Dillyn Leyds

in Wikipedia, die vrye ensiklopedie
Jump to navigation Jump to search
Dillyn Leyds Sportportaal
Volle naam Dillyn Yullrich Leyds
Geboortedatum 12 September 1992 (1992-09-12) (26 jaar oud)
Geboorteplek Somerset-Wes, Suid-Afrika
Lengte 1,85 m
Gewig 88 kg
Beroep Professionele Rugbyspeler
Rugbyloopbaan
Loopbaan as speler
Posisie(s) Heelagter, losskakel of vleuel
Jeugspanne
Jare Span
2010 W.P. Cravenweek
Amateurspanne
Jare Klub / span Weds (pte)
2012-2013 UCT Ikey Tigers 13 (48)
korrek soos op 30 Desember 2017.
Professionele / senior klubs
Jare Klub / span Weds (pte)
2014 Perth Spirit 6 (31)
korrek soos op 30 Desember 2017.
Provinsiale- / Staatspanne
Jare Klub / span Weds (pte)
2014- Westelike Provinsie 15 (35)
korrek soos op 30 Desember 2017.
Superrugby
Jare Klub / span Weds (pte)
2014
2015-
Force
Stormers
3
19
(0)
(35)
korrek soos op 30 Desember 2017.
Nasionale span(ne)
Jare Land Weds (pte)
2012
2017-
Junior Bokke
Vlag van Suid-Afrika Suid-Afrika
4
8
(0)
(5)
korrek soos op 30 Desember 2017.

Dillyn Yullrich Leyds (gebore 12 September 1992 in Somerset-Wes, Suid-Afrika) is 'n Suid-Afrikaanse rugbyspeler, wat tans Superrugby vir die Stormers speel.[1] Hy kan op heelagter, losskakel of vleuel speel.

Loopbaan

Jeug en Varsitybekerrugby[wysig | wysig bron]

Leyds het sy opvoeding aan die Western Province Preparatory School ontvang en ook skoolgegaan by Bishops College in Kaapstad, waar hy vir hul Eerste XV rugbyspan gespeel het in 2009 en 2010, saam met spelers soos Nizaam Carr, Oli Kebble, Johnny Kôtze, Sam Lane en Tim Swiel.

Hy het die Westelike Provinsie op verskillende ouderdomsvlakke verteenwoordig. In 2010 is hy ingesluit in beide hul onder-18 Akademieweek en Craven-weekspanne. Die volgende jaar speel hy vir die WP se onder-19-span in die 2011 Onder-19 Provinsiale Kampioenskap, waar hy 133 punte aangeteken het in 13 wedstryde om tweede te eindig op toernooi se punteleer[2] en help só sy span om die kwarteind van die kompetisie te haal. Hy was 'n gereelde keuse in die Westelike Provinsie se onder-21-span tydens die 2012 en 2013 Provinsiale Kampioenskappe, met 'n oorwinning in die kompetisie in 2013.

In 2012 en 2013 speel hy ook Varsitybeker vir die Kaapstadse Ikey Tigers. Hy was gesamentlik die derde-hoogste driedrukker in 2012, met 'n gemiddeld van een drie per wedstryd in sy sewe vertonings.[3]

2012 IRB Junior Wêreldkampioenskap[wysig | wysig bron]

In 2012 was Leyds 'n lid van die Junior Bokke-span wat die 2012 IRB Junior Wêreldbeker op eie bodem gewen het. Leyds het in al hul groepwedstryde begin, teen Ierland[4] en Engeland,[5] hul halfeind teen Argentinië[6] en die eindstryd teen Nieu-Seeland,[7] waar hy sy span dra tot 'n 22-16 oorwinning oor die verdedigende kampioene om die titel vir die eerste keer ooit te wen.

Die Westelike Provinsie[wysig | wysig bron]

Leyds is ingesluit in die Westelike Provinsiespan vir die 2013 Vodacombekerkompetisie.[8] Sy eersteklasdebuut gekom het teen die Argentynse uitnodigingspan van die Pampas XV in Kaapstad. Hy het opgekom as 'n tweede helfte plaasvervanger en reeds sukses behaal met sy eerste aanraking van die bal, plus 'n strafskop later om die Westelike Provinsie 'n oorwinning van 28-17 te besorg.[9] Hy het ook verskyn in hul halfeindstryd teen die Goue Leeus, maar kon nie verhoed dat hulle uitgeskakel word uit die kompetisie na 'n 44-25 nederlaag nie.[10]

Western Force en Perth Spirit[wysig | wysig bron]

