Stade de Gerland

in Wikipedia, die vrye ensiklopedie
Spring na: navigasie, soek
Stade de Gerland
Le Temple
Stade de Gerland

UEFA Nuvola apps mozilla.pngNuvola apps mozilla.pngNuvola apps mozilla.pngNuvola apps mozilla.png
Die Stade de Gerland voor die wedstryd tussen Australië en Japan tydens die Rugbywêreldbeker 2007

Vollenaam Stade Gerland
Ligging 353, Avenue Jean-Jaurès, 69007 VIIde Arrondissement, Lyon, Frankryk
Koördinate 45°43′25.6″N 4°49′56.1″O / 45.723778°N 4.832250°O / 45.723778; 4.832250Koördinate: 45°43′25.6″N 4°49′56.1″O / 45.723778°N 4.832250°O / 45.723778; 4.832250
Eerste sooi gespit 1913
Gebou 1914
Geopen 1926
Uitgebrei 1960, 1980, 1998
Eienaar Stad Lyon
Operateur Stad Lyon
Oppervlak Gras
Boukoste 32,7 m
(insluitend renovasies)
Argitek Tony Garnier
René Gagis (renovasie)
Tuisveld van Olympique Lyonnais (Ligue 1)
(1950–2015)
Kapasiteit
43 051
Dimensies
112 m x 65 m

Die Stade de Gerland is die hoofsportmiddelpunt van die Franse stad Lyon. Die stadion wat in die Gerlandkwartier geleë is het tussen 1950 en 2015 as tuisveld van Olympique Lyonnais gebruik. Die stadion is vir sommige van die wedstryde van die Europese Sokkerkampioenskap 1984, FIFA Sokker-Wêreldbekertoernooi in 1998, FIFA Sokker-Konfederasiebeker in 2003 en Rugbywêreldbeker 2007 gebruik.

Lugbeeld van die Stade de Gerland
Wedstryd tussen Australië en Japan tydens die Rugbywêreldbeker 2007

Bouwerk aan die stadium, ontwerp deur die Lyonse inwoner Tony Garnier, het in 1913 'n aanvang geneem. Konstruksie is egter kort daarna deur die uitbraak van die Eerste Wêreldoorlog onderbreek. Na die einde van die oorlog is konstruksie in 1919 met die hulp van 'n groot aantal Duitse krygsgevangenes hervat. Die stadium was teen 1920 ten volle funksioneel.

Oorspronklik het die stadion geen onderdaksitplekke gehad nie en aansienlike herbouings is mettertyd aangebring. In 1960 moes die fietsrybaan wat om die sokkerveld geloop het opgeoffer word om die sitplekkapasiteit na meer as 50 000 te vermeerder. In 1984 het die aantal toeskouers 51 680 vir sekere Europese Sokkerkampioenskapwedstryde gehaal.

Vedere renovasies was nodig vir die FIFA Sokker-Wêreldbekertoernooi in 1998 aangesien FIFA teen daardie tyd daarop aangedring het dat alle stadiums wat vir internasionale wedstryde, insluitend Wêreldbekerwedstryde, sitplekke vir alle toeskouers moes hê. Die noord- en suidpawiljoene is geheel en al gesloop en die atletiekbaan wat oorgebly het na die fietsrybaan verwyder is moes ook afgestaan word. Die nuwe inkarnasie van Gerland het 'n maksimumkapsiteit van 43 051 bereik.

Die stadium bestaan tans uit twee hoofpawiljoene: 'n noord- en suidpawiljoen. Daar is ook twee kantpawiljoene: Die tribune Jean Jaurès en die tribune Jean Bouin.

Tussen 1950 en 2015 was die stadion die tuiste van Olympique Lyonnais wat 'n nuwe veld nodig gehad het toe dit afgeskei het van Lyon Olympique sportklub wat by die Stade des Iris gespeel het.

In 1967 is die stadion as 'n historiese monument verklaar met veral die boogingange wat as bewaringswaardig beskou word.

Die rekordbywoning vir 'n Ligue 1 wedstryd is 48 552 vir 'n wedstryd tussen Olympique Lyonnais en AS Saint-Étienne in 1982.

