Makazole Mapimpi

in Wikipedia, die vrye ensiklopedie
Makazole Mapimpi Rugbyportaal
Geboortedatum 26 Julie 1990 (1990-07-26) (33 jaar oud)
Geboorteplek Mdantsane, Suid-Afrika
Lengte 1,87 m
Massa 90 kg
Skool Jim Mvabasa SS School,
King William’s Town
Rugbyloopbaan
Loopbaan as speler
Posisie(s) Vleuel / Senter
Jeugspanne
Jare Span
2009 Grens Bulldogs
Professionele / senior klubs
Jare Klub / span Weds (pte)
2020–2021 NTT Red Hurricanes 6 (20)
Provinsiale- / Staatspanne
Jare Klub / span Weds (pte)
2014–2016
2017–2018
2018
Grens Bulldogs
Vrystaat Cheetahs
Sharks XV
54
6
1
(149)
(35)
(0)
korrek soos op 15 Julie 2022.
Superrugby/Verenigde Rugbykampioenskap
Jare Klub / span Weds (pte)
2017
2017–2018
2018–
Southern Kings
Cheetahs
Sharks
14
13
74
(55)
(50)
(105)
korrek soos op 15 Julie 2022.
Nasionale span(ne)
Jare Land Weds (pte)
2018- Vlag van Suid-Afrika Suid-Afrika 41 (130)
korrek soos op 1 November 2023.

Makazole Mapimpi (gebore 26 Julie 1990 in Mdantsane, Suid-Afrika) is ’n Suid-Afrikaanse rugbyspeler wat tans op vleuel speel vir die Sharks in Superrugby en die Sharks XV in die plaaslike Rugby-uitdaagreeks.[1]

Loopbaan[wysig | wysig bron]

Jeug[wysig | wysig bron]

Mapimpi was in 2009 ’n lid van die Grens o/19-span wat aan die 2009 onder-19 Provinsiale kampioenskap deelgeneem het.

Grens Bulldogs[wysig | wysig bron]

Hy was een van verskeie amateurklubspelers in die Grens Bulldogs se provinsiale spangroep aan die begin van 2014 toe die professionele span bankrot verklaar is.[2] Hy is toe ingesluit in hul span vir die 2014 Vodacombeker-kompetisie en het sy debuut gemaak in hul eerste wedstryd teen die Natal Haaie. Grens verloor die wedstryd 24-46, maar Mapimpi open sy eersteklasdebuut met 'n drie kort na halftyd.[3] Hy het ook begin in hul 6-60 nederlaag teen hul Oos-Kaapse teenstanders, die OP Kings[4] en hul volgende wedstryd teen 'n Keniaanse uitnodigingspan, die Tusker Simba XV, en druk Grens Bulldogs se tweede drie in die wedstryd om aan hulle 'n 18-17 oorwinning te besorg, hul enigste van die kompetisie.[5]

Springbokloopbaan[wysig | wysig bron]

Mapimpi maak sy toetsdebuut vir die Springbokke op 2 Junie 2018 teen Wallis in Washington, D.C. op die ouderdom van 27 jaar. Hy was ook deel van Suid-Afrika se span tydens die Rugbywêreldbeker 2019, waar hy ses drieë gedruk het, waaronder twee in die kwarteindstryd en een in die eindstryd teen Engeland. Mapimpi is die eerste speler in die geskiedenis van die Springbokke wat 'n drie kon druk in 'n Rugbywêreldbeker-eindstryd.[6] Hy was ook 'n lid van Suid-Afrika se wenspan tydens die Rugbywêreldbeker 2023.

Gwijo-ritueel[wysig | wysig bron]

As Mapimpi, Siya Kolisi en Lukhanyo Am saam vir die Springbokke uitdraf, begin hulle dié taak met 'n ritueel: Hulle sing 'n tradisionele Gwijo-liedjie saam in hul moedertaal Xhosa.[7][8]

Verwysings[wysig | wysig bron]

  1. (en) SARU Spelerprofiel – Makazole Mapimpi URL besoek op 7 Maart 2018
  2. (en) "Bankrupt BRFU can't pay staff". Daily Dispatch. 16 Januarie 2014. Geargiveer vanaf die oorspronklike op 16 Februarie 2014. Besoek op 17 Januarie 2014.
  3. Grens Bulldogs 24-46 Cell C Sharks XV URL besoek op 7 Maart 2017
  4. (en) Oostelike Provinsie Kings 60-6 Grens Bulldogs URL besoek op 7 Maart 2017
  5. (en) Grens Bulldogs 18-17 Tusker Simba XV URL besoek op 7 Maart 2017
  6. (en) "Match 44, Quarter Final". Suid-Afrikaanse Rugbyunie. 20 Oktober 2019. Geargiveer vanaf die oorspronklike op 21 Oktober 2019. Besoek op 21 Oktober 2019.
  7. (en) Siyabonga Dzimbili (18 September 2023). "Here's why Makazole Mapimpi's rise to Bok glory has been one of grit, passion and self-belief". Nuus24. Besoek op 9 Desember 2023.
  8. (en) Ray Leathern (19 Oktober 2023). "WHAT is Siya singing in the TUNNEL before a game?". The South African. Besoek op 9 Desember 2023.

Eksterne skakels[wysig | wysig bron]