14 Desember

14 Desember is die 348ste dag van die jaar in die Gregoriaanse kalender (349ste in skrikkeljare). Daar volg nog 17 dae in die res van die jaar .

Gebeure

Die Mona Lisa is 'n olieverfskildery op populierhout. Die afmetings daarvan is 77 cm by 53 cm.

• 867 – Pous Adrianus II volg Pous Nicolaas I die Grote op.
• 1287 – Die Zuider Zeemuur val plat, en meer as 50,000 mense sterf.
• 1515 – Pous Leo X stel Adrian Gouffier de Boissy, biskop van Coutance, aan as kardinaal.
• 1542 – Prinses Mary Stuart word Koningin Mary I van Skotland.
• 1545 – Giovanni Angelo Medici (later Pous Pius IV) word aartsbiskop van Ragusa.
• 1588 – Pous Sixtus V stel Agostino Cusani en Francesco Maria del Monte Santa Maria aan as kardinale.
• 1740 – Pous Benedictus XIV verklaar Stephana de Quinzanis salig.
• 1772 – Pous Clemens XIV stel Leopold Ernest von Firmian, prins-biskop van Passau aan as kardinaal.
• 1819 – Alabama word die 22ste deelstaat van die Verenigde State.
• 1840 – Pous Gregorius XVI stel Lodovico Altieri, titulêr aartsbiskop van Efeso en Silvestro Belli, assessor van die Inkwisisie aan as kardinale.
• 1896 – Die Glasgow-moltrein, die derde oudste moltreinstelsel ter wêreld, word in Glasgow, Skotland, in gebruik geneem.
• 1900 – Max Planck publiseer sy studie van die kwantumteorie.
• 1902 – Die eerste telegraafkabel word dwarsoor die Stille Oseaan gelê.
• 1911 – Die eerste ekspedisie bereik die Suidpool, gelei deur Roald Amundsen.
• 1918 – Koning Väinö I van Finland doen afstand van die troon na die nederlaag van Keiserlike Duitsland in die Eerste Wêreldoorlog.
• 1927 – Irak word onafhanklik van die Verenigde Koninkryk.
• 1939 – Die VSSR word van die Liga van die Nasies verban.
• 1946 – Die Verenigde Nasies stem om sy hoofkwartier in New York te vestig.
• 1960 – België, Denemarke, Duitsland, Frankryk, Griekeland, Ierland, Italië, Kanada, Luxemburg, Nederland, Noorweë, Oostenryk, Portugal, Swede, Spanje, Switserland, Turkye, Verenigde Koninkryk, Verenigde State van Amerika en Ysland stig in Paris die OECD.
• 1962 – Die Mariner 2-ruimtetuig word die eerste om verby Venus te vlieg.
• 1962 – Die Mona Lisa word gewaardeer teen VS$100 miljoen, die hoogste assuransiewaardasie vir 'n skildery in die geskiedenis.
• 1981 – Israel annekseer die Golan-hoogtes.
• 1989 – Chili hou die eerste vrye verkiesing in 16 jaar en verkies Patricio Aylwin as die nuwe President van die Republiek.
• 1995 – Die Dayton-ooreenkoms word in Parys, Frankryk geteken om 'n einde te bring aan die Joegoeslawiese oorloë.
• 2004 – Die Millau-brug, die hoogste brug ter wêreld, word amptelik geopen.
• 2014 – Rolene Strauss, Mej. Suid-Afrika word as die nuwe Mej. Wêreld gekroon in Londen.

Geboortes

• 1503 – Nostradamus, Franse astroloog en wiskundige († 1566).
• 1546 – Tycho Brahe, Deense sterrekundige († 1601).
• 1867 – Alf Richards, Suid-Afrika se derde Springbokkaptein († 1904).
• 1867 – Alida Margaretha Jacoba Badenhorst (Tant Alie van Transvaal), Afrikaanse patriot en skryfster († 1908)
• 1895 – Koning George VI van die Verenigde Koninkryk († 1952).
• 1931 – Margaret Bakkes, Afrikaanse skrywer († 2016).

Sterftes

• 872 – Pous Adrianus II, die 106de pous van die Rooms-Katolieke Kerk (* 792).
• 1542 – James V van Skotland (* 1512).
• 1799 – George Washington, eerste President van die Verenigde State (* 1732)
• 1861 – Prins Albert, die metgesel van Koningin Victoria (* 1819).
• 1970 – Cecilia Wessels, Suid-Afrikaanse operasangeres (* 1895).
• 2013 – Zirk Bergh, sanger skiet drie persone en homself (* 1958).
• 2013 – Peter O'Toole, Ierse akteur en bekend geraak as Lawrence of Arabia (* 1932).

Vakansie-, vierings- en waarnemingsdae

• Die Fees van Sint Johannes van die Kruis (in die Rooms-Katolieke Kerk en die Kerk van Engeland).

Hierdie artikel is in sy geheel of gedeeltelik vanuit die Engelse Wikipedia vertaal.