Tydens die FIFA Sokker-Wêreldbekertoernooi in 1998 het die stadion vyf groepwedstryde aangebied.

Tydens die FIFA Sokker-Konfederasiebeker in 2003 het 'n tragedie hom op die stadion afgespeel tydens die halfeindstryd tussen Kameroen en Colombia toe die Kameroense middeveldspeler Marc-Vivien Foé op die veld ineengestort het en kort daarna in die hospitaal gesterf het.

In 1972 is die Rugby League Wêreldbekereindstryd by die stadion gehou.

Olympique Lyonnais het in 2015 sy tuisveld na die nuwe stadion Parc Olympique Lyonnais geskuif.

Wedstryde[wysig | wysig bron]

Europese Sokkerkampioenskap 1984[wysig | wysig bron]

Hoofartikel: Europese Sokkerkampioenskap 1984.
Datum Tyd Span 1 Telling Span 2 Rondte Toeskouers
16 Junie 1984 20:30 Vlag van Denemarke Denemarke 5–0 Vlag van Joego-Slawië Joego-Slawië Groep A 24 736
24 Junie 1984 20:00 Vlag van Spanje Spanje 1–1 (5–4 straf.) Vlag van Denemarke Denemarke Halfeindstryd 47 843

FIFA Sokker-Wêreldbekertoernooi in 1998[wysig | wysig bron]

Hoofartikel: FIFA Sokker-Wêreldbekertoernooi in 1998.
Datum Tyd Span 1 Telling Span 2 Rondte Toeskouers
13 Junie 1998 17:30 Vlag van Suid-Korea Suid-Korea 1–3 Vlag van Meksiko Meksiko Groep E 39 100
15 Junie 1998 17:30 Vlag van Roemenië Roemenië 1–0 Vlag van Colombia Colombia Groep G 37 572
21 Junie 1998 21:00 Vlag van Verenigde State Verenigde State 1–2 Vlag van Iran Iran Groep F 39 100
24 Junie 1998 16:00 Vlag van Frankryk Frankryk 2–1 Vlag van Denemarke Denemarke Groep C 39 100
26 Junie 1998 16:00 Vlag van Japan Japan 1–2 Vlag van Jamaika Jamaika Groep H 39 100
4 Julie 1998 21:00 Vlag van Duitsland Duitsland 0–3 Vlag van Kroasië Kroasië Kwarteindstryd 39 100

FIFA Sokker-Konfederasiebeker in 2003[wysig | wysig bron]

Hoofartikel: FIFA Sokker-Konfederasiebeker in 2003.
Datum Tyd Span 1 Telling Span 2 Rondte Toeskouers
18 Junie 2003 21:00 Vlag van Frankryk Frankryk 1–0 Vlag van Colombia Colombia Groep A 38 541
20 Junie 2003 19:00 Vlag van Colombia Colombia 3–1 Vlag van Nieu-Seeland Nieu-Seeland Groep A 22 811
21 Junie 2003 21:00 Vlag van Brasilië Brasilië 1–0 Vlag van Verenigde State Verenigde State Groep B 20 306
23 Junie 2003 21:00 Vlag van Verenigde State Verenigde State 0–0 Vlag van Kameroen Kameroen Groep B 19 206
26 Junie 2003 18:00 Vlag van Kameroen Kameroen 1–0 Vlag van Colombia Colombia Halfeindrondte 12 352

Rugbywêreldbeker 2007[wysig | wysig bron]

Hoofartikel: Rugbywêreldbeker 2007.
Datum Tyd Span 1 Telling Span 2 Rondte Toeskouers
8 September 2007 15:45 Vlag van Australië Australië 91–3 Vlag van Japan Japan Groep B 40 043
11 September 2007 20:00 Vlag van Argentinië Argentinië 33–3 Vlag van Georgië (land) Georgië Groep D 40 240
15 September 2007 13:00 Vlag van Nieu-Seeland Nieu-Seeland 108–13 Vlag van Portugal Portugal Groep C 40 729

Eksterne skakels[wysig | wysig bron]

Commons-logo.svg
Wikimedia Commons het meer media verwant aan: