Hologram-armband
Vrywaring: Die mediese inligting verskaf op Wikipedia dien slegs as 'n riglyn en dra geen waarborg van feitelike korrektheid nie. Enige vrae of klagtes oor u persoonlike gesondheid behoort na 'n dokter verwys te word. |
![](http://upload.wikimedia.org/wikipedia/commons/thumb/0/01/PB_band_on_biker.jpg/220px-PB_band_on_biker.jpg)
'n Hologram-armband of energie-armband[1] is 'n klein rubber-polsband wat vermoedelik met 'n hologram toegerus is. Vervaardigers het beweer dat die hologramme "die natuurlike vloei van energie om die liggaam optimaliseer, en die sterkte, balans en buigsaamheid van 'n atleet vermeerder".[2] Slegs anekdotiese bewyse ondersteun hierdie aansprake en toetse uitgevoer deur die Australiese Skeptici,[3] die Universiteit van Wallis, Cardiff,[4] en die Royal Melbourne Institute of Technology se Skool vir Gesondheidswetenskappe[5] kon geen effek op prestasie identifiseer nie.
Produkte[wysig | wysig bron]
![](http://upload.wikimedia.org/wikipedia/commons/thumb/9/93/Power_Balance_bracelet_on_wrist.jpg/220px-Power_Balance_bracelet_on_wrist.jpg)
Hierdie artikel is deel van 'n reeks oor |
Alternatiewe medisyne, pseudomedisyne en skynwetenskappe |
---|
![]() |
Skynmedisyne en skynwetenskap
|
Samesweringsteorieë
|
Tradisionele medisyne
|
Diagnose
|
Hologram-armbande sluit in 'n klein hologram wat vervaardigers sê is "geprogrammeer" deur 'n onbekende proses.[1][6][7] Die maatskappy Power Balance, wat die armbande sedert 2007 vervaardig het, sê dat die programmering 'Oosterse filosofieë' naboots.[7] Die holograms word meestal in armbande en polsbande geïnstalleer, maar word ook verkoop as hangertjies of kettings, enkelbande, skoeninsetsels, troeteldiermerke, of apart verkoop vir gebruikers om byvoorbeeld, aan die agterkant van 'n horlosie te plak.
Vervaardigers, insluitend Power Balance en EFX Performance, maak geen aansprake op hul webwerwe vir hul produkte nie, maar lewer getuigskrifte van gebruikers wat sê dat hulle atletiese prestasies verbeter het.[7][8][9] Tot 2010 het Power Balance gesê dat hul armbande die atleet se sterkte, balans en buigsaamheid help verbeter het[2][10] omdat die hologramme ingebed is met 'n 'elektriese frekwensie' wat die liggaam se 'elektriese balans' herstel deur kontak met sy natuurlike energieveld.[11] In Desember 2010, na suksesvolle regstappe deur die Australian Competition and Consumer Commission, het Power Balance erken dat daar geen geloofwaardige wetenskaplike bewyse vir hierdie eise was nie.[10][12]
Reaksie[wysig | wysig bron]
Mark Hodgkinson , wat in 2010 vir die Daily Telegraph geskryf het, het hologram-armbande 'n gier genoem,[2] met baie professionele atlete wat hulle gedra het en aktief ondersteun het. Voetbalspelers David Beckham[2] en Cristiano Ronaldo[3][3] het hulle gedra, en tennisspelers Sam Querrey en Mardy Fish het hulle gedra tydens die eindstryd van die Queen's Club se kampioenskappe in 2010.[2][3] Goedkeuring en aanbevelings vir die Power Balance-armband is afkomstig van Shaquille O'Neal, Rubens Barrichello,[2] en Londen se rugbyspan, die Wasps RFC,[3] terwyl yshokkiespan Cardiff Devils vroeg in 2010 'n vennootskap met Power Balance aangekondig het.[4] NASCAR het in 2011 berig dat baie bestuurders EFX Performance-armbande dra en die Hendrick Motorsports- en Stewart-Haas Racing -spanne het lisensieooreenkomste aangegaan met EFX Performance.[13]
Verskeie groepe het die uitwerking van hologram-armbande op atletiese prestasies ondersoek. In 'n 2011-studie deur die Royal Melbourne Institute of Technology se Skool vir Gesondheidswetenskappe is bevind dat daar 'n algehele afname in die balans en stabiliteit van draers was, hoewel dit nie statisties beduidend was nie en die algemene gevolgtrekking was dat die armbande geen invloed op hul werkverrigting gehad het nie.[5] Die Australiese skeptici-groep Australian Skeptics het bevind dat die armbande se effek nie meer as dit van 'n plasebo was nie.[3]
Navorsing deur die Universiteit van Wallis, Cardiff, in opdrag van die BBC, het ook bevind dat die dra van armbande geen invloed op die werkverrigting in standaardtoetse gehad het nie, en het bygevoeg dat die fisiologie en die biologie van draers nie verander is nie.[4] Dr Gareth Irwin, wat die toetse uitgevoer het, het egter gesê dat daar veranderinge in prestasies kan wees as gevolg van die plasebo-effek, 'n siening wat deur sportsielkundiges weerspieël is.[14] Sportsielkundige Victor Thompson sê die armbande speel op mense se bygelowe en gee mense bloot die verwagting dat hulle hul sportprestasies kan verbeter.[3] Krieketafrigter Jeremy Snape het gesê hy verkies dat atlete in hulself glo eerder as in 'n eksterne produk, terwyl Roberto Forzoni die armbande beskryf as 'foefies' wat atlete in staat stel om werklike probleme tydens hul prestasies te vermy, met die hoëprofiel-aanbevelings wat die gevoel gee dat hulle aan 'n elite groep atlete behoort.[2]
Verwysings[wysig | wysig bron]
- ↑ 1,0 1,1 Energie-armbande: Inbedding van frekwensies in hologramme vir plesier en wins (Engels). Science-based Medicine.org (26 Oktober 2010). URL besoek op 27 Januarie 2020.
