkies is in Desember 2004, sluit sewe politieke partye in. President Mamadou Tandja is herverkies in Desember 2004, en het Hama Amadou weer aangewys as Eerste Minister. Mahamane Ousmane, die hoof van die CDS, is herverkies as die President van die Nasionale Vergadering (Parlement) deur sy mede-parlementslede. Die nuwe tweede termyn regering van die Vyfde Republiek het die amp betree op 30 Desember 2002. In Augustus 2002, het 'n reeks onluste binne die weermag plaasgevind in Niamey, Diffa, en Nguigmi, maar die regering kon orde herstel binne 'n paar dae.

Onder-afdelings[wysig]

Hoofartikel: Departmente van Niger

Geografie[wysig]

Kaart van Niger

Hoofartikel: Geografie van Niger

Niger is 'n Wes-Afrikaanse land wat geheel en al afgesluit is van die see, en geleë is langs die grens tussen die Sahara en Sub-Sahara streke. Niger se geografiese koördinate is 16°N (Lengtegraad) en 8°E (Breedtegraad). Die oppervlakte is 1.267 miljoen km², waarvan 1,266,700 km² land is en 300 km² water. Dit maak Niger 'n bietjie kleiner as tweekeer die grootte van die Amerikaanse Staat van Texas.

Niger begrens sewe lande aan alle kante, en het 'n totaal van 5,697 km van grense. Die langste grens is Tsjaad in die ooste, met 1,175 km. Dit word gevolg deur Nigerië in die suide (1,497 km), Algerië in die noord-noordweste (956 km), en Mali met 821 km. Niger het klein grense in die suid-weste (Burkina Faso met 628 km en Benin met 266 km) en in die noord-noordooste (Libië met 354 km).

Niger se subtropiese klimaat is hoofsaaklik warm en droog, met baie woestyngebied. In die verre suide is daar 'n tropiese klimaat aan die kante van die Niger rivier. Die terrein is hoofsaaklik woestynvlaktes en sand duine, met plat vlaktes in die suide en heuwels in die noorde.

Die laagste punt is die Niger rivier, met 'n hoogte van 200m bo seevlak, en die hoogste punt is Mont Greboun teen 1,944 m.

Sien ook: Lys van stede in Niger

Verwysings[wysig]

Eksterne skakels[wysig]

Commons-logo.svg
Wikimedia Commons het meer media verwant aan:
Niger (kategorie)

Government

Nuus

Overviews

Tourism

Ander


 
Lande in Afrika

Algerië | Angola | Benin | Botswana | Burkina Faso | Burundi | Comore-eilande | Demokratiese Republiek van die Kongo | Djiboeti | Egipte | Ekwatoriaal-Guinee | Eritrea | Ethiopië | Gaboen | Gambië | Ghana | Guinee | Guinee-Bissau | Ivoorkus | Kaap Verde | Kameroen | Kenia | Lesotho | Liberië | Libië | Madagaskar | Malawi | Mali | Marokko | Mauritanië | Mauritius | Mosambiek | Namibië | Niger | Nigerië | Republiek van die Kongo | Rwanda | São Tomé en Príncipe | Senegal | Sentraal-Afrikaanse Republiek | Seychelle | Sierra Leone | Soedan | Somalië | Suid-Afrika | Suid-Soedan | Swaziland | Tanzanië | Togo | Tsjad | Tunisië | Uganda | Zambië | Zimbabwe

Omstrede gebiede: Arabiese Demokratiese Republiek Sahara - Cabinda - Galmudug - Puntland - Somaliland
Afhanklike gebiede: Brits: Sint Helena, Ascension en Tristan da Cunha | Frans: Mayotte - Réunion | Portugees: Madeiraeilande | Spaans: Kanariese Eilande - Ceuta en Melilla

Lande van: Asië Europa Noord-Amerika Oseanië Suid-Amerika