Leyds vertrek hierna na Australië om aan te sluit by die Perth-gebaseerde Superrugbyfranchise die Force vir die 2014 Superrugbyseisoen, waar hy getrek was vir hul uitgebreide oefengroep.[11] Hy is die eerste keer ingesluit in 'n wedstrydspan in rondte 6 teen die Crusaders in Christchurch.[12] Hy het tydens die seisoen drie keer opgedraf as 'n Force-plaasvervanger, in hul wedstryde teen die Crusaders,[13] Blues[14] en die Reds.[15] Hy was ook 'n lid van die Perth Spiritspan wat aan die 2014 Nasionale Rugbykampioenskap deelgeneem het[16] Hy het vyf keer opgedraf in die kompetisie en 'n drie gedruk teen die Universiteit van Canberra Vikings.

Terugkeer na die Westelike Provinsie[wysig | wysig bron]

In Maart 2014 het die Westelike Provinsie aangekondig dat Leyds sou terugkeer na die Kaapstadse span vir die 2014 Curriebeker Premierafdeling-seisoen.[17] Weens sy voortdurende verpligtinge by die Force en Perth Spirit, het hy eers by die Westelike Provinsie begin oefen aan die einde van September 2014.[18]

Stormers[wysig | wysig bron]

Op 14 Februarie 2015 maak hy sy Superrugbydebuut vir die Stormers teen die Bulls, waartydens sy drie op vleuel die Stormers gehelp het om die Bulle met 17-29 kaf te draf in Pretoria, die eerste naweek van die 2015 Superrugbyseisoen.[19]

Eksterne skakels[wysig | wysig bron]

Verwysings[wysig | wysig bron]

  1. Dillyn Leyds by SARugby.co.za
  2. (en) SA Rugby Top Scorers – 2011 ABSA Under 19 Competition" (5 Mei 2016).
  3. (en) SA Rugby Try Scorers – 2012 FNB Varsity Cup (5 Mei 2016).
  4. (en) Suid-Afrika 19-23 Ierland (4 Julie 2016).
  5. (en) Suid-Afrika 28-15 Engeland (4 Julie 2016).
  6. (en) Argentina 3-35 South Africa (4 Julie 2016).
  7. (en) Nieu-Seeland 16-22 Suid-Afrika (4 Julie 2016).
  8. (en) "Squad – DHL Western Province: 2013 Vodacom Cup" (3 Junie 2016).
  9. (en) ICBC Pampas XV 17-28 DHL Western Province (4 Julie 2016).
  10. (en) MTN Golden Lions 44-25 DHL Western Province (4 Julie 2016).
  11. Western Force (9 Januarie 2014). "Force finalises 2014 playing roster". Persberig. Archived from the original on 12 Februarie 2014. https://web.archive.org/web/20140212032733/http://www.rugbywa.com.au/NewsEvents/NewsArticles/tabid/905/ArticleID/10708/Default.aspx. Besoek op 29 Mei 2014. 
  12. Rugby Western Australia (29 Mei 2014). "Force named for Christchurch crusade". Persberig. Archived from the original on 29 May 2014. https://web.archive.org/web/20140529160710/http://www.rugbywa.com.au/NewsEvents/NewsArticles/tabid/905/ArticleID/11629/Force-named-for-Christchurch-crusade.aspx. Besoek op 29 Mei 2014. 
  13. (en) SA Rugby Match Centre – Crusaders 30-7 Force (4 Julie 2016).
  14. (en) SA Rugby Match Centre – Force 14-40 Blues (4 Julie 2016).
  15. (en) SA Rugby Match Centre – Force 30-20 Reds (4 Julie 2016).
  16. RugbyWA (31 Julie 2014). "Spirit finds mix of Force & locals for Buildcorp NRC". Persberig. Archived from the original on 31 Julie 2014. https://web.archive.org/web/20140731050707/http://www.rugbywa.com.au/article/spirit-finds-mix-force-locals-buildcorp-nrc. Besoek op 31 Julie 2014. 
  17. Western Province Rugby (24 Maart 2014). "Young talent to step in for Aplon". Persberig. http://wprugby.com/young-talent-to-step-in-for-aplon/. Besoek op 29 Mei 2014. 
  18. DHL WP injury report – 29/09/14”. Westelike Provinsie: 29 September 2014. URL besoek op 29 September 2014.
  19. Stormers shock Bulls in Super Rugby opener. Super XV Rugby (15 Februarie 2015). URL besoek op 16 Februarie 2015.