- ↑ 2,0 2,1 2,2 2,3 2,4 2,5 2,6 "Power Balance armbande: Energiebron of net 'n foefie?" (in Engels). Daily Telegraph. 15 Oktober 2010. Geargiveer vanaf die oorspronklike op 27 Januarie 2020. Besoek op 27 Januarie 2020.
- ↑ 3,0 3,1 3,2 3,3 3,4 3,5 3,6 Kingsley, Patrick (1 Augustus 2010). "Sport se nuutste sensasie: 'n rubberagtige armband" (in Engels). The Guardian. Geargiveer vanaf die oorspronklike op 27 Januarie 2020. Besoek op 27 Januarie 2020.
- ↑ 4,0 4,1 4,2 ""Power Balance"-band 'is plasebo', sê deskundiges". BBC News (in Engels). 22 November 2010. Geargiveer vanaf die oorspronklike op 13 Julie 2019. Besoek op 27 Januarie 2020.
- ↑ 5,0 5,1 Brice, SR; Jarosz, B.S.; Ames, R.A.; Baglin, J.; Da Costa, C. (2011). "Die effek van die nabyheid van holografiese armbande op menslike balans en perke van stabiliteit: 'n Gerandomiseerde, plasebo-beheerde proef". J Bodyw Mov Ther (in Engels). 15 (3): 298–303. doi:10.1016/j.jbmt.2011.01.020. PMID 21665105.
- ↑ "EFX Prestasie: Vrae" (in Engels). Geargiveer vanaf die oorspronklike op 10 Maart 2013. Besoek op 27 Januarie 2020.
- ↑ 7,0 7,1 7,2 "Power Balance: Vrae" (in Engels). Geargiveer vanaf die oorspronklike op 4 Maart 2016. Besoek op 27 Januarie 2020.
- ↑ "EFX Performance: Getuigskrifte" (in Engels). Geargiveer vanaf die oorspronklike op 15 Mei 2013. Besoek op 27 Januarie 2020.
- ↑ "Verklaring oor mediadekking" (in Engels). Power Balance. 5 Januarie 2011. Geargiveer vanaf die oorspronklike op 16 November 2011. Besoek op 27 Januarie 2020.
- ↑ 10,0 10,1 "Power Balance erken die waarheid en bied terugbetalings aan na die toelating dat polsbandjies nie prestasie verhoog nie" (in Engels). Daily Telegraph. 4 Januarie 2011. Geargiveer vanaf die oorspronklike op 27 Januarie 2020. Besoek op 27 Januarie 2020.
- ↑ Samuels, Lewis (17 Februarie 2010). "Power Balance: Kan holografiese plakkers jou spiere gee soos Andy Irons?" (in Engels). Stabmag.com. Geargiveer vanaf die oorspronklike op 7 Maart 2012. Besoek op 27 Januarie 2020.
- ↑ Power Balance-bande verban en terugbetalings gelas deur die ACCC (Engels). Herald Sun (23 Desember 2010).
- ↑ "EFX Performance nou vennote met Hendrick, SHR" (in Engels). NASCAR.com. 13 Mei 2011. Geargiveer vanaf die oorspronklike op 15 Oktober 2012. Besoek op 27 Januarie 2020.
- ↑ Crumley, Bruce (4 Oktober 2010). "Polshorlosie" (in Engels). Time. Geargiveer vanaf die oorspronklike op 17 Augustus 2013. Besoek op 27 Januarie 2020.