Kaapkolonie: Verskil tussen weergawes

Die Kaapkolonie (Engels: Cape Colony) was 'n deel van Suid-Afrika onder Britse beset gedurende die 19de eeu. Dit het gestrek vanaf die Atlantiese Oseaan ooswaarts; die finale oostelike grens, na vele oorloë teen die Xhosas, is by die Visrivier getrek. In die noorde het die Oranjerivier, ook bekend as die Garieprivier, vir lank as die grens gedien, alhoewel gebied tussen die rivier en die suidelike grens van Botswana later daarby gevoeg is.

Die geskiedenis van die Kaapkolonie begin in 1652 met die stigting van Kaapstad deur die Nederlandse kommandeur Jan van Riebeeck, wat in diens van die Verenigde Oos-Indiese Kompanjie (VOC) was.

Napoléon het die Sewe Provinsies van Nederland in 1795 beset, wat die moederland van die VOC was. Dit het Brittanje aangespoor om die Kaap in 1795 om taktiese redes gedurende die Napoleontiese Oorloë te beset. Die VOC dra sy landgebiede oor na die Bataafse Republiek in 1798, en hou op bestaan in 1799. Die Britse mag gee die Kaapkolonie weer terug aan die Bataafse Republiek in 1803.

In 1806 word die Kaap weer deur die Britse mag beset gedurende die Slag van Blaauwberg in 'n poging om Napoléon uit die Kaap te hou, asook om die handelsroetes na die Verre Ooste te beheer.

'n Britse kolonie word op 8 Januarie 1806 daargestel, en die Kaapkolonie bly onder Britse beheer tot die vorming van die Unie van Suid-Afrika in 1910, waarna dit die Provinsie van die Kaap die Goeie Hoop geword het, beter bekend as die Kaapprovinsie.

Eerste ministers

Sir John Molteno, 1 Desember 1872 - 5 Februarie 1878
Sir Gordon Sprigg, 6 Februarie 1878 - 8 Mei 1881 (eerste termyn)
Sir Thomas Scanlen, 9 Mei 1881 - 12 Mei 1884
Sir Thomas Upington, 13 Mei 1884 - 24 November 1886
Sir Gordon Sprigg, 25 November 1886 - 16 Julie 1890 (tweede termyn)
Cecil John Rhodes, 17 Julie 1890 - 3 Mei 1893 (eerste termyn)
Cecil John Rhodes, 4 Mei 1893 - 12 Januarie 1896 (tweede termyn)
Sir Gordon Sprigg, 13 Januarie 1896 - 13 Oktober 1898 (derde termyn)
William Philip Schreiner, 14 Oktober 1898 - 17 Junie 1900
Sir Gordon Sprigg, 18 Junie 1900 - 12 Februarie 1904 (vierde termyn)
Sir Leander Starr Jameson, 22 Februarie 1904 - 2 Februarie 1908
John X. Merriman, 30 Februarie 1908 - 30 Mei 1910 (die vooraand van Uniewording)

Verdere leesstof

The Migrant Farmer in the History of the Cape Colony. P.J. Van Der Merwe, Roger B. Beck. Ohio University Press. 1 Januarie 1995, ISBN 0-8214-1090-3.
History of the Boers in South Africa; Or, the Wanderings and Wars of the Emigrant Farmers from Their Leaving the Cape Colony to the Acknowledgment of Their Independence by Great Britain. George McCall Theal. Greenwood Press. 28 Februarie 1970, ISBN 0-8371-1661-9.
Status and Respectability in the Cape Colony, 1750-1870 : A Tragedy of Manners. Robert Ross, David Anderson. Cambridge University Press. 1 Julie 1999, ISBN 0-521-62122-4.
The War of the Axe, 1847: Correspondence between the governor of the Cape Colony, Sir Henry Pottinger, and the commander of the British forces at the Cape, Sir George Berkeley, and others. Basil Alexander Le Cordeur. Brenthurst Press. 1981, ISBN 0-909079-14-5.
Blood Ground: Colonialism, Missions, and the Contest for Christianity in the Cape Colony and Britain, 1799-1853. Elizabeth Elbourne. McGill-Queen's University Press. Desember 2002, ISBN 0-7735-2229-8.
Recession and its aftermath: The Cape Colony in the eighteen eighties. Alan Mabin. University of the Witwatersrand, African Studies Institute. 1983.

Sien ook

Lys van kommandeurs en goewerneurs van die Kaapkolonie

Sjabloon:Link GA

@@ Lyn 157: / Lyn 157: @@
 [[da:Kapkolonien]]
 [[de:Kapkolonie]]
+[[en:History of South Africa#Colonization]]
-[[en:Cape Colony]]
 [[es:Colonia del Cabo]]
 [[fi:Kapmaa]]