Januarie – Koning Hendrik IV onderdruk die Epifanie Rebellie. Die graafte van Kent, Huntingdon en Salisbury en die Baron le Despencer word tereggestel vir hul poging om Hendrik IV te vermoor en om Richard II as koning van Engeland in die amp te herstel.
14 Februarie – Richard II sterf aan onbekende oorsake in die Pontefract-kasteel, vermoedelik van honger. Dit is na alle waarskynlikheid koning Hendrik IV wat hiervoor verantwoordelik is om sodoende verdere opstande te voorkom.
16 September – Owen Glendower word deur sy volgelinge as prins van Wallis geproklameer. Hy begin dadelik om die Engelse vestings in die noord-ooste van Wallis aan te val.
Desember – Manuel II Palaiologos word die eerste en die laaste Bisantynse keiser om Engeland te besoek.
Frederik, Hertog van Brunswick-Lüneburg word 'n mededinger van die Heilige Romeinse Keiser, Wenceslaus, maar word kort daarna vermoor.
Timur verslaan beide die Ottomaanse Ryk en die Mamluk Sultanaat van Egipte en verower die stad Damaskus in die hedendaagse Sirië. Baie van die stad se inwoners is kort daarna deur die troepe van Timur uitgemoor.
Hanachi volg Min op as koning van Hokuzan (vandag die noorde van Okinawa, Japan).
Walagye (nou die suidelike dele van Roemenië) bied weerstand teen 'n Ottomaanse inval.
Timur verslaan die Ryk van Kara Koyunlu in die hedendaagse Armenië en die Jalayirid-dinastie in die hedendaagse Irak. Die leiers van die Kara Koyunlu, Qara Yusuf en Jalayirid-dinastie, Sultan Ahmad vlug en skuil by die sultan van die Ottomaanse Ryk, Sultan Bajezid I.
Skotland bied weerstand teen 'n Engelse inval gelei deur Henry "Hotspur" Percy.
In die hedendaagse Korea abdikeer koning Jeongjong van Joseon in vrees op 'n aanval van sy jonger broer, Taejong. Taejong word gevolglik koning.
Prins Parameswara vestig die Malakka-sultanaat in wat nou die westelike dele van Maleisië en Noord-Sumatra is.
Die vyf-jaar oue Trần An word gedwing om as heerser van Dai Viet (nou Viëtnam) te abdikeer in guns van sy oupa Hồ Quy Ly. Dit was die einde van die Trần-dinastie en die begin van die Hồ-dinastie. Die land se naam het ook gevolglik na Dai Ngu Verander.
Die bouwerk aan die Katedraal van Lincoln in Engeland word voltooi.
Alonso Tostado (ook bekend as Alonso Fernández de Madrigal), Spaanse teoloog. († 3 September1455)
Lukas Watzenrode die Oudste, handerlaar in die Pruisiese stad, Thorn (Toruń), vader van biskop Lukas Watzenrode die Jongste en oupa van die sterrekundige, Nicolaas Copernicus. († 1462)
15 Februarie – Aubrey de Vere, 10de Graaf van Oxford, ridder, konstabel van die Wallingford-kasteel en opsigter van die koninklike woud van Havering in Essex (* ca. 1320)
24 Maart – Florens Radewyns, Nederlandse kerkhervormer (* 1350)
10 April – Ralf Ergham, biskop van Salisbury vanaf 1375 – 1388 en biskop van Bath en Wells vanaf 1388 – 1400
28 April – Baldus de Ubaldis, Italiaanse regter (* 1327)
6 Mei – Lodewyk II van Évreux, Graaf van Étampes, seun van Karel van Évreux (* 1336)
5 Junie – Frederik, Hertog van Brunswick-Lüneburg en mededingende Heilige Romeinse Keiser (* ca. 